Baru lela nɛ Jɔn kute na 11:55 - EBƆRƐ BE KAWƆL

⁵⁵ Saŋɛ na so nɛ Juwebi be Kebansonchoŋ be kejigboŋ be saŋɛ bee fo nɛ basa damta shi ndewurbiana na to n juŋkpar n yɔ nɛ b ya fɔr bumo be amu so pɔɛŋ nɛ Kebansonchoŋ be kachɛ na gbagba e fo.

Baru lela nɛ Jɔn kute na 11:55 ပူးပေါင်းရင်းမြစ်များ

Jɛnesis 35:2

Jeekɔb ka nu loŋ nɛ e kaŋɛ mbe laŋ to ebi nɛ bumo nɛ b daa wɔ mo kutɔ na kikɛ le: “Men lara agbirana ere kikɛ ashi menyi to n fɔr menyi be amu ashi eyurpi kama to n chɛrga menyi be asɔbuuso

Job be kawɔl 1:5

Mbia na baŋ ji kejigboŋ ŋklade kachipurso kikɛ, Job beeŋ shuŋi n tre bumo m ba lara esarga chɔɔso n sa Ebɔrɛ ŋ kule alubi be ketampaŋ n sa mbia na, a fɛ fanɛ ashere b kaa bee ji nsaa nuu na b wora kulubi ko n da Ebɔrɛ so nɛ b maŋ nyi.

Nshɛ 26:6

Enyɛnpe Ebɔrɛ, n fɔr ma enɔ n lar, nsaa kulti fo bɔrɛsure a bunyaŋ fo,

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Nɔmbɛs 9:10

fanɛ e kaŋɛ Israɛlebi na le: “Nɛ fanɛ menyi to be eko ŋko menyi be kaman to ebi ko wora eyurpi ŋkpal b ka beta ebuni so ŋko b wɔ ekpa wɔfɔ be enite to, bumo alɛ nsaa sha keji kebansonchoŋ be kejigboŋ na,

Nɔmbɛs 9:6

Basa na be beko daŋ wora eyurpi nna daŋkare be ekpa so ŋkpal b ka beta ebuni so. Amoso b daa maŋ tiŋ n ji kebansonchoŋ be kejigboŋ na loŋ be kachɛ na. Ndoŋ nna nɛ b yɔ Mosis nɛ Ɛɛrɔn kutɔ

Matiu 26:1

Yesu ka malga asheŋ ere kikɛ n loge nɛ e kaŋɛ mbe bebɛsopo le:

Matiu 26:2

“Men nyi fanɛ a ka nchɛnnyɔ nɛ Kebansonchoŋ be kejigboŋ na e fo, kumo be saŋɛ na so baaŋ ta ma, Nyiŋgbasa Pibinyɛn m bɔɔ basa enɔ nɛ b gbir ma m mata kedibi largato so m mɔ.”

Maak 14:1

A daŋ ka nchɛnnyɔ nna, nɛ Kebansonchoŋ be kejigboŋ, kumo e la bodobodo nɛ a maŋ kɔ yiisi be Kejigboŋ na be jemanɛ e fo. Bɔrɛmatapowuraana nɛ mbraŋinipoana daa fin kananɛ baaŋ ŋana m pɛ Yesu m mɔ.

Luuk 22:1

Bodobodo nɛ a maŋ kɔ yiisi be Kejigboŋ nɛ baa tre Kebansonchoŋ na ka ba kaa taga to

Baru lela nɛ Jɔn kute na 12:1

A ka ba ka fanɛ nchɛ nshe nɛ Kebansonchoŋ be kejigboŋ na e fo nɛ Yesu yɔ Bɛtani, kade nɛ Lazɔrɔs nɛ e daŋ tiŋi luwu to na daa wɔ na.

Baru lela nɛ Jɔn kute na 13:1

K ka ba ka kachɛ koŋwule nɛ Kebansonchoŋ be kejigboŋ na e fo nɛ Yesu pin fanɛ mbe kelar durnya ere to n yɔ Etuto na kutɔ na be jemanɛ fo, e daŋ sha mbe basa ashi durnya to, n sha bumo loŋ n ya fo ekar.

