Baru lela nɛ Jɔn kute na 13:19 - EBƆRƐ BE KAWƆL

¹⁹ Mee kaŋɛ menyi nna na a yili pɔɛŋ nɛ k ba wora, saŋɛ na so, nɛ k ba wora, menyeeŋ pin fanɛ ma e la Esa nɛ e bee ba na.

Baru lela nɛ Jɔn kute na 13:19 ပူးပေါင်းရင်းမြစ်များ

Aizaaya 41:23

Men naŋ kaŋɛ anyi asheŋ nɛ a beeŋ wora echefoso, aloŋ nɛ anyeeŋ pin fanɛ men la agbirana kashenteŋto! Men wora kesheŋ lela ko ŋko alemaŋkarsheŋ ko, n shin nɛ kufu e pɛ anyi nɛ kɔnɔ e mɔ anyi.

Aizaaya 43:10

Menyi Israɛl be basa e la ma eshɛdajipoana; ma e lara menyi nɛ men baa la ma nyɛrbi, saŋɛ na so menyeeŋ pin ma nseŋ yirda ma nseŋ naŋ pin to fanɛ n nawule e la Ebɔrɛ. Ebɔrɛ kikɛ maŋ naa wɔtɔ n ti ma so. Ekama malɛ maaŋ naa wɔtɔ n ti ma so.

Aizaaya 48:5

Amoso nɛ ŋ kaŋɛ menyi asheŋ ere dra dra kikɛ na, saŋɛ na so nɛ a kaŋ wora m bɔlɔ so, menyi maaŋ kaŋɛ fanɛ agbir nɛ menyee shuŋ na e shin nɛ a wora m bɔlɔ so.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Matiu 11:3

“Fo e la emo nɛ e beeŋ ba na ŋko an baa kraa jo amodoŋwura?”

Matiu 24:25

To, n wule ŋ kaŋɛ menyi n yili nna na.

Luuk 21:13

Kumo be jemanɛ na so menyeeŋ nya ekpa n ji ma asheŋ be shɛda.

Baru lela nɛ Jɔn kute na 1:15

Mbe asheŋ nɛ Jɔn daŋ ji, saŋɛ nɛ e daŋ kaŋɛ le awɔrso na, e yɛ: “Ede be asheŋ nɛ n daa malga, saŋɛ nɛ n daŋ kaŋɛ fanɛ: ‘Esa ko wɔ ma kaman a ba, ama mo e chɔ ma, ŋkpal manɛ so, mo e daŋ ma kebaawɔtɔ ashi Ebɔrɛ be anishito.’ ”

Baru lela nɛ Jɔn kute na 14:29

Ŋ kaŋɛ menyi kesheŋ ere naniere nna na pɔɛŋ nɛ loŋ e ba wora, saŋɛ na so, nɛ k ba wora, menyeeŋ yirda.

Baru lela nɛ Jɔn kute na 16:4

Ŋ kaŋɛ menyi kesheŋ ere nna, saŋɛ na so, jemanɛ nɛ baaŋ wora asheŋ na kaŋ fo, menyeeŋ nyiŋi fanɛ n chɛr ŋ kaŋɛ menyi. Ŋ ka wɔ menyi kutɔ na so so nɛ n daa maŋ kaŋɛ menyi kesheŋ ere sososo na.”

Baru lela nɛ Jɔn kute na 4:26

Ndoŋ nna nɛ Yesu kaŋɛ: “Ma nɛ mee malga fo kutɔ ere e la mo na.”

Baru lela nɛ Jɔn kute na 8:28

Amoso, le nɛ Yesu daŋ kaŋɛ bumo: “Men kaŋ maŋ ma, Nyiŋgbasa Pibinyɛn so m mata kedibi so na, menyeeŋ pin esa nɛ ŋ kaŋɛ fanɛ n la ere, kumo alɛ be saŋɛ na so nɛ menyeeŋ pin fanɛ m maa wora shɛŋ ma kumu so, asɔ nɛ Etuto na bee ŋini ma nawule nɛ mee malga.

Baru lela nɛ Jɔn kute na 8:58

Nɛ Yesu kaŋɛ bumo: “Ma e kaŋɛ menyi kashenteŋto na fanɛ pɔɛŋ nɛ b kurge Eebraham nɛ n wɔtɔ.”