Baru lela nɛ Jɔn kute na 13:8 - EBƆRƐ BE KAWƆL

⁸ Ndoŋ nna nɛ Pita kaŋɛ: “Ayai, fo maa ba nɛ fo ba fɔr ma aya so kuraa.” Nɛ Yesu kaŋɛ mo: “Nɛ m baŋ maŋ fɔr fo so, ma nɛ fo maaŋ baa kɔ shɛŋ.”

Baru lela nɛ Jɔn kute na 13:8 ပူးပေါင်းရင်းမြစ်များ

Jɛnesis 42:38

Ama le nɛ Jeekɔb daŋ kaŋɛ: “Ayai, ma kebia ere maaŋ tu menyi n yɔ ndoŋ. Mo da wu, mo nawule e baŋ ka na. Nɛ menyee yɔ nɛ tɔrɔ ko ya tu mo enite na to, menyeeŋ shin nɛ kagbenejija e mɔ ma ashi ma mbel to.”

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

1 Bewura 12:16

Basa na ka wu fanɛ Rehoboam maŋ nu n sa bumo na, nɛ b ponte ŋ kaŋɛ le: “Anyi nɛ ewura Deevid nɛ mbe kanaŋ maŋ kɔ shɛŋ! Manɛ nɛ b daŋ wora n sa anyi? Israɛlebi, men shin nɛ an yɔ epe! Men yige Rehoboam nɛ e baa ji mbe laŋ to ebi nawuleso kuwura. Ndoŋ nna nɛ Israɛlebi na kini kenu n sa mo

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Aizaaya 4:4

Enyɛnpe Ebɔrɛ na beeŋ bɔla mbe eleŋgboŋ so n ji efuli na demu nseŋ fɔr Jerusalɛm be kewora n jija nɛ basa nɛ b mɔ na be ŋklaŋ n lɛ nɛ efuli na e naaŋ nyalɛ so ashi asheŋ lubi be kaplɛa so.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Matiu 16:22

Ndoŋ nna nɛ Pita keta mo n lar ekarso n ya fara nɛ e fiɛ mo so a kaŋɛ: “Enyɛnpe, Ebɔrɛ e yɛr kusɔ nɛ fo kaŋɛ na kufɔ. Loŋ be kesheŋ maŋ daga k kaa nya fo kikɛ.”

Matiu 21:29

Nɛ kebia na kaŋɛ mo: ‘M maaŋ yɔ.’ Kumo be kaman nɛ e naŋ chɛrga mbe nfɛra nseŋ yɔ.

Matiu 26:33

Ndoŋ nna nɛ Pita kaŋɛ mo le: “Nɛ ekama shile ŋ ŋana ŋkpal fo so gba, ma ere maaŋ shile fo kikɛ.”

Matiu 26:35

Ndoŋ nna nɛ Pita naŋ kaŋɛ mo le: “Hale nɛ ma nɛ fo beeŋ wu gba, m maa ba nɛ m ba kaŋɛ fanɛ m maŋ nyi fo.” Loŋ koŋwule na nɛ bebɛsopo na kikɛ malɛ gba daŋ kaŋɛ.

Baru lela nɛ Jɔn kute na 13:6

E wora loŋ m ba fo Saimɔn Pita nɛ e bishi mo: “Enyɛnpe, fo yɛ fo fɔr ma aya so a?”

Baru lela nɛ Jɔn kute na 13:9

Nɛ Saimɔn Pita kaŋɛ mo: “Kumo ere, Enyɛnpe, sa maŋ fɔr ma aya so nawule, fɔr ma enɔana nɛ ma kumu so gba n ti so.”

Baru lela nɛ Jɔn kute na 3:5

Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

Kɔlɔsiebi 2:23

Mbraana ere du fanɛ a ka kɔ kanyiasheŋ nna, baa nase bumo gbagba be kabɔrɛshuŋ ko a kaŋɛ fanɛ basa e baa koya le nɛ le be ebunyaŋsheŋ ŋko b baa tɔrɔ bumo be eyur, ama kanyiasheŋ kikɛ maŋ wɔ le be asheŋ ŋiniso na to, ŋkpal manɛ so, amo be kekama maaŋ tiŋ n shin nɛ nyiŋgbasa e yige kulubi be kebaawora.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.