Baru lela nɛ Jɔn kute na 13:18 - EBƆRƐ BE KAWƆL

¹⁸ E yɛ: “Mannɛ menyi kikɛ nɛ n de. N nyi bumo nɛ n lara. Ama ade kikɛ wora nna nɛ kananɛ abɔrɛsibɛ na kaŋɛ le na e bɔla ekpa, a kaŋɛ: ‘Esa nɛ e ji ma ajibi gbagba kilgi nna n tu ma.’

Baru lela nɛ Jɔn kute na 13:18 ပူးပေါင်းရင်းမြစ်များ

Nshɛ 41:9

Nteri kpakpasoana nɛ n yirda ga, nɛ b daa tu ma a ji gba pal kaman nna n sa ma.

Jɛremaya 41:2

nɛ Ishmaɛl nɛ basa kudu nɛ b daa wɔ mo kutɔ na pee etokobi m mɔ Gɛdaliya.

Matiu 10:36

Esa be kaman to ebi e naaŋ ba kaa la amodoŋwura mo doŋana.

Matiu 26:21

B ka bee ji nɛ e kaŋɛ bumo le: “Kashenteŋto nɛ mee kaŋɛ menyi na fanɛ menyi be eko beeŋ debɔr ma.”

Matiu 26:23

Nɛ Yesu kaŋɛ bumo: “Emo nɛ ma nɛ mo bee bɔ enɔ a wɔtɔ kawie koŋwule to a ji ere e naaŋ debɔr ma na.

Maak 14:17

Kanyɛ ka biri nɛ Yesu nɛ mbe bebɛsopo kuduanyɔ na ba.

Maak 14:18

B ka ba kaa tase ejikpa a ji na nɛ Yesu kaŋɛ: “Kashenteŋto nɛ mee kaŋɛ menyi na fanɛ menyi to be eko beeŋ debɔr ma, mo alɛ e tase ma kutɔ ejikpa nfe a ji na.”

Maak 14:20

Nɛ Yesu kaŋɛ: “K la menyi kuduanyɔ ere to be eko nna, emo nɛ ma nɛ mo bee ta bodobodo a bɔ enɔ a wɔtɔ kawie koŋwule to a ji ere.

Luuk 22:21

Men keni, emo nɛ e beeŋ debɔr ma e tase ma kutɔ ejikpa nfe a ji na.

Baru lela nɛ Jɔn kute na 13:21

Yesu ka malga kesheŋ ere n loge nɛ mbe kagbene jija mo ga nɛ e bugi to ŋ kaŋɛ bumo le: “Ma e kaŋɛ menyi kashenteŋto na fanɛ menyi be eko beeŋ debɔr ma.”

Baru lela nɛ Jɔn kute na 13:22

Ndoŋ nna nɛ kesheŋ na wul bebɛsopo na to nɛ b kilgi ŋ keni ŋ keni abar a fɛ bumo to be emo nɛ e daa de.

Baru lela nɛ Jɔn kute na 13:26

Nɛ Yesu kaŋɛ: “Mo e la emo nɛ meeŋ ku bodobodo n wɔtɔ epo to n sa na.” E ka loge nɛ e ku bodobodo na n shoŋi epo to n ta n sa Judas, Saimɔn Iskareɔt pibi.

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 15:19

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

Baru lela nɛ Jɔn kute na 17:12

Ŋ ka daa wɔ bumo kutɔ na fo ketre nɛ fo sa ma na be eleŋ na nɛ n daa ta a keni bumo so nsaa kuŋ bumo ashi kulubi to. Bumo be ekama maŋ foe ekpa she emo nɛ e chɛr a beeŋ foe na, saŋɛ na so abɔrɛsibɛ na be kamalga na beeŋ bɔlɔ.

Baru lela nɛ Jɔn kute na 18:32

Le be asheŋ ere daŋ wora nna nɛ asheŋ nɛ Yesu daŋ malga a laŋɛ luwu nɛ e daa beeŋ wu na be kaplɛa so na e bɔlɔ so.

Baru lela nɛ Jɔn kute na 19:24

Esoja na ka ta kumo nɛ b kaŋɛ abar le: “Men sa maŋ shin nɛ an kpɛa kumo to. Men shin nɛ an to beri ŋ keni emo nɛ e beeŋ nya kumo.” B daŋ wora loŋ nna nɛ kusɔ nɛ abɔrɛsibɛ na bee kaŋɛ fanɛ: “B daŋ barga ma asɔbuuso to nna n sa abar nseŋ to beri a fin ma piŋi” na e bɔla. Amoso, kusɔ nɛ esoji na daŋ wora nna na.

Baru lela nɛ Jɔn kute na 19:36

B ka daa maŋ buri Yesu be aya na daŋ wora loŋ nna nɛ abɔrɛsibɛ nɛ a bee kaŋɛ fanɛ: “Mbe kuwibi kama maaŋ bu to” na e bɔlɔ so.

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Baru lela nɛ Jɔn kute na 6:70

Nɛ Yesu kaŋɛ: “Kashenteŋto, ma e lara menyi basa kuduanyɔ ere, ama menyi to be eko la alubipo nna.”

Ashuŋ Shunso 1:16

“Ŋ kurgepoana, a daga fanɛ abɔrɛsibɛ na ka bɔla ekpa fanɛ kananɛ Kiyoyu Cheeŋ na shin nɛ Deevid wu ŋ kaŋɛ Judas nɛ e juŋkpar basa nɛ b pɛ Yesu na be asheŋ.

Ashuŋ Shunso 1:2

Ama pɔɛŋ nɛ Ebɔrɛ shin nɛ e yɔ ebɔrɛso na, Yesu daŋ bɔla Kiyoyu Cheeŋ na so nna ŋ ŋini basa nɛ e daŋ lara nɛ b baa la mbe beshuŋipo na ŋ kaŋɛ bumo asɔ nɛ a daga fanɛ b baa wora.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.