Baru lela nɛ Jɔn kute na 14:27 - EBƆRƐ BE KAWƆL

²⁷ Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 14:27 ပူးပေါင်းရင်းမြစ်များ

2 Kronikɛls 20:30

Amoso Jehoshafat daŋ ji mbe kuwura kagbenewushiso nna nɛ Ebɔrɛ daŋ kuŋ mo ekpa kama so.

Job be kawɔl 34:29

Nɛ Ebɔrɛ baŋ maŋ wora shɛŋ gba, esa ko ŋko efuli ko beeŋ tiŋ n wu mo kulubi a?

Nshɛ 11:1

Ŋkpal Enyɛnpe Ebɔrɛ na ka la ma ekumpo so, k maŋ la kesheŋ tirso fanɛ fo kaŋɛ ma fanɛ n firgi fanɛ kabuibi n yɔ kebeegboŋ so be kakpa nɛ meeŋ nya kekuŋ.

Nshɛ 112:7

B maaŋ baa ŋana baru lubi ŋkpal manɛ so, bumo be ŋgbene baa yil kakpa koŋwule nna nɛ baa yirda Enyɛnpe Ebɔrɛ na.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 28:3

Sa maŋ ta ma n ti kumukpakpasowuraana nɛ basa lubi nɛ baa malga bumo braana kutɔ kashaso nsaa kre bumo ŋkre lubi ashi bumo be ŋgbene to na so ŋ kaŋɛ fanɛ n ji n tɔr.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 56:11

Enyɛnpe Ebɔrɛ n yirda fo, amoso kufu maŋ kɔ ma. Manɛ nɛ dimɛdi beeŋ tiŋ n wora ma?

Nshɛ 56:3

Ama hale kufu kɔ ma gba ŋ kraa beeŋ yirda fo.

Nshɛ 72:2

Saŋɛ na so, e beeŋ baa ji fo basa demu ekpa niŋiso so, nsaa keni basa nɛ b wɔ tɔrɔ to ekpa nɛ k daga so.

Nshɛ 72:7

Shin nɛ ewura na e baa ji asheŋ nɛ amo be ekpa so a sa ekama, nseŋ shin nɛ kayurwushi nɛ kedamaya e sɔ kaplɛkama hale nɛ kufɔl e ya wu.

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Nshɛ 91:5

Fo maaŋ naa ŋana kanyɛso be asɔ nɛ a bee keta kufu ŋko kapaso be kelantokɔ kikɛ,

Aŋasa 3:25

Ŋko a fɔŋ etɔrɔ purgiso nɛ a bee kaa ba basa lubi so fanɛ afugboŋ na so.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 41:14

Ade be kaman, nɛ Enyɛnpe Ebɔrɛ na kaŋɛ: “Israɛl be basa, men ka maŋ shi nsaa maa kɔ eleŋ ga ere gba, men sa maa lɔ kufu; meeŋ chɛ menyi to. Ma, nɛ n la Israɛl be Ebɔrɛ cheembi na e naa mɔlga menyi.

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Aizaaya 55:12

Kagbenefuli nɛ menyeeŋ ta n lar Babilɔn be efuli so, nseŋ lar kadegboŋ na to nɛ kayurwushi. Abeegboŋ nɛ abeebi beeŋ baa boŋ nshɛ a sa menyi, nɛ ndibi malɛ e baa kpla enɔ a wɔtɔ.

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Jɛremaya 1:8

Sa maa ŋana bumo, ŋkpal manɛ so, meeŋ baa wɔ fo kutɔ nsaa kuŋ fo. Ma, Enyɛnpe Ebɔrɛ e kaŋɛ na!”

Nfabel 3:17

M maaŋ naŋ tiŋ n nyiŋi asɔ nɛ e la alenfia nɛ kayurwushi nɛ kagbenefuli gba.

