Baru lela nɛ Jɔn kute na 15:1 - EBƆRƐ BE KAWƆL

¹ Yesu yɛ: “N du fanɛ kedibi sɔrso gbagba nna nɛ n Tuto malɛ la ndibi sɔrso na be ekenipo.

Baru lela nɛ Jɔn kute na 15:1 ပူးပေါင်းရင်းမြစ်များ

Sɔlɔmɔn 7:12

Shin nɛ an wule ŋ koso n ya keni, afeelebi nɛ a bee sɔr greeps na fara a futi a? Ŋko asɔrso nɛ baa tre pomegranates na bee wora atoto a? An kaŋ yɔ ndoŋ na nɛ meeŋ ŋini fo ma kasha.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 60:21

Kumo be kaman nɛ menyi be basa kikɛ e chena kasawule na so nsaa wora kusɔ nɛ k niŋi mbaanaayɔ. B du fanɛ kedibi nɛ ŋ gbagba du ndoŋ nɛ n lara ma keshi ŋ ŋini ekama nna.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Jɛremaya 2:21

N daŋ lara menyi nna nɛ men baa la ndibi sɔrso be kudɔ lela nɛ k beeŋ baa sɔr asɔrso lela nɛnɛ a sa ma, ama men keni basa men ki naniere! Men ki fanɛ ndibi sɔrso be kudɔ nɛ ekama maa keni so nɛ k ki kupuŋ nn, a maaŋ naŋ tiŋ a sɔr kusɔrso koŋwule gba.

Ezikɛl 19:10

Fo nio daa du fanɛ kedibi sɔrso nna nɛ k yil m mata kabombi; K daa sɔr nɛnɛ nna nsaa kɔ ayabi damta ŋkpal k ka daa nya nchu nɛnɛ so.

Hoziya 10:1

Israɛl be basa daa du nna fanɛ asɔrso nɛ baa tre greep na be kefeelebi. B baa dii dama baa pere kenishi nna a pɔr ebɔrɛsure damta. Bumo be adɔjibi baa wora nɛnɛ baa pere kenishi nna a lɔŋɛ kakpa nɛ baa shuŋ agbir na nɛnɛ.

Zakareya 3:8

Amoso fo, Joshuwa nɛ fo la bɔrɛmatapo nimuso nɛ fo braana bɔrɛmatapoana nɛ b wɔ nfe, e nu nɛnɛ. Menyi so nɛ echefoso be asheŋ lela kikɛ beeŋ bɔla so m ba, ŋkpal loŋ so mee sha kelara ma kayɛrbi nɛ e la ma ewura laraso na efuli nna.

Matiu 15:13

Nɛ Yesu kaŋɛ bumo: “Kedibi kama nɛ n Tuto nɛ e wɔ ebɔrɛso na maŋ fɛa, e beeŋ tia kumo.

Matiu 20:1

Nɛ Yesu naŋ kaŋɛ: “Ebɔrɛso be kuwura na du fanɛ kudɔwura ko ka koso chipurdidi nna n ya ber basa paa nɛ b ya shuŋ mbe ndibi be kudɔ to.

Matiu 21:33

Nɛ Yesu kaŋɛ basa na: “Men naŋ nu keŋasa ko: Kowurnyɛn ko e daa wɔtɔ n dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Maak 12:1

Ade be kaman nɛ Yesu naŋ bɔ bumo aŋasa a kaŋɛ: “Kanyɛn ko e daŋ dɔ ndibi sɔrso be kudɔ n fɛa asɔ ŋ kulti kumo nseŋ kur asɔrso na be kemaŋ nɛ b baa nyaŋ amo ndoŋ. Kumo be kaman nɛ e yuu kejaŋ jeŋgreŋ ko malɛ. E ka loge ade kikɛ nɛ e ta kudɔ na m bɔɔ paawuraana enɔ fanɛ b baa keni so nseŋ yɔ efuli pɔtɛ ko so.

Luuk 13:6

Ndoŋ nna nɛ e bɔ keŋasa ere ŋ kaŋɛ: “Kanyɛn ko e daa kɔ figi be kedibi sɔrso ko ashi mbe ndibi sɔrso to be kudɔ to. Kachako nɛ e bee sha kusɔrso kumo so nɛ e chuge nseŋ fin ŋ gben.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Baru lela nɛ Jɔn kute na 1:9

Kashenteŋ be kefulto nɛ k bee nyaŋɛ a sa esa kama na e daa ba durnya ere to na.

Baru lela nɛ Jɔn kute na 15:2

Keyabi kama nɛ k chɔɔ ma so ŋkaa maa sɔr shɛŋ, e bee ku kumo nna a lɛ nɛ keyabi kama malɛ nɛ k bee sɔr e bee lɔŋɛ kumo so nna nɛ k tiŋ n sɔr ga n ti so.

Baru lela nɛ Jɔn kute na 6:32

Nɛ Yesu kaŋɛ bumo: “Men keni, kashenteŋ nɛ mee kaŋɛ menyi na fanɛ mannɛ Mosis e daŋ sa menyi ebɔrɛso be bodobodo na. N Tuto e naa sa menyi kashenteŋ be bodobodo nɛ k bee shi ebɔrɛso na.

Baru lela nɛ Jɔn kute na 6:55

ŋkpal manɛ so, ma eyur ere la ajibi gbagba nna nɛ ma ŋklaŋ malɛ la asɔnuuso gbagba.

Romebi 11:17

B ka fɛta ɔlifs be kedibi fɛaso be keyabi nɛ k bee nya kekeni nseŋ ta menyi nɛ men du fanɛ ɔlifs be kukɔrbua n yuu n chɔga ɔlifs be kedibi na so nɛ menyee nu kedibi na be ebel ere,

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

1 Jɔn 2:8

Ama kamalga naseso mo nɛ mee sibɛ a sa menyi ere malɛ du fanɛ kepopɔr nna. Menyi nɛ Kristo be kebaawɔtɔ malɛ to nɛ baa wu kumo be loŋ be kashenteŋ na, ŋkpal manɛ so, tentembiri na bee choŋ nna nɛ kashenteŋ be kefulto na tea fuli to.