Baru lela nɛ Jɔn kute na 13:1 - EBƆRƐ BE KAWƆL

¹ K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 13:1 ပူးပေါင်းရင်းမြစ်များ

Aŋasa 8:31

Ma kagbene fuli durnya so, nɛ basa nɛ b wɔ kumo to be asheŋ bee bɔlɔ ma kenishi ga.

Jɛremaya 31:3

n daa wɔ kufɔ nna nseŋ lara ma kumu ŋ ŋini menyi. Ŋ ka bee sha menyi saŋɛ kama na so, nɛ mee ŋini menyi ma kasha nɛ k wɔtɔ mbaanaayɔ na.

Matiu 26:45

Kumo be kaman nɛ e naŋ bɛta n yɔ bebɛsopo na kutɔ n ya bishi bumo le: “Men kraa di nna a wushi a? Men keni, saŋɛ na taga to nɛ b debɔr ma, Nyiŋgbasa Pibinyɛn na n ta ma m bɔɔ alubiworapoana enɔ.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Luuk 22:53

Ma nɛ menyi e daa la bɔrɛlambu na to kachɛ kama nɛ men daa maŋ beta ma. Ama naniere bre menyi be saŋɛ nna nɛ tentembiri e ŋini kumo be eleŋ.”

Luuk 9:51

Yesu be keyɔ ebɔrɛso be jemanɛ ka bee taga to nɛ e koso kachako m pɛ Jerusalɛm be ekpa.

Baru lela nɛ Jɔn kute na 11:55

Saŋɛ na so nɛ Juwebi be Kebansonchoŋ be kejigboŋ be saŋɛ bee fo nɛ basa damta shi ndewurbiana na to n juŋkpar n yɔ nɛ b ya fɔr bumo be amu so pɔɛŋ nɛ Kebansonchoŋ be kachɛ na gbagba e fo.

Baru lela nɛ Jɔn kute na 12:23

Nɛ Yesu kaŋɛ bumo le: “Naniere bre jemanɛ nɛ ma, Nyiŋgbasa Pibinyɛn beeŋ nya kemaŋkura na fo.

Baru lela nɛ Jɔn kute na 13:29

Ŋkpal Judas ka daa keni katuŋ na be amansherbi so so, bumo be beko daa fɛ fanɛ Yesu daa kaŋɛ mo nna fanɛ e ya tɔ Kejigboŋ na to be asɔ nɛ baaŋ baa sha m ba ŋko fanɛ e ta kusɔ ko n ya sa betirpo.

Baru lela nɛ Jɔn kute na 13:3

Yesu daa nyi Etuto na ka daŋ ta eleŋ kikɛ m bɔɔ mo ere Yesu na enɔ nseŋ naa nyi e ka shi Ebɔrɛ kutɔ m ba nseŋ naa bɛta a yɔ mo kutɔ.

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

Baru lela nɛ Jɔn kute na 14:28

Men teŋ nu ŋ ka kaŋɛ menyi fanɛ: ‘Mee yɔ nna nɛ n naŋ bɛta m ba menyi kutɔ’. Nɛ men daa sha ma nna, k daa beeŋ wora menyi ebel ŋkpal ŋ ka bee yɔ n Tuto na kutɔ so, ŋkpal manɛ so, Etuto na e chɔ ma.

Baru lela nɛ Jɔn kute na 14:31

E maŋ kɔ eleŋ ma so, ama a daga durnya ere ka pin fanɛ mee sha Etuto na, amoso nɛ mee wora kusɔ nɛ e bee kaŋɛ ma kikɛ na. Men niŋi to nɛ an koso nfe n choŋ.”

Baru lela nɛ Jɔn kute na 16:28

N Tuto na kutɔ nɛ n shi m ba durnya ere to, ma alɛ nseŋ naa lar durnya ere to a yɔ Etuto na kutɔ.”

Baru lela nɛ Jɔn kute na 17:1

Yesu ka malga asheŋ ere n loge nɛ e maŋ kumu so ŋ keni ebɔrɛso nseŋ kule Ebɔrɛ ŋ kaŋɛ: “Etuto, saŋɛ na fo. Maŋkura ma, fo Pibinyɛn na nɛ ma, fo Pibinyɛn na malɛ e maŋkura fo.

Baru lela nɛ Jɔn kute na 17:16

Mannɛ durnya ere to be basa to nɛ b wɔ fanɛ kananɛ m maŋ wɔ durnya ere to be basa to na.

Baru lela nɛ Jɔn kute na 17:26

N ta fo ŋ ŋini bumo, ma alɛ kraa beeŋ baa wora loŋ, saŋɛ na so, kasha nɛ fo kɔ a sa ma na beeŋ baa wɔ bumo to nɛ ma alɛ gba e baa wɔ bumo to.”

Baru lela nɛ Jɔn kute na 17:5

To, naniere, n Tuto, ta kemaŋkura nɛ n daa kɔ fo kutɔ pɔɛŋ nɛ durnya jɔŋɛ na m maŋkura ma fo anishito naniere.”

Baru lela nɛ Jɔn kute na 18:4

Yesu daa nyi asɔ nɛ a daa beeŋ nya mo kikɛ, amoso, e daŋ lar m ba anishito nna m ba bishi bumo le: “Wanɛ nɛ menyee fin?”

Baru lela nɛ Jɔn kute na 19:28

Asheŋ ere kikɛ ka wora n choŋ nɛ Yesu pin loŋ nsaa sha fanɛ abɔrɛsibɛ na e bɔlɔ so nɛ e kaŋɛ le: “Achukoŋ kɔ ma.”

Baru lela nɛ Jɔn kute na 2:13

A ka ba ka gbrɛbi nɛ Juwebi be Kebansonchoŋ be daŋkare be kejigboŋ be saŋɛ e fo nɛ Yesu yɔ Jerusalɛm.

Baru lela nɛ Jɔn kute na 6:4

Kumo be kamɔnchɛ nɛ Juwebi be Kebansonchoŋ be daŋkare be kejigboŋ bee taga to.

Baru lela nɛ Jɔn kute na 7:30

E ka malga le ere nɛ b yɛlga kepɛ mo ndoŋ, ama esa kama maŋ tiŋ n ta enɔ m beta mo, ŋkpal manɛ so, mbe saŋɛ daa maŋ naŋ fo.

Baru lela nɛ Jɔn kute na 7:6

Nɛ Yesu kaŋɛ bumo le: “Ma saŋɛ maŋ naŋ fo, ama menyi ere, saŋɛ kikɛ walɛ nna n sa menyi.

Baru lela nɛ Jɔn kute na 8:20

Bɔrɛlambu na to be kakpa nɛ k mata kaboŋ nɛ baa yili amansherbi be edekana na nɛ Yesu daŋ yili ŋ ŋini asheŋ ere kikɛ, ama esa kikɛ daa maŋ pɛ mo, ŋkpal manɛ so, mbe saŋɛ daa maŋ naŋ fo.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Kɔrintebi 1:8

E beeŋ baa wɔtɔ menyi eleŋ to loŋ n ya fo lalaloge na, saŋɛ na so menyeeŋ ji n lar ashi Ebɔrɛ be anishito saŋɛ nɛ an Nyɛnpe Yesu Kristo beeŋ naŋ ba na.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Jɔn 4:19

Ebɔrɛ e daŋ kesha anyi so shin nɛ anyi alɛ kɔ kasha na.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,