Baru lela nɛ Jɔn kute na 12:6 - EBƆRƐ BE KAWƆL

⁶ Mannɛ fanɛ betirpo be asheŋ ka tir mo so so nɛ e daŋ kaŋɛ loŋ, ama e daa la eyu nna. Mo e daa la katuŋ na be amansherbikenipo, amoso, e daa wɔtɔ nna a lara amansherbi na be ako a wɔtɔ mbe jifa to.

Baru lela nɛ Jɔn kute na 12:6 ပူးပေါင်းရင်းမြစ်များ

Nshɛ 14:1

Ewulpo e naa kaŋɛ mbe kagbene to fanɛ Ebɔrɛ maŋ wɔtɔ. Loŋ be basa maa wora asheŋ nɛ a bee bɔla ekpa. Bumo be asheŋ woraso kikɛ la alubi nna. Bumo be ekama maa wora asheŋ lela.

Aŋasa 29:7

Betirpo be kenya kashenteŋ be asheŋ tir ga n sa basa nɛ baa wora asheŋ niŋiso nna, ama belubiworapo bre be shɛŋ maŋ wɔ loŋ to.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Matiu 21:13

nseŋ kaŋɛ basa na le: “Abɔrɛsibɛ na bee kaŋɛ fanɛ Ebɔrɛ kaŋɛ: ‘Baaŋ tre ma kowu kabɔrɛkule be kakpa.’ Ama menyi ere ta kumo ŋ ki beyu be eŋanakpa.”

Luuk 8:3

Beche na be eko e daa la Joana, Kuza nɛ e daa keni Hɛrɔd be kowu so be eche na nɛ Suzana, n ta beche damta ko nɛ b daa ta bumo gbagba be asɔ a chɛ Yesu nɛ mbe bebɛsopo to na.

Baru lela nɛ Jɔn kute na 10:13

Amodoŋwura bee shile nna a yɔ a ka mbolpɔ na, ŋkpal manɛ so, b ber mo paa nna nɛ e bee keni amo so nɛ mbe shɛŋ maŋ wɔ amo to.

Baru lela nɛ Jɔn kute na 12:5

“To, manɛ e ba nɛ b daa maŋ ta tulale ere n fa n nya pɔŋ alfa asa n ta amansherbi na n sa betirpo?”

Baru lela nɛ Jɔn kute na 13:29

Ŋkpal Judas ka daa keni katuŋ na be amansherbi so so, bumo be beko daa fɛ fanɛ Yesu daa kaŋɛ mo nna fanɛ e ya tɔ Kejigboŋ na to be asɔ nɛ baaŋ baa sha m ba ŋko fanɛ e ta kusɔ ko n ya sa betirpo.

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

Galeeshaebi 2:10

Kusɔ nɛ b daŋ baŋ kaŋɛ n ti so e la fanɛ an baa kraa chɛ betirpo to, loŋ malɛ gbagba nɛ n daa baŋ pere kenishi a wora.

1 Tɛsalɔnikaebi 5:22

m barga menyi be amu ashi kulubi be yiri kikɛ to.

Jeems 2:2

An ta fanɛ basa anyɔ ko e ba men be nshɛr to nɛ eko la damawura m buu asɔ lela nseŋ wɔtɔ eshuwa be mpinibi ashilbi to, nɛ emo na malɛ la etirpo nseŋ buu asɔ farbi,

Jeems 2:6

Ama le be basa ere nɛ menyi ere bee fɛl ŋkeshin nɛ mannɛ damawuraana e naa kaa tɔrɔ menyi nsaa nyaŋ menyi a yɔ edemujikpaana na a?