Baru lela nɛ Jɔn kute na 12:35 - EBƆRƐ BE KAWƆL

³⁵ Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

Baru lela nɛ Jɔn kute na 12:35 ပူးပေါင်းရင်းမြစ်များ

Aŋasa 4:19

Ama belubiworapo bre be ekpa biri to nna fanɛ tentembiri plɔ. Baa fiti a tɔr, ama b maa wu asɔ nɛ baa fiti na.

Aizaaya 2:5

Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Jɛremaya 23:12

Amoso, meeŋ shin nɛ kebaawɔtɔ e ki kpakpa ga n sa bumo; nɛ k wora fanɛ b ka bee nite tentembiri to ashi ekpa fɛrgeso to nsaa fɛrge a tɔr na. Bumo be kasogberge be saŋɛ kaŋ fo, meeŋ shin nɛ b ji jɛrbi damta ga. Ma, Enyɛnpe Ebɔrɛ e kaŋɛ na.

Luuk 18:37

Nɛ b kaŋɛ mo le: “Nazarɛt be Yesu e naa choŋ.”

Baru lela nɛ Jɔn kute na 11:10

E baa nite kanyɛso nɛ e beeŋ baa fiti, ŋkpal manɛ so, e maŋ kɔ kefulto.”

Baru lela nɛ Jɔn kute na 11:9

Nɛ Yesu bishi bumo le: “Mannɛ awa kuduanyɔ e wɔ yili epeŋi be kepete n ya fo kumo be ketɔr to a? Esa kama malɛ nɛ e bee nite kapaso, maa fiti, ŋkpal manɛ so, durnya ere be kefulto nɛ e bee wu a nite.

Baru lela nɛ Jɔn kute na 12:36

Men ka kraa kɔ kefulto ere bre, men ta menyi be yirda n wɔtɔ kumo to, saŋɛ na so menyeeŋ baa la kefulto be basa.” E ka malga n loge nɛ e lar basa na to n ya ŋana.

Baru lela nɛ Jɔn kute na 12:46

M ba durnya to nna fanɛ kefulto na, saŋɛ na so, ekama nɛ e yirda ma, maaŋ shir a wɔ tentembiri to.

Baru lela nɛ Jɔn kute na 16:16

“A ka gbrɛbi nɛ men maaŋ naŋ wu ma nɛ a naŋ wora gbrɛbi nɛ men wu ma.”

Baru lela nɛ Jɔn kute na 7:33

Nɛ Yesu kaŋɛ le: “Ma nɛ menyi maaŋ naa wɔtɔ n chɛr. Meeŋ yɔ esa nɛ e shuŋi ma na kutɔ.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

2 Kɔrintebi 3:14

Ama kashenteŋto bumo be ŋgbeneana daŋ ti nna a du kpakpa, hale kabre b baŋ kraŋ kɔnɔkoŋwule be ŋkre dra na, kusɔ kuŋso na kraa wɔtɔ nna, ŋkpal manɛ so, Kristo nawule so nɛ kusɔ kuŋso na bee lar ashi to.

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

Ɛfesesebi 5:8

Ŋkpal manɛ so, dra na menyi alɛ gba daa wɔ tentembiri to nna, ama naniere bre men wɔ kefulto to nna ashi Enyɛnpe na to. Amoso, men baa wɔtɔ fanɛ basa nɛ b wɔ kefulto to.