Baru lela nɛ Jɔn kute na 14:12 - EBƆRƐ BE KAWƆL

¹² Ma e kaŋɛ menyi kashenteŋto na fanɛ esa kama nɛ e ta mbe yirda n deŋi ma so, beeŋ wora asɔ nɛ mee kaa wora ere. E beeŋ wora asɔ nɛ a chɔ ade gba, ŋkpal ŋ ka bee yɔ Etuto na kutɔ so.

Baru lela nɛ Jɔn kute na 14:12 ပူးပေါင်းရင်းမြစ်များ

Matiu 21:21

Nɛ Yesu kaŋɛ bumo: “Ma e kaŋɛ menyi kashenteŋto na fanɛ nɛ men baa kɔ yirda a maa wora shikashika, mannɛ kusɔ nɛ k wora figi be kedibi na nawule nɛ menyeeŋ tiŋ n wora, ama menyeeŋ tiŋ ŋ kaŋɛ kebee ere le: ‘Pulgi n ta fo kumu n ya lɛ teku to’, nɛ loŋ e wora.

Maak 11:13

Ndoŋ nna nɛ e wu figi be kedibi ka kɔ afantaŋ damta mbe anishito nɛ e yɔ kumo ase nɛ e ya keni ŋko e beeŋ nya asɔrso kumo so a. Ama e ka fo ndoŋ e maŋ nya shɛŋ, afantaŋ nawule nɛ e wu, ŋkpal manɛ so, efigi be kesɔr be jemanɛ daa maŋ naŋ fo.

Maak 16:17

Beyirdapo beeŋ nya le be eleŋ: Baaŋ ta ma ketre n ju mbuibi lubi ashi basa to.

Baru lela nɛ Jɔn kute na 14:28

Men teŋ nu ŋ ka kaŋɛ menyi fanɛ: ‘Mee yɔ nna nɛ n naŋ bɛta m ba menyi kutɔ’. Nɛ men daa sha ma nna, k daa beeŋ wora menyi ebel ŋkpal ŋ ka bee yɔ n Tuto na kutɔ so, ŋkpal manɛ so, Etuto na e chɔ ma.

Baru lela nɛ Jɔn kute na 16:7

Kashenteŋ malɛ nɛ mee kaŋɛ menyi na fanɛ menyi be kechɛto so nɛ mee yɔ na, ŋkpal manɛ so, nɛ m baa maŋ yɔ, Echɛtopo na maaŋ ba menyi kutɔ. Ama nɛ m baŋ yɔ bre, meeŋ shuŋi mo nɛ e ba menyi kutɔ.

Baru lela nɛ Jɔn kute na 4:37

Basa ka bee kaa malga loŋ be kesheŋ na malɛ fanɛ: ‘Esa ko e naa duu nɛ eko malɛ bee teŋi na’, la kashenteŋ nna.

Baru lela nɛ Jɔn kute na 5:20

Ŋkpal manɛ so, Etuto na bee sha ma, Ebinyɛn na ga. Amoso, kusɔ kama nɛ e bee wora, e bee ŋini ma kumo nna. Mo alɛ kraa beeŋ ŋini ma asɔ nɛ a chɔ ade ere nɛ men be nnɔ e mɔ menyi.

Baru lela nɛ Jɔn kute na 7:33

Nɛ Yesu kaŋɛ le: “Ma nɛ menyi maaŋ naa wɔtɔ n chɛr. Meeŋ yɔ esa nɛ e shuŋi ma na kutɔ.

Baru lela nɛ Jɔn kute na 7:39

Yesu daŋ malga le nna a ŋini Kiyoyu nɛ bumo nɛ baaŋ yirda mo na beeŋ ba nya kachako na be asheŋ. Amo be saŋɛ na so malɛ kikɛ nɛ b maŋ naŋ shin nɛ Kiyoyu na ba, ŋkpal manɛ so, saŋɛ na so b maŋ naŋ maŋ Yesu so n sa mo kemaŋkura.

Ashuŋ Shunso 10:46

Ŋkpal manɛ so, b daŋ nu kananɛ b daŋ gbar ŋgbar nɛ bumo gbagba maa nu nseŋ kaŋɛ fanɛ Ebɔrɛ e la durnya be Enyɛnpetale.

Ashuŋ Shunso 16:18

E daŋ malga loŋ nchɛ damta nɛ kachako Pɔɔl be kagbene jija mo ga nɛ e gben ŋ kilgi ŋ kaŋɛ kiyoyu lubi na: “Yesu Kristo be ketre to nɛ mee kaŋɛ fo na: Lar kebichebi ere to!” Epul na gbagba to nɛ kiyoyu lubi na lar kebichebi na to.

Ashuŋ Shunso 19:12

B daa ta Pɔɔl be antikiana nɛ mbe kushuŋ to be asɔbuuso gba nna n ya kaa sa belɔpo nɛ a bee shin nɛ basa na be alɔ nɛ ayoyu lubiana malɛ gba bee lar bumo to.

Ashuŋ Shunso 2:33

Ebɔrɛ shin nɛ e tiŋi luwu to n ya chena mbe jisoso, ebunyampo be kakpa nseŋ shin nɛ e nya Kiyoyu Cheeŋ nɛ Etuto na nase kɔnɔ fanɛ e beeŋ sa na. Asɔ nɛ menyee wu nsaa nu naniere malɛ kikɛ la mbe kakɛ nna.

Ashuŋ Shunso 2:41

Basa na be bedamta daŋ yirda Pita be kamalga na nɛ b bɛr bumo kabɔrɛbɛr. Kumo be kachɛ na basa fanɛ ŋgboŋ asa e ba ti beyirdapoana na so.

Ashuŋ Shunso 4:16

a bishi abar: “Nuso nɛ anyeeŋ wora basa anyɔ ere? Jerusalɛm ere to be esa kama nyi fanɛ bumo e wora kemamachisheŋ gboŋ na, anyi maaŋ tiŋ n chɛ kumo be loŋ.

Ashuŋ Shunso 4:33

Nɛ beshuŋipoana na malga kenyɛnso n ji Enyɛnpe Yesu be ketiŋi luwu to na be shɛda n sa basa nɛ Ebɔrɛ nɛfa bumo kikɛ ga.

Ashuŋ Shunso 4:4

Ama jimaŋ na to be bedamta nɛ b nu kubɔya na yirda kumo, nɛ beyirdapoana na kikɛ fo fanɛ basa ŋgboŋ anu.

Ashuŋ Shunso 5:15

Ŋkpal kusɔ nɛ beshuŋipo na daa wora na so, basa daa sulɔ belɔpo nna a lar abɔrbiana so n ya kaa nase egedo nɛ ekelaŋ so nɛ Pita e ba kaa choŋ nɛ mbe kiyoyul nawule gba e baŋ tɔr bumo be beko so.

Ashuŋ Shunso 6:7

Ebɔrɛ be kubɔya daŋ baa sɔ kakpa kikɛ nna nɛ Jerusalɛm be bebɛsopoana baa wora keshi a ti so nɛ bɔrɛmatapoana na be bedamta ba yirda.

Ashuŋ Shunso 8:7

B daŋ wu mbuibi lubiana ka boŋ to awɔrso n lar basa damta to nseŋ naŋ wu eyurwusowuraana nɛ ebobi damta gba ka nya alenfia.

Ashuŋ Shunso 9:34

Nɛ Pita kaŋɛ mo: “Eeneeyas, Yesu Kristo e naa chɛ fo na. Niŋi to m bɔɔ fo kusɔ deseso na to.” Epul na to nɛ Eeneeyas niŋi to.

Ashuŋ Shunso 9:40

Nɛ Pita shin nɛ bumo kikɛ lar ebu na to nɛ e gbir ŋ kule Ebɔrɛ nseŋ kilgi ŋ kaŋɛ ebuni na: “Tabita, koso!” E ka bugi mbe anishi n wu Pita nɛ e niŋi to n chena.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.