Baru lela nɛ Jɔn kute na 14:1 - EBƆRƐ BE KAWƆL

¹ Yesu yɛ: “Men sa maŋ shin nɛ men be ŋgbene e baa jija menyi. Men yirda n Tuto Ebɔrɛ, men baa yirda ma alɛ gba.

Baru lela nɛ Jɔn kute na 14:1 ပူးပေါင်းရင်းမြစ်များ

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Nshɛ 77:10

Ade be kaman nɛ n fɛ le: “Enyɛnpetale Ebɔrɛ, kusɔ nɛ k baa tɔrɔ ma ga e la fo ka maŋ naa ta fo eleŋgboŋ na a chɛ anyi to na.

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Jɛremaya 8:18

Ma kagbene jija ma ga nɛ k bee wora ma fanɛ tama kikɛ maŋ naa wɔtɔ n sa ma basa.

Baru lela nɛ Jɔn kute na 11:33

Yesu ka wu kananɛ e daa shu na nɛ kananɛ Juwebi nɛ b daŋ bɛ mo so m ba na kikɛ daa shu na nɛ mbe kagbene kaa nseŋ jija mo.

Baru lela nɛ Jɔn kute na 12:27

Naniere ma kagbene maŋ dese ma, ama nuso nɛ meeŋ wora? Ŋ kaŋɛ n Tuto fanɛ: ‘Etuto, mɔlga ma ashi le be kenishipere ere to,’ ŋko nuso? Ayai, m maaŋ wora loŋ, ŋkpal manɛ so, loŋ so nɛ m ba nɛ m ba ji saŋɛ ere so be awurfoŋ.

Baru lela nɛ Jɔn kute na 12:44

Ndoŋ nna nɛ Yesu malga awɔrso ŋ kaŋɛ le: “Esa baŋ yirda ma, mannɛ ma nawule nɛ e yirda, ama emo nɛ e shuŋi ma na gba nɛ e yirda.

Baru lela nɛ Jɔn kute na 13:19

Mee kaŋɛ menyi nna na a yili pɔɛŋ nɛ k ba wora, saŋɛ na so, nɛ k ba wora, menyeeŋ pin fanɛ ma e la Esa nɛ e bee ba na.

Baru lela nɛ Jɔn kute na 16:24

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

Baru lela nɛ Jɔn kute na 16:3

Bumo alɛ beeŋ wora loŋ nna ŋkpal b ka maŋ nyi Etuto ŋko ma so.

Baru lela nɛ Jɔn kute na 16:6

Ama ŋkpal ŋ ka kaŋɛ menyi kesheŋ ere so so, kagbenejija luri nna m bɔlɔ menyi to.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

2 Kɔrintebi 2:7

Naniere kusɔ nɛ k daga fanɛ men baa wora e la fanɛ men ta m paŋ mo nseŋ leŋ mo to, saŋɛ na so mbe kagbenejija damta na maaŋ pɔɔ mo so.

Ɛfesesebi 1:15

Ŋkpal le ere so, baŋ yili saŋɛ nɛ n nu kananɛ men yirda an Nyɛnpe Yesu na nɛ kananɛ menyee sha Ebɔrɛ be basa kikɛ so, m maŋ naŋ yige kebaachɔrɔ Ebɔrɛ ŋkpal menyi so,

2 Tɛsalɔnikaebi 2:2

Anyee kule menyi nna fanɛ men sa maŋ kaŋ shin nɛ men be nfɛra e wul menyi to ŋko n shin nɛ kananɛ basa ko bee kaŋɛ fanɛ Enyɛnpe be kachɛ na teŋ ba na e baa jija men be ŋgbene. Shere esa ko e kaŋɛ fanɛ e wu kumo loŋ nna ŋko esa ko e malga abɔrɛsheŋ ŋ kaŋɛ loŋ ŋko basa e naa kaŋɛ fanɛ anyi e sibɛ kumo anyi be kawɔl to.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.