Ezikɛl 2:6

Ama fo ere, dimɛdi pibi, sa maa ŋana bumo ŋko bumo be mmalga. Sa maa lɔ kufu ŋkpal b ka beeŋ kplaŋ fo so nseŋ wora fo yɛryɛrbi so. K beeŋ baa du fanɛ fo ka wɔ ewi to ŋko nna to nna. Ama sa maa ŋana basa nɛ b kini ma nseŋ pal kaman n sa ma na ŋko n shin nɛ b baa ta kufu a da fo.

Danɛl 4:1

Ewura Nebukadneeza daŋ sa efuliana nɛ eyiriana nɛ ŋgbarana nɛ e wɔ durnya to kikɛ ebɔl nna ŋ kaŋɛ le: “Kagbenewushi e baa wɔ menyi kikɛ so.

Danɛl 6:25

Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi!

Zakareya 6:13

Mo e naŋ pɔr kumo n nya kemaŋkura fanɛ ewura na nseŋ ji mbe basa so kuwura. Mo nɛ bɔrɛmatapo ko beeŋ wora kɔnɔkoŋwule n chɛ abar to n shuŋ kayurwushiso.’

Nɔmbɛs 6:26

Enyɛnpe Ebɔrɛ na be kuwɔr nɛ mbe kagbenewushi e baa wɔ menyi so.”

Matiu 10:26

Amoso, men sa maa ŋana edimɛdi. Kusɔ kama nɛ k buu so beeŋ ba dii efuli nɛ kumo be wulo kikɛ e ba bugi so.

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Luuk 10:5

Laŋ kama to nɛ men ya kaa luri, men kaŋɛ le pɔɛŋ: ‘Kagbenewushi e baa wɔ laŋ ere to ebi so.’ Nɛ kagbenewushi shapowura kama wɔ ndoŋ, men be kagbenewushi be kechɔrɔ na beeŋ baa wɔ mo so.

Luuk 12:4

N teriana, mee kaŋɛ menyi nna na fanɛ men sa maa ŋana basa nɛ baaŋ tiŋ m mɔ menyi be eyur ere ŋkaa maaŋ naŋ tiŋ n wora menyi shɛŋ.

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Baru lela nɛ Jɔn kute na 14:1

Yesu yɛ: “Men sa maŋ shin nɛ men be ŋgbene e baa jija menyi. Men yirda n Tuto Ebɔrɛ, men baa yirda ma alɛ gba.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Baru lela nɛ Jɔn kute na 20:19

Alediachɛ na be kaaseso nɛ bebɛsopo na kikɛ shɛr kaboŋ koŋwule nseŋ ti mbuna ŋkpal b ka daa ŋana Juwebi be benimuana na so so, nɛ Yesu ba yili bumo to nseŋ kaŋɛ bumo le: “Kagbenewushi e baa wɔ menyi to.”

Baru lela nɛ Jɔn kute na 20:21

Nɛ Yesu naŋ kaŋɛ bumo: “Kagbenewushi e baa wɔ menyi to. Kananɛ Etuto na shuŋi ma na nɛ ma alɛ gba bee shuŋi menyi na.”

Baru lela nɛ Jɔn kute na 20:26

Kumo be bɔkwe be kaman nɛ mbe bebɛsopo na naŋ shɛr a wɔ ebu to nɛ Tɔmas gba wɔ bumo to kamɔnchɛ. B daŋ ber mbuna na kikɛ so nna, ama Yesu daŋ ba yili bumo to nna nseŋ kaŋɛ bumo le: “Kagbenewushi e baa wɔ menyi to.”

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ashuŋ Shunso 18:9

Kanyɛso ko Pɔɔl ku bɔrɛdare n nu Enyɛnpe ka bee kaŋɛ mo: “Sa maa lɔ kufu n yige, baa kraa malga, ŋkpal manɛ so, n wɔ fo kaman.

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Romebi 8:6

Keshin nɛ kapɔr lubi ere e baa wɔ fo nfɛra bee yɛr fo luwu to nna nɛ keshin nɛ Kiyoyu na e baa wɔ fo nfɛra malɛ bee yɛr fo ŋkpa nɛ kagbenewushi to.

