Baru lela nɛ Jɔn kute na 13:5 - EBƆRƐ BE KAWƆL

⁵ Kumo be kaman nɛ e chulgi nchu n wɔtɔ katishaŋ to nseŋ fara a fɔr mbe bebɛsopoana na be aya so nsaa ta bɔrdeba nɛ e ta n chɛ kashɛr na a melti bumo be ayaana.

Baru lela nɛ Jɔn kute na 13:5 ပူးပေါင်းရင်းမြစ်များ

Jɛnesis 18:4

Men shin nɛ b bar menyi nchu nɛ men fɔr menyi be aya so. Men chena kedibi ere be kifito a wushi

Jɛnesis 19:2

ŋ kaŋɛ: “N nyɛnpeana, men jande, men ba ma, menyi be kenya be laŋ to m ba fɔr menyi be aya so nseŋ di ndoŋ ŋklade. Kare kaŋ chɛ nɛ men naa yɔ menyi be enite to.” Nɛ b kaŋɛ: “M-m, anyeeŋ dese kelɔnɛ so nfe kanyɛ ere.”

Jɛnesis 43:24

Ndoŋ nna nɛ kayɛrbi nimuso na keta bumo n luri Josɛf be kowu to n ya sa bumo nchu nɛ b fɔr bumo be aya so nseŋ sa bumo be ekurma ajibi.

2 Bewura 3:11

Nɛ Jehoshafat bishi: “Anebi kikɛ maŋ wɔ nfe nɛ anyeeŋ yɔ mo kutɔ n ya sɔ Enyɛnpe Ebɔrɛ be nfɛra a?” Ndoŋ nna nɛ Joram be benapo be enimu ko kaŋɛ: “Shafat pibinyɛn Elaisha nɛ e daa la anebi Elaija be echɛtopo na wɔ an kutɔ nfe.”

Nshɛ 51:2

Fɔr ma alubi nɛ ma kewora n da so kikɛ nɛ n nyalɛ so.

Ɛksodɔs 29:4

Kede be kaman nɛ men shin nɛ Ɛɛrɔn nɛ mbe bibinyɛn na e ba Enyɛnpe Ebɔrɛ be wajɛbu na be kabuna to m ba bɛr daŋkare be ekpa so.

Aizaaya 1:16

Men fɔr menyi be eyurana so n nyalɛ so nseŋ yige asheŋ lubi nɛ mee wu menyi kaa bee wora na. Kashenteŋto, men yige alubi be kewora

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Levitikɔs 14:8

Ade kikɛ be kaman, esa na beeŋ fɔr mbe asɔbuuso nseŋ she mbe emin kikɛ. Kumo be kaman nɛ e bɛr nchu pɔɛŋ nseŋ nyalɛ so daŋkare be ekpa so. B baŋ wora loŋ n loge, e beeŋ tiŋ m bɛta n yɔ keeyi na to, ama nchɛnshunu be kaman pɔɛŋ nɛ e beeŋ tiŋ n luri mo gbagba be wajɛbu to.

Zakareya 13:1

Nɛ Enyɛnpetale Ebɔrɛ naŋ kaŋɛ: “Jemanɛ ko bee ba nɛ kebuye ko e ba kaa bul nchu n fɔr ewura Deevid be kaman to ebi nɛ Jerusalɛm to be basa be alubi nɛ eyurpisheŋ kikɛ n lɛ.

Luuk 7:38

m ba kaa yil Yesu be aya ase a shu anishichubi a wurge Yesu be aya so. Kumo be kaman nɛ e gbir n ta mbe emin m melti anishichubi na nseŋ pipe Yesu be aya na bunyanso nseŋ chulgi tulale lelabi na n wurge mbe aya na so.

Luuk 7:44

Nɛ Yesu kaŋɛ: “Kashenteŋ nɛ fo ji.” Kumo be kaman nɛ e kilgi kache na kutɔ nseŋ bishi Saimɔn: “Fo wu kache ere a? Ŋ ka ba fo pe fo maŋ sa ma aya be nchu, ama mo ere ta mbe anishichubi n fɔr ma aya so nseŋ ta mbe emin m melti amo ashi to.

Baru lela nɛ Jɔn kute na 13:10

Nɛ Yesu kaŋɛ mo: “Esa nɛ e teŋ bɛr nchu maŋ naa bɛr ai, she mbe aya nawule nɛ e beeŋ fɔr so. Menyi alɛ nyalɛ so nna, ama mannɛ menyi kikɛ nyam bre e nyalɛ so.”

Baru lela nɛ Jɔn kute na 13:6

E wora loŋ m ba fo Saimɔn Pita nɛ e bishi mo: “Enyɛnpe, fo yɛ fo fɔr ma aya so a?”

Baru lela nɛ Jɔn kute na 13:8

Ndoŋ nna nɛ Pita kaŋɛ: “Ayai, fo maa ba nɛ fo ba fɔr ma aya so kuraa.” Nɛ Yesu kaŋɛ mo: “Nɛ m baŋ maŋ fɔr fo so, ma nɛ fo maaŋ baa kɔ shɛŋ.”

Baru lela nɛ Jɔn kute na 19:34

Esoja na be ekoŋwule nawule e daŋ baŋ ta kekpa n da Yesu be kekel so n futi, nɛ ŋklaŋ nɛ nchu kleŋklembi ko lar epul na to.

Ashuŋ Shunso 22:16

Amoso, sa maŋ naŋ jo, koso n shin nɛ b bɛr fo kabɔrɛbɛr a ti Yesu be ketre na nɛ Ebɔrɛ e fɔr fo alubi n lɛ.’

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

1 Jɔn 5:6

Yesu ere e la emo nɛ e daŋ yili kabɔrɛbɛr be nchu nɛ mbe luwu be ŋklaŋ so m ba na. Mannɛ nchu na malɛ nawule so nɛ e daŋ yili so m ba, nchu na nɛ ŋklaŋ na kikɛ so nɛ e daŋ yili so m ba.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.

Demujipoana 19:21

Ndoŋ nna nɛ e keta bumo n yɔ mbe laŋ to nseŋ ya sa ekurma na ajibi. E ka sa bumo nchu nɛ b bɛr n loge nɛ b ji ajibi.

1 Samuɛl 25:41

Nɛ Abigɛl gbir ŋ kaŋɛ le: “N wora shiriya nɛ ŋ ki mbe kebita nsaa fɔr mbe nyɛrbi be aya so.”