Baru lela nɛ Jɔn kute na 15:10 - EBƆRƐ BE KAWƆL

¹⁰ Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Baru lela nɛ Jɔn kute na 15:10 ပူးပေါင်းရင်းမြစ်များ

2 Samuɛl 22:22

Kusɔ nɛ Enyɛnpe Ebɔrɛ bee sha nɛ mee wora. Maa ba nɛ n shile ma Ebɔrɛ n ya wora kulubi kikɛ.

2 Bewura 18:6

E ji kashenteŋ nsaa wora kasonu a sa Enyɛnpe Ebɔrɛ na nseŋ naa bɛ mbra nɛ Enyɛnpe Ebɔrɛ ta n sa Mosis dra dra na fanɛ e ta n sa mbe basa na so nɛnɛ.

Ɛksodɔs 7:6

Ndoŋ nna nɛ Mosis nɛ Ɛɛrɔn wora kananɛ Enyɛnpe baŋ ŋini bumo na gbagba chap.

Aizaaya 50:5

Enyɛnpe Ebɔrɛ na e shin nɛ m pin asheŋ to a maŋ lar mo kaman ŋko n shile mo na.

Baru lela nɛ Jɔn kute na 10:18

Esa kikɛ maa sɔ kumo ŋ kutɔ. Ŋ gbagba e naa ta kumo a sa basa. Meeŋ tiŋ n ta kumo n sa basa nseŋ naŋ tiŋ n ta kumo a wɔtɔ. Loŋ nɛ n Tuto na yili fanɛ n wora.”

Baru lela nɛ Jɔn kute na 12:49

Ŋkpal manɛ so, mannɛ ŋ gbagba be eleŋ to so nɛ m malga, Etuto nɛ e shuŋi ma na e nase kusɔ nɛ meeŋ kaŋɛ nɛ kananɛ meeŋ kaŋɛ kumo n sa ma.

Baru lela nɛ Jɔn kute na 14:15

Nɛ men baa sha ma, menyeeŋ baa bɛ ma mmalga naseso so.

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

Baru lela nɛ Jɔn kute na 14:23

Nɛ Yesu kaŋɛ mo le: “Esa kama nɛ e bee sha ma beeŋ ta ma mmalga n wɔtɔ mbe kagbene to. N Tuto malɛ gba beeŋ baa sha mo nɛ ma nɛ n Tuto na kikɛ e ba mo kutɔ m ba ta mo ŋ ki anyi be kowu.

Baru lela nɛ Jɔn kute na 14:31

E maŋ kɔ eleŋ ma so, ama a daga durnya ere ka pin fanɛ mee sha Etuto na, amoso nɛ mee wora kusɔ nɛ e bee kaŋɛ ma kikɛ na. Men niŋi to nɛ an koso nfe n choŋ.”

Baru lela nɛ Jɔn kute na 17:4

M maŋkura fo kasawule ere to, ŋkpal manɛ so, n wora kushuŋ nɛ fo ta m bɔɔ ma enɔ fanɛ n wora na kikɛ.

Baru lela nɛ Jɔn kute na 4:34

Ndoŋ nna nɛ Yesu kaŋɛ bumo le: “Ma ajibi e la kewora esa nɛ e shuŋi ma na be aparsheŋ nɛ keloge mbe kushuŋ.

Baru lela nɛ Jɔn kute na 8:29

Esa nɛ e shuŋi ma na malɛ maŋ yige ma n to, e wɔ ŋ kutɔ, ŋkpal manɛ so, saŋkikɛ kusɔ nɛ k bee par mo nɛ mee wora.”

Baru lela nɛ Jɔn kute na 8:55

Men maŋ nyi mo, ama ma ere nyi mo. Nɛ ŋ kaŋɛ fanɛ m maŋ nyi mo, meeŋ baa la efɛpo fanɛ menyi, ma ere nyi mo nsaa ta mbe mmalga a wɔtɔ ma kagbene to.

1 Kɔrintebi 7:19

Nɛ b ku esa ŋko b maŋ ku mo, k maŋ la shɛŋ. Kusɔ nɛ k tir e la fanɛ men baa bɛ Ebɔrɛ be mmalga naseso so.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

2 Pita 2:21

Nɛ b daa maŋ pin Ebɔrɛ be anishito be alelasheŋ be ekpa nna, k daa beeŋ baa bɔ bumo so a chɔ b ka ba pin kumo nseŋ naŋ pal kaman n sa Ebɔrɛ be kamalga naseso cheembi nɛ e daŋ ta n sa bumo na.

1 Jɔn 2:3

Nɛ an baa bɛ Ebɔrɛ be mmalga naseso so bre, kumo ere an baa nyi geeŋ fanɛ an nyi mo.

1 Jɔn 2:5

Ama esa kama nɛ e bee bɛ Ebɔrɛ na be mmalga naseso so, amodoŋwura e la esa nɛ Ebɔrɛ be kasha bɔlɔ mo to felɛlɛ kashenteŋto Loŋ malɛ nɛ anyee ta a pin fanɛ an ka wɔ Ebɔrɛ to.

1 Jɔn 2:6

Ekama malɛ nɛ e bee kaŋɛ fanɛ e wɔ Ebɔrɛ na to, a daga fanɛ amodoŋwura e baa wora asheŋ fanɛ kananɛ Yesu daa wora na.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.