Baru lela nɛ Jɔn kute na 11:42 - EBƆRƐ BE KAWƆL

⁴² N nyi fo ka bee nu ma kekule saŋkikɛ, ama ŋ kaŋɛ loŋ nna ŋkpal basa nɛ b yil nfe ere so nɛ b yirda fanɛ fo e shuŋi ma.”

Baru lela nɛ Jɔn kute na 11:42 ပူးပေါင်းရင်းမြစ်များ

Matiu 26:53

Fee tama fanɛ m maaŋ tiŋ ŋ kule n Tuto nna nɛ e shin nɛ emalaika nɛ b chɔ ŋgboŋ adushunu nɛ anyɔ e ba epul ere to m ba chɛ ma to a?

Baru lela nɛ Jɔn kute na 11:22

Ama naniere gba n nyi fanɛ kusɔ kama nɛ fo kule Ebɔrɛ, e beeŋ sa fo kumo.”

Baru lela nɛ Jɔn kute na 11:31

Juwebi nɛ bumo nɛ Mɛɛri daa tase ebu to nɛ baa wushi mo kagbene na ka wu kananɛ e kpa ŋ koso manaŋ n lar kowu na nɛ b koso m bɛ mo so a fɛ fanɛ e daa yɔ nchaŋ na akpa nna nɛ e ya shu.

Baru lela nɛ Jɔn kute na 11:43

Yesu ka malga le n loge nɛ e tre awɔrso ŋ kaŋɛ: “Lazɔrɔs, lar m ba!”

Baru lela nɛ Jɔn kute na 12:11

Ŋkpal manɛ so, mo so nɛ Juwebi na be bedamta daa yɔ Yesu kutɔ n ya kaa yirda mo.

Baru lela nɛ Jɔn kute na 12:17

Saŋɛ ere so malɛ kikɛ nɛ basa nɛ b daa wɔ mo kutɔ kachɛ nɛ e tiŋi Lazɔrɔs ashi luwu to nseŋ tre mo ashi nchaŋ to na, wɔtɔ a kɔ loŋ be kubɔya na a kela kaplɛkama.

Baru lela nɛ Jɔn kute na 17:21

fo shin nɛ bumo kikɛ e baa la kukoŋwule. Etuto, fanɛ kananɛ n wɔ fo to nɛ fo alɛ wɔ ma to na, loŋ nɛ mee kule fo fanɛ fo shin nɛ b baa wɔ anyi to nɛ durnya e yirda fanɛ fo e shuŋi ma durnya ere to.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Baru lela nɛ Jɔn kute na 17:8

Ŋkpal manɛ so, n ta mmalga nɛ fo ta n sa ma na n sa bumo nɛ b sɔ. B pin geeŋ fanɛ fo kutɔ nɛ n shi, bumo alɛ nseŋ naŋ yirda fanɛ fo e shuŋi ma.

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 3:17

Ŋkpal manɛ so, Ebɔrɛ maŋ shin nɛ mo Pibinyɛn na ba durnya to nna fanɛ e ba ji kumo demu. Ebɔrɛ shin nna nɛ e ba ki durnya be emɔlgapo.

Baru lela nɛ Jɔn kute na 8:16

Hale nɛ n ji esa demu gba, ma demuji daa beeŋ baa kɔ ekpa, ŋkpal manɛ so, mannɛ n nawule nna, ma nɛ Etuto nɛ e shuŋi ma na nna.

Baru lela nɛ Jɔn kute na 8:29

Esa nɛ e shuŋi ma na malɛ maŋ yige ma n to, e wɔ ŋ kutɔ, ŋkpal manɛ so, saŋkikɛ kusɔ nɛ k bee par mo nɛ mee wora.”

Baru lela nɛ Jɔn kute na 8:42

Nɛ Yesu kaŋɛ bumo: “Nɛ Ebɔrɛ daa la men tuto nna, men daa beeŋ baa sha ma asheŋ, ŋkpal manɛ so, Ebɔrɛ kutɔ nɛ n shi m ba kaa wɔ nfe naniere na, m maŋ ba ŋ gbagba be kumu so. Mo e shuŋi ma.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

1 Jɔn 4:14

Anyi alɛ wu nseŋ ji kumo be shɛda fanɛ