Baru lela nɛ Jɔn kute na 11:53 - EBƆRƐ BE KAWƆL

⁵³ Amoso, baŋ yili kumo be kachɛ na a yɔ nɛ basa na kre Yesu be kemɔ be nia.

Baru lela nɛ Jɔn kute na 11:53 ပူးပေါင်းရင်းမြစ်များ

Jɛnesis 37:18

E kraa wɔ kufɔ nna a ba nɛ mo daana na wu mo nseŋ wora kɔnɔkoŋwule fanɛ e baŋ ba, b mɔ mo.

Nehemaya 13:21

Ama n daŋ fɛa bumo so nna ŋ kaŋɛ le: “Nɛ men naŋ wora loŋ, meeŋ shin nɛ b pɛ menyi n ti ebu. Yili loŋ be kachɛ na a yɔ, b maŋ naŋ ba Jerusalɛm to Kewushiachɛ kikɛ.

Nehemaya 4:16

Yili loŋ be jemanɛ na mbrantiɛbia na be bargato bee shuŋ nna nɛ bargato malɛ e buu anyɛn kale gbɛgbɛso nseŋ keta ekpa nɛ abɛlso be asɔ kuŋ eyur so nɛ ata nɛ atanyembi a yil a kuŋ. Anyi be benapo be benimuana na malɛ daa yili bepɔrpo na be kaman nna.

Nshɛ 113:2

Men shin nɛ basa kikɛ e baa kpaŋ Enyɛnpe Ebɔrɛ na be ketre naniere hale mbaanaayɔ.

Nshɛ 2:2

Nɛ manɛ nna nɛ amo be bewura nɛ bejuŋkparpoana bee wora kɔnɔ a kini kenu n sa Enyɛnpe Ebɔrɛ nɛ mbe esa lara so na?

Nshɛ 31:13

N nu basa ka bee kuli ma, nɛ kufu pɛ ma ga. B yɛ, baa kre ma ŋkre nna, a fin ma nɛ b mɔ.

Nshɛ 71:10

Bedoŋ bee malga a gbiti ma nna; b shɛr nna a kre ma kemɔ be nia.

Jɛremaya 38:15

Nɛ ŋ kaŋɛ mo le: “Nɛ ŋ kaŋɛ fo kashenteŋ na, feeŋ shin nɛ b mɔ ma. Nɛ ma alɛ naŋ ji fo asoe to gba, fo maaŋ nu n sa ma.”

Jɛremaya 38:4

Ndoŋ nna nɛ ewurkpa be ekrachi na yɔ ewura kutɔ n ya kaŋɛ mo le: “Kanyɛn ere daga luwu. Kananɛ e bee malga ere beeŋ tiŋ n shin nɛ esoji na e pɔ aba nsaa maŋ naa kɔ kenyɛn. Kumo kesheŋ koŋwule na nɛ e bee wora ekama nɛ e wɔ kadegboŋ na to na. Mannɛ fanɛ basa na be kechɛto so nɛ e bee wora loŋ, ama e bee tɔrɔ bumo nna na.”

Matiu 12:14

Kede malɛ be kaman nɛ Efarisiana na lar n ya to jina kananɛ baaŋ wora m mɔ Yesu.

Matiu 16:21

Yili kumo be kamɔnchɛ na a yɔ nɛ Yesu fara a ŋini mbe bebɛsopo na le: “A daga ŋ ka yɔ Jerusalɛm n ya ji awurfoŋ ga benimuana nɛ bɔrɛmatapowuraana nɛ mbraŋinipoana na be enɔ to. Baaŋ mɔ ma nɛ n tiŋi luwu na to kumo be kachɛ sasopo to.”

Matiu 22:46

Basa na be ekama daa maŋ naŋ tiŋ nɛ e malga kusɔ ko. Yili kumo be kachɛ na malɛ a yɔ, ekama maŋ naŋ tiŋ m bugi kɔnɔ m bishi mo asheŋ bishiso.

Matiu 26:4

ŋ kre bumo nia fanɛ b ŋana m pɛ Yesu m mɔ.

Matiu 26:59

Bɔrɛmatapowuraana na nɛ Sanhedrinebi na kikɛ daa fin efɛ be eshɛdajipo mo nɛ baaŋ malga ŋ gbiti Yesu nɛ b tiŋ n nya mo m mɔ nna.

Maak 14:1

A daŋ ka nchɛnnyɔ nna, nɛ Kebansonchoŋ be kejigboŋ, kumo e la bodobodo nɛ a maŋ kɔ yiisi be Kejigboŋ na be jemanɛ e fo. Bɔrɛmatapowuraana nɛ mbraŋinipoana daa fin kananɛ baaŋ ŋana m pɛ Yesu m mɔ.

Maak 3:6

Epul na to nɛ Efarisiana na lar nshɛr na to, nɛ bumo nɛ Hɛrɔdebi ya shɛr n to jina kananɛ baaŋ wora m mɔ Yesu.

Baru lela nɛ Jɔn kute na 11:47

Ndoŋ nna nɛ Efarisiana na nɛ bɔrɛmatapowuraana na shɛr kɔɔtiebi nɛ b daa tre Sanhedrinebi na ŋ kaŋɛ: “Men keni emamachisheŋ damta nɛ kanyɛn ere bee wora ere, nuso nɛ anyeeŋ wora?

Baru lela nɛ Jɔn kute na 12:10

Amoso, bɔrɛmatapowuraana na daa kre Lazɔrɔs gba be kemɔ nna.

Baru lela nɛ Jɔn kute na 7:1

Ade be kaman nɛ Yesu shir a wɔ Galili be efuli so be nde nawule to a nite a maa sha kenite Judiya bre to, ŋkpal manɛ so, ndoŋ be Juwebi be benimuana na daa fin mo nna nɛ b mɔ.

Ashuŋ Shunso 5:33

Nshɛrwuraana na ka nu loŋ nɛ b nya agbo ga nseŋ yili kumo fanɛ baaŋ shin nɛ b mɔ beshuŋipo na.

Ashuŋ Shunso 9:23

K ka ba wora nchɛnnyɔ nɛ Juwebi na ba abar so m ba kre nia nɛ b mɔ Sɔɔl.