Baru lela nɛ Jɔn kute na 12:32 - EBƆRƐ BE KAWƆL

³² Ama nɛ b kaŋ maŋ ma so ashi kasawule ere so bre, meeŋ bar basa kikɛ ŋ kutɔ.”

Baru lela nɛ Jɔn kute na 12:32 ပူးပေါင်းရင်းမြစ်များ

2 Samuɛl 18:9

Ndoŋ nna nɛ Absalɔm ba purgi Deevid be benapo ko. E daŋ dii kurma nna m bɔla kedibi gboŋgboŋi ko be kifito nɛ mbe kumu ya fɛga kumo be ayabi to nɛ kurma na shile ŋ ka mo n shiga kedibi na so.

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Hoziya 11:4

Ŋ koli bumo m mata ma kumu kashaso, nseŋ maŋ bumo so m pɛga. N sa bumo ajibi nɛ b ji,

Nɔmbɛs 21:9

Ndoŋ nna nɛ Mosis ta danyaŋ n lɔŋɛ kuwɔ n shiga kedibi tenteŋ so. Ekama malɛ nɛ kuwɔ baŋ duŋ nɛ e maŋ kumu so ŋ keni kumo, bee nya alenfia nna.

Baru lela nɛ Jɔn kute na 1:7

E daŋ ba nna fanɛ shɛdajipo, kumo e la fanɛ e ba ji kefulto na be asheŋ be shɛda, saŋɛ na so, basa beeŋ bɔla mo so n yirda kumo.

Baru lela nɛ Jɔn kute na 12:34

Ndoŋ nna nɛ jimaŋ na kaŋɛ mo le: “Anyee nu ashi anyi be mbra na to fanɛ Mesaya na beeŋ ba kaa wɔ ŋkpa to mbaanaayɔ nɛ a ji nuso nna nɛ fee kaŋɛ: ‘Baaŋ maŋ Nyiŋgbasa Pibinyɛn na so’? Wanɛ nɛ fee tre Nyiŋgbasa Pibinyɛn na?”

Baru lela nɛ Jɔn kute na 18:32

Le be asheŋ ere daŋ wora nna nɛ asheŋ nɛ Yesu daŋ malga a laŋɛ luwu nɛ e daa beeŋ wu na be kaplɛa so na e bɔlɔ so.

Baru lela nɛ Jɔn kute na 19:17

Ndoŋ nna nɛ esoji na keta Yesu n lar n choŋ. B daŋ shin nɛ e lar ndoŋ nna n sulɔ mbe kedibi largato m ba fo kakpa nɛ baa tre Kumuwibi be Kakpa na. Juwebi bee tre ndoŋ Gɔlgata.

Baru lela nɛ Jɔn kute na 3:14

Kananɛ anebi Mosis daŋ kre danyaŋ be kabulpi nɛ k du fanɛ kuwɔ ashi kiyi to m mata kedibi nseŋ maŋ kumo so n yili na, loŋ gbagba na nɛ a daga fanɛ b maŋ Nyiŋgbasa Pibinyɛn na gba so.

Baru lela nɛ Jɔn kute na 6:44

Esa kama maaŋ tiŋ m ba ma kutɔ ama Etuto nɛ e shuŋi ma na baŋ bar mo ŋ kutɔ nna, ma alɛ beeŋ tiŋi amodoŋwura ashi luwu to lalaloge be kachɛ na.

Baru lela nɛ Jɔn kute na 8:28

Amoso, le nɛ Yesu daŋ kaŋɛ bumo: “Men kaŋ maŋ ma, Nyiŋgbasa Pibinyɛn so m mata kedibi so na, menyeeŋ pin esa nɛ ŋ kaŋɛ fanɛ n la ere, kumo alɛ be saŋɛ na so nɛ menyeeŋ pin fanɛ m maa wora shɛŋ ma kumu so, asɔ nɛ Etuto na bee ŋini ma nawule nɛ mee malga.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.