Baru lela nɛ Jɔn kute na 14:23 - EBƆRƐ BE KAWƆL

²³ Nɛ Yesu kaŋɛ mo le: “Esa kama nɛ e bee sha ma beeŋ ta ma mmalga n wɔtɔ mbe kagbene to. N Tuto malɛ gba beeŋ baa sha mo nɛ ma nɛ n Tuto na kikɛ e ba mo kutɔ m ba ta mo ŋ ki anyi be kowu.

Baru lela nɛ Jɔn kute na 14:23 ပူးပေါင်းရင်းမြစ်များ

Jɛnesis 1:26

Ade kikɛ be kaman nɛ Ebɔrɛ naŋ kaŋɛ: “Men shin nɛ an to edimɛdi nɛ b baa du fanɛ anyi, nsaa ji eleŋ ashi ekɔrɔtɔ so nɛ mbuibi so nɛ asɔ gbeyesoana so nɛ asɔ belaso na kikɛ so nɛ kasawule kikɛ nyam so.”

Jɛnesis 11:7

Amoso men shin nɛ an yɔ n ya wea bumo be ŋgbar na to, saŋɛ na so b maaŋ naa nu abar be ŋgbar.”

Nshɛ 90:1

O Enyɛnpe Ebɔrɛ, fo kutɔ e la anyi pe, jemanɛ kikɛ.

Nshɛ 91:1

Esa kama nɛ e shile n ya mata Enyɛnpetale Ebɔrɛ na e naŋ nya mbe kekuŋ.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 14:15

Nɛ men baa sha ma, menyeeŋ baa bɛ ma mmalga naseso so.

Baru lela nɛ Jɔn kute na 14:17

mo e la kashenteŋ be Kiyoyu na, nɛ e ba kaa wɔ menyi kutɔ mbaanaayɔ. Durnya ere to ebi maaŋ tiŋ n sɔ loŋ be Echɛtopo na, ŋkpal manɛ so, b maaŋ tiŋ n wu mo, bumo alɛ maŋ naa nyi mo. Ama menyi ere nyi mo, ŋkpal manɛ so, e beeŋ ba kaa wɔ menyi kutɔ nseŋ naa wɔ menyi be ŋgbeneana to.

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

Baru lela nɛ Jɔn kute na 14:24

Esa kama nɛ e maa sha ma, maa ta ma mmalga a wɔtɔ mbe kagbene to. Mmalga nɛ menyee nu ere malɛ maŋ la meya nna, n Tuto nɛ e shuŋi ma na peya nna.

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Baru lela nɛ Jɔn kute na 16:27

Ŋkpal manɛ so, Etuto na gbagba bee sha menyi ŋkpal men ka bee sha ma nseŋ yirda fanɛ n shi Ebɔrɛ na kutɔ na so.

Baru lela nɛ Jɔn kute na 6:56

Esa kama malɛ nɛ e we ma eyur ere nseŋ nuu ma ŋklaŋ wɔ ma to nna nɛ ma alɛ gba wɔ mo to.

Baru lela nɛ Jɔn kute na 8:51

Ma e kaŋɛ menyi kashenteŋto na fanɛ nɛ esa baa ta ma kamalga na a wɔtɔ mbe kagbene to, e maaŋ wu kikɛ.”

Baru lela nɛ Jɔn kute na 8:52

Ndoŋ nna nɛ Juwebi na kaŋɛ: “To, naniere nɛ an pin fanɛ kiyoyu lubi e wɔ fo to kashenteŋto, ŋkpal manɛ so, Eebraham nɛ anebiana na kikɛ wu n wu, ama kumo nɛ fee kaŋɛ fanɛ nɛ esa baŋ ta fo kamalga na n wɔtɔ mbe kagbene to, e maaŋ wu na.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

1 Jɔn 2:24

Ama menyi ere e shin nɛ kusɔ nɛ men nu sososo kikɛ na e shir a wɔ menyi to. Nɛ kusɔ nɛ men nu sososo kikɛ na baa wɔ menyi to bre, kumo ere menyi alɛ gba beeŋ baa wɔ Ebinyɛn na nɛ Etuto na to.

1 Jɔn 2:5

Ama esa kama nɛ e bee bɛ Ebɔrɛ na be mmalga naseso so, amodoŋwura e la esa nɛ Ebɔrɛ be kasha bɔlɔ mo to felɛlɛ kashenteŋto Loŋ malɛ nɛ anyee ta a pin fanɛ an ka wɔ Ebɔrɛ to.

1 Jɔn 4:4

Ama menyi ere, ma mbi shasoana, men la Ebɔrɛ be basa nna m pɔɔ loŋ be anebi fɛpoana so, ŋkpal manɛ so, esa nɛ e wɔ menyi to na e chɔ emo nɛ e wɔ durnya ere to na.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.

2 Jɔn 1:6

Keŋini kasha e la kebaabɛ Ebɔrɛ be mmalga naseso so. Menyi alɛ kikɛ chɛr n nu dra dra na kikɛ fanɛ kusɔ nɛ Ebɔrɛ na nase e la fanɛ a daga fanɛ men kikɛ e baa wɔ kasha be kebaawɔtɔ to.

Kelaraŋŋini 21:22

N daa maŋ wu bɔrɛlambu kama kadegboŋ na to, ŋkpal manɛ so, Enyɛnpetale Enyɛnpe Ebɔrɛ nɛ Kpakpafɔlbi na e la ndoŋ be bɔrɛlambu.

Kelaraŋŋini 21:3

Kumo be kaman nɛ n nu ebɔl ko awɔrso ka shi kuwurputi na akpa ŋ kaŋɛ: “Naniere bre, basa to e ki kakpa nɛ Ebɔrɛ ba nɛ e ba kaa wɔ. Mo nɛ basa beeŋ ba kaa wɔtɔ nɛ b baa la mbe basa. Ebɔrɛ gbagba e naaŋ ba kaa wɔ bumo to a la bumo be Ebɔrɛ.

Kelaraŋŋini 22:3

Kusɔ kama nɛ Ebɔrɛ so kɔnɔ maaŋ naa wɔ ndoŋ. Ebɔrɛ nɛ Kpakpafɔlbi na be kuwurputi e naaŋ baa wɔ ndoŋ nɛ mbe anya e baa maŋ mo so.