Baru lela nɛ Jɔn kute na 12:38 - EBƆRƐ BE KAWƆL

³⁸ Loŋ be kesheŋ na malɛ daŋ wora nna nɛ anebi Aizaaya be kamalga nɛ e daŋ malga na e bɔla ekpa. Le nɛ e daŋ bishi Ebɔrɛ: “Enyɛnpe, wanɛ e yirda kubɔya nɛ an bɔ na? Nɛ basa mo nɛ Enyɛnpe ŋini mbe eleŋ na?”

Baru lela nɛ Jɔn kute na 12:38 ပူးပေါင်းရင်းမြစ်များ

2 Kronikɛls 32:20

Ndoŋ nna nɛ ewura Hɛzekaya nɛ Amɔz pibinyɛn, anebi Aizaaya kule Ebɔrɛ n shu n fin kechɛto mo kutɔ.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Aizaaya 51:5

Meeŋ nya manaŋ m ba mɔlga bumo; ŋkpal manɛ so, ma kekɔmpɔɔso be jemanɛ taga to. Efuliana nɛ a wɔ keplasawule so kufɔ kufɔ na bee keni ma ekpa nna; ŋkpal manɛ so, baa tama fanɛ meeŋ baa mɔlga bumo nseŋ ji kuwura bumo so nna.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 53:1

Ndoŋ nna nɛ basa na malɛ bishi le: “Wanɛ e naaŋ yirda kubɔya nɛ anyee nu ere? Wanɛ e daŋ wu Enyɛnpe Ebɔrɛ be eleŋgboŋ ka shuŋ le?

Matiu 15:7

Kebirkɔnshiwuraana ere! Anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ Ebɔrɛ kaŋɛ:

Matiu 16:17

Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi.

Matiu 27:35

B ka gbir mo m mata kedibi largato na so n loge nɛ b ta mbe asɔbuuso n nase nsaa to beri a fin bumo nɛ baaŋ nya amo.

Baru lela nɛ Jɔn kute na 12:37

Yesu daŋ wora emamachisheŋ damta ere kikɛ bumo be anishito, ama bumo alɛ daa maŋ yirda mo.

Baru lela nɛ Jɔn kute na 12:39

Ŋkpal loŋ so, b daa maŋ tiŋ n yirda, ŋkpal manɛ so, loŋ malɛ nɛ Aizaaya kaŋɛ kakpa ko na fanɛ Ebɔrɛ kaŋɛ:

Baru lela nɛ Jɔn kute na 15:25

Ama kumo alɛ du loŋ nna nɛ kusɔ nɛ k wɔ bumo be mbra na to na e bɔla. K yɛ: ‘B kishi ma nna kenyanyaŋɛso’.

Baru lela nɛ Jɔn kute na 17:12

Ŋ ka daa wɔ bumo kutɔ na fo ketre nɛ fo sa ma na be eleŋ na nɛ n daa ta a keni bumo so nsaa kuŋ bumo ashi kulubi to. Bumo be ekama maŋ foe ekpa she emo nɛ e chɛr a beeŋ foe na, saŋɛ na so abɔrɛsibɛ na be kamalga na beeŋ bɔlɔ.

Baru lela nɛ Jɔn kute na 19:24

Esoja na ka ta kumo nɛ b kaŋɛ abar le: “Men sa maŋ shin nɛ an kpɛa kumo to. Men shin nɛ an to beri ŋ keni emo nɛ e beeŋ nya kumo.” B daŋ wora loŋ nna nɛ kusɔ nɛ abɔrɛsibɛ na bee kaŋɛ fanɛ: “B daŋ barga ma asɔbuuso to nna n sa abar nseŋ to beri a fin ma piŋi” na e bɔla. Amoso, kusɔ nɛ esoji na daŋ wora nna na.

Romebi 10:16

Ama mannɛ Israɛlebi kikɛ e sɔ baru lela na, ŋkpal manɛ so, le nɛ anebi Aizaaya daŋ bishi Enyɛnpe na: “Enyɛnpe, wanɛ e yirda anyi be kubɔya na?”

Romebi 10:20

Ama anebi Aizaaya ji kenyɛn a chɔ loŋ ŋ kaŋɛ fanɛ le nɛ Ebɔrɛ yɛ: “Basa nɛ b daa maa fin ma e bante ma nɛ n lara ma kumu ŋ ŋini basa nɛ b daa maa bishi ma asheŋ.”

1 Kɔrintebi 1:24

Ama bumo, Juwebi nɛ Griikebi nɛ Ebɔrɛ tre na bre kikɛ, kubɔya na la Kristo mo nɛ e la Ebɔrɛ be eleŋ nɛ mbe kanyiasheŋ na nna.

Galeeshaebi 1:16

Mo alɛ ka naŋ yili kumo mbe kagbene to n lara mo Pibinyɛn ŋ ŋini ma nɛ n tiŋ m bɔ baru lela n sa nnyamase, m maŋ yɔ esa kama kutɔ epul na to n ya bishi asheŋ to m pin.