1 Kɔrintebi 1:3

Kuwɔr be kakɛ nɛ kagbenewushi mo nɛ a shi an Tuto kutɔ nɛ Enyɛnpe Yesu Kristo kutɔ na e baa wɔ menyi kutɔ.

Galeeshaebi 1:3

An Tuto Ebɔrɛ na nɛ Enyɛnpe Yesu Kristo na e sa menyi Ebɔrɛ be kuwɔr be kakɛ nɛ kagbenewushi.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Galeeshaebi 6:16

Ebɔrɛ be kagbenewushi nɛ mbe kuwɔr e baa wɔ bekama nɛ baa bɛ le be kesheŋ ere so n ti Ebɔrɛ be basa kikɛ so.

Filipaiebi 4:7

Nɛ men wora loŋ, kagbene wushi nɛ k bee shi Ebɔrɛ kutɔ a ba nsaa chɔ kananɛ dimɛdi beeŋ fɛ na beeŋ shin nɛ men be ŋgbene nɛ men be nfɛra e nya edesekpa ashi Kristo Yesu to.

Kɔlɔsiebi 1:2

a yɔ menyi nɛ men la Ebɔrɛ peya a wɔ Kɔlɔsi nseŋ naa la an kurgepoana nɛ basa nɛ b maŋ kɔ kɔnɔleŋi ashi Yesu Kristo to na kutɔ. An Tuto Ebɔrɛ e sa menyi mbe kuwɔr be kakɛ na nɛ kagbenewushi.

Kɔlɔsiebi 1:20

An Tuto na e shin nɛ mo Pibi bar asɔtoso kikɛ abar so nɛ Ebɔrɛ nɛ asɔtoso na naŋ wora kɔnɔkoŋwule, asɔtoso nɛ a wɔ kasawule so nɛ amo nɛ a wɔ ebɔrɛso kikɛ, kumo e la fanɛ, mo Pibi na bar kagbenewushi Ebɔrɛ nɛ asɔtoso kikɛ be nferinto ashi mbe ŋklaŋ nɛ a lar saŋɛ nɛ e wu kedibi largato na so na.

Kɔlɔsiebi 3:15

Men shin nɛ kagbenewushi nɛ Yesu Kristo bee sa na e baa wɔ menyi to, ŋkpal manɛ so, Ebɔrɛ lara menyi nna nɛ men baa kɔ kagbenewushi abar so, ŋkpal men ka la kukoŋwule na so. Men baa chɔrɔ Ebɔrɛ.

2 Tɛsalɔnikaebi 1:2

Ebɔrɛ Etuto na nɛ Enyɛnpe Yesu Kristo e sa menyi mo ere Ebɔrɛ na be kuwɔr be kakɛ nɛ kagbenewushi.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

2 Timoti 1:7

Ŋkpal manɛ so, Kiyoyu nɛ Ebɔrɛ sa anyi na maŋ la kufu peya nna, k la eleŋ nɛ kasha nɛ kamootiŋ be kiyoyu nna.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 7:2

Ndoŋ nna nɛ Eebraham sa Mɛlkizedɛk kusɔ kama nɛ e daŋ nya na be kudukudusopo. Kusɔ nɛ k juŋkpar Mɛlkizedɛk be asheŋ to e la fanɛ mbe ketre be kifito e la Ebɔrɛ be anishito be alelasheŋ be ewura. Kede malɛ be kaman Seelɛm be ewura e la mo, kumo e la fanɛ kagbenewushi be ewura.

Kelaraŋŋini 1:4

Kawɔl ere shi ma Jɔn kutɔ nna a yɔ asɔri ashunu mo nɛ a wɔ Eeshia be kasawule so na kutɔ. Kuwɔr be kakɛ nɛ kagbenewushi e shi esa nɛ e daa wɔtɔ nseŋ kraa wɔtɔ ŋkeŋ naa ba na nɛ ayoyu ashunu mo nɛ a wɔ mbe kuwurputi be anishito na kutɔ a la menyeya.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”