Baru lela nɛ Jɔn kute na 12:20 - EBƆRƐ BE KAWƆL

²⁰ Griikebi ko malɛ gba daŋ ti basa nɛ b daŋ yɔ Jerusalɛm to be Kejigboŋ be nshɛr na to nɛ b ya bunyaŋ Ebɔrɛ na so.

Baru lela nɛ Jɔn kute na 12:20 ပူးပေါင်းရင်းမြစ်များ

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Maak 7:26

Kache na daa la efuli ko so be esa nna, b kurge mo Fenisha ashi Siriya nna. Ndoŋ nna nɛ e kule Yesu fanɛ e ju kiyoyu lubi na ashi mo pibiche na to.

Baru lela nɛ Jɔn kute na 12:1

A ka ba ka fanɛ nchɛ nshe nɛ Kebansonchoŋ be kejigboŋ na e fo nɛ Yesu yɔ Bɛtani, kade nɛ Lazɔrɔs nɛ e daŋ tiŋi luwu to na daa wɔ na.

Baru lela nɛ Jɔn kute na 12:19

Ndoŋ nna nɛ Efarisiana na kaŋɛ abar le: “Men keni, an maaŋ tiŋ n wora shɛŋ nna na, ŋkpal manɛ so, durnya kikɛ e muu a bɛ mo so na.”

Baru lela nɛ Jɔn kute na 7:35

Ndoŋ nna nɛ Juwebi be benimuana na fara a bishi abar le: “To, nnɛ nɛ kanyɛn ere bee sha keyɔ nɛ anyi ere maaŋ tiŋ n wu mo ere? Ŋko e bee yɔ an peebi nɛ b wɔ Griikebi to na nna nɛ e ya kaa ŋini bumo abɔrɛsheŋ?

Ashuŋ Shunso 14:1

Kusɔ nɛ k daŋ wora Antiɔk na koŋwule na e daŋ wora Ikoniam gba. Pɔɔl daŋ yɔ ndoŋ be Juwebi be nshɛrbu to nna n ya bɔ kubɔya na kenyɛnso nɛnɛ ga nɛ Juwebi damta ko nɛ nnyamase damta ko ba ki beyirdapo.

Ashuŋ Shunso 16:1

Pɔɔl ta loŋ n ya fo Dɛbi n lar ndoŋ n yɔ Listra n ya tu ebɛsopo ko nɛ baa tre Timoti ndoŋ. Mo nio gba daa la eyirdapo nna a la Juw nɛ mo tuto malɛ daa la Griik.

Ashuŋ Shunso 17:4

Nɛ bumo be beko yirda Pɔɔl be kamalga na nɛ bumo nɛ Pɔɔl nɛ Sailas ba ki basa koŋwule a bɛ Yesu so. Loŋ koŋwule na nɛ Griikebi be bedamta ko nɛ b daa bunyaŋ Ebɔrɛ na nɛ bebunyampocheana na be bedamta malɛ gba daŋ wora.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Ashuŋ Shunso 21:28

m ponte ŋ kaŋɛ: “Israɛlebi, men ba chɛ to. Kanyɛn nɛ e na kaplɛkama a ŋini basa kikɛ asheŋ nɛ a bee da Israɛlebi nɛ Mosis be mbra na nɛ bɔrɛlambu na so e ba nfe hale m bar nnyamase bɔrɛlambu na to nɛ b ba jija kumo kananɛ k du cheembi na.”

Ashuŋ Shunso 8:27

Nɛ Filip bela ase n yɔ. Saŋɛ na so nɛ Itiopia be krachigboŋ ko wɔ ekpa na to a yɔ epe.

Romebi 1:16

M maa wora baru lela na be anishinyɔr kikɛ, ŋkpal manɛ so, kumo so nɛ Ebɔrɛ bee bɔla a ŋini mbe eleŋ a mɔlga basa kama nɛ baa yirda na. Juwebi e nya kumo be loŋ be ekpa pɔɛŋ nseŋ ta nnyamase, bumo nɛ b maŋ la Juwebi na m bɛ so.

Romebi 10:12

Ŋkpal manɛ so, Ebɔrɛ be anishito Juw nɛ kanyamase maŋ kɔr abar to, Enyɛnpe na e la ekama nyam be Enyɛnpe, nɛ ekama malɛ nɛ e shu n tre mo, e beeŋ bugi kagbene n nɛfa amodoŋwura.

Galeeshaebi 2:3

Amo be saŋɛ na nɛ Taites wɔ ŋ kutɔ nɛ b nyi e ka la Griik be esa, ama bumo alɛ daa maŋ tintiŋ mo nɛ e ku kututu.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Kɔlɔsiebi 3:11

Loŋ na bumo nɛ b kɔ kebaawɔtɔ popɔr na maaŋ naa kɔ ŋkpɛato a kaŋɛ fanɛ eko la kanyamase nɛ eko malɛ la Juwebi be esa, ŋko ede ku, ede bre maŋ ku kututu, ede la efɔ, ede la edɔtopo, ŋko ede la kenya nɛ ede wɔ mbe kumu. Yesu Kristo na nawule e la bumo be kusɔ kama.