Baru lela nɛ Jɔn kute na 18:28

Juwebi na ka bar Yesu Kayafas pe nɛ b naŋ keta mo n lar ndoŋ n yɔ Romebi be gomena be lambu to. Saŋɛ na so nɛ kare bee chɛ, amoso, ŋkpal daŋkare be eyurpi be kenya so, Juwebi na daa maŋ luri gomena na be lambu na to, ŋkpal manɛ so, b daa sha ketiŋ n ji Kebansonchoŋ be kejibi na nna.

Baru lela nɛ Jɔn kute na 2:13

A ka ba ka gbrɛbi nɛ Juwebi be Kebansonchoŋ be daŋkare be kejigboŋ be saŋɛ e fo nɛ Yesu yɔ Jerusalɛm.

Baru lela nɛ Jɔn kute na 2:6

Juwebi daa kɔ eyur be kefɔrso be daŋkare be kabɔrɛbɛso ko nna, amoso, mpuya ashe e daa yil ndoŋ. Mpuya na be kekama daa beeŋ tiŋ n sɔ nchu fanɛ egalɔn adunyɔ ŋko adesa.

Baru lela nɛ Jɔn kute na 5:1

Yesu ka wora nchɛnnyɔ nɛ e yɔ Juwebi be kabɔrɛbɛso be daŋkare ko be Kejigboŋ to ashi Jerusalɛm.

Baru lela nɛ Jɔn kute na 6:4

Kumo be kamɔnchɛ nɛ Juwebi be Kebansonchoŋ be daŋkare be kejigboŋ bee taga to.

Ashuŋ Shunso 21:24

Ya ti bumo so nɛ b fɔr fo nɛ bumo be eyurpi n lɛ nseŋ shin nɛ fo ka bumo be eyurpi be kefɔr n lɛ be kukɔ n sa bumo nɛ b tiŋ n shin nɛ b she bumo be amu. Loŋ nɛ ekama beeŋ pin fanɛ asɔ nɛ b nu na kikɛ la efɛ nna, ŋkpal fo gbagba ka bee bɛ Mosis be mbra na so so.

Ashuŋ Shunso 21:26

Ndoŋ nna nɛ Pɔɔl shin nɛ mo nɛ basa na yɔ ŋ klade n ya wora bumo be kefɔr n lɛ be daŋkaresheŋ na nseŋ shin nɛ e yɔ bɔrɛlambu na to n ya kaŋɛ kachɛ nɛ baa loge eyurpi be kefɔr n lɛ be daŋkare na nseŋ lara basa na be ekama be sarga.

Ashuŋ Shunso 24:18

Le be kesheŋ ere nɛ n daa wɔ bɔrɛlambu na to a wora nɛ b wu ma. Saŋɛ na so nɛ n wora kefɔr eyurpi n lɛ be daŋkare na be asheŋ n loge. Jimaŋ kikɛ daa maŋ wɔ ma kutɔ, kebagato malɛ kikɛ daa maŋ wɔtɔ.

1 Kɔrintebi 11:28

Amoso, a daga fanɛ esa e keni mbe kumu so nɛnɛ pɔɛŋ nseŋ we Enyɛnpe be bodobodo na nseŋ nuu asɔnuuso na ashi kawiebi na to.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Samuɛl 16:5

Nɛ Samuɛl yɛ: “Mm. M ba nna nɛ m ba lara sarga n sa Enyɛnpe Ebɔrɛ, amoso men lara alubi ashi men be ŋgbene to pɔɛŋ nseŋ ba ŋ kutɔ.” Kumo be kaman nɛ e kaŋɛ Jɛsi nɛ mbe mbia fanɛ b lara kulubi ashi bumo be ŋgbene to pɔɛŋ nseŋ ba kakpa nɛ baa lara sarga na.