Baru lela nɛ Jɔn kute na 12:19 - EBƆRƐ BE KAWƆL

¹⁹ Ndoŋ nna nɛ Efarisiana na kaŋɛ abar le: “Men keni, an maaŋ tiŋ n wora shɛŋ nna na, ŋkpal manɛ so, durnya kikɛ e muu a bɛ mo so na.”

Baru lela nɛ Jɔn kute na 12:19 ပူးပေါင်းရင်းမြစ်များ

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 49:1

Esa kama nɛ e wɔ durnya to, e kaŋ kusoe n nu kusɔ nɛ mee kaŋɛ ere.

Aizaaya 27:6

Kachako bee ba nɛ Israɛl be basa nɛ b la Jeekɔb be kaman to ebi na e mur achin fanɛ kedibi nɛ k purge nseŋ wora atoto na. Saŋɛ na so bumo be asɔrso beeŋ chase durnya be kaplɛkama.

Matiu 21:15

Ama bɔrɛmatapowuraana na nɛ mbraŋinipoana na ka wu emamachisheŋ nɛ e daŋ wora na nseŋ naŋ wu kananɛ mbia daa wɔ bɔrɛlambu na akpa a ponte a kaŋɛ: “Hosana e baa la ewura Deevid mo Nanabi peya!” Nɛ agbo pɛ bumo,

Baru lela nɛ Jɔn kute na 12:18

Basa damta na daŋ lar n yɔ mo kutɔ nna ŋkpal mamachi be kesheŋ nɛ b daŋ nu e ka daŋ wora na so.

Baru lela nɛ Jɔn kute na 12:20

Griikebi ko malɛ gba daŋ ti basa nɛ b daŋ yɔ Jerusalɛm to be Kejigboŋ be nshɛr na to nɛ b ya bunyaŋ Ebɔrɛ na so.

Baru lela nɛ Jɔn kute na 17:21

fo shin nɛ bumo kikɛ e baa la kukoŋwule. Etuto, fanɛ kananɛ n wɔ fo to nɛ fo alɛ wɔ ma to na, loŋ nɛ mee kule fo fanɛ fo shin nɛ b baa wɔ anyi to nɛ durnya e yirda fanɛ fo e shuŋi ma durnya ere to.

Baru lela nɛ Jɔn kute na 3:26

Ndoŋ nna nɛ Jɔn be bebɛsopo yɔ mo kutɔ n ya kaŋɛ mo le: “Eŋinipo, fo nyiŋi kanyɛn nɛ fo nɛ mo daa la ashi Jɔɔdan be lɔr be kaba ndoŋ na ŋko? Kanyɛn nɛ fo daŋ ji mbe shɛda na. Keni, e wɔtɔ a bɛr basa kabɔrɛbɛr nɛ basa kikɛ shile a yɔ mo kutɔ.”

Ashuŋ Shunso 17:6

B ka fin Pɔɔl nɛ Sailas ŋ gben nɛ b gberge Jeesɔn nɛ bekurgepo ko n ya sa kade na to be benimuana m ponte ŋ kaŋɛ: “Basa ere na nde kama to nna a baga amo to nseŋ ba anyi alɛ be kade ere to.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.