Baru lela nɛ Jɔn kute na 14:11 - EBƆRƐ BE KAWƆL

¹¹ Ŋ ka kaŋɛ fanɛ n wɔ Etuto na to nɛ Etuto na malɛ gba wɔ ma to ere, men yirda ma, nɛ mannɛ aloŋ gba nna, men keni emamachisheŋ nɛ mee wora so n yirda fanɛ kashenteŋ nɛ mee ji na.

Baru lela nɛ Jɔn kute na 14:11 ပူးပေါင်းရင်းမြစ်များ

Baru lela nɛ Jɔn kute na 10:25

Nɛ Yesu kaŋɛ bumo: “N teŋ kaŋɛ menyi, ama menyi alɛ maŋ yirda ma. Emamachi be asheŋ nɛ ŋ kɔ n Tuto be ketre a wora ere e naa ji shɛda a kaŋɛ ma asheŋ.

Baru lela nɛ Jɔn kute na 10:32

Nɛ Yesu bishi bumo le: “Asheŋ lela damta nɛ a shi Etuto na kutɔ nɛ n wora ŋ ŋini menyi. To, nɛ amo be kumo so nɛ menyee kpal a sha nɛ men kpa ma ajembu ere?”

Baru lela nɛ Jɔn kute na 10:38

Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 14:10

Fo maŋ nyi fanɛ n wɔ Etuto na to nna nɛ Etuto na malɛ gba wɔ ma to a? Men baa nyi fanɛ mmalga nɛ mee malga ere maŋ la ŋ gbagba peya, Etuto nɛ e wɔ ma to na e naa shuŋ mbe kushuŋ.

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 5:36

Ama ŋ kɔ shɛda kpakpaso a chɔ Jɔn be shɛda na. Ŋkpal manɛ so, ashuŋ nɛ mee shuŋ ere, amo nɛ Etuto na sa fanɛ n shuŋ na e naa ji ma shɛda a ŋini fanɛ Etuto na e shuŋi ma.

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.

Hibruwebi 2:4

Kumo alɛ be buushi, Ebɔrɛ gba bee bɔla etɔɔnɛsheŋ nɛ emamachisheŋ nɛ Ebɔrɛ be eleŋ be nnaŋ to be aworbi to nɛ Kiyoyu Cheeŋ na be ŋkɛana nɛ e bee chige to a sa basa ashi mo gbagba be keparso na to a ji shɛda fanɛ kumɔlga na la kashenteŋ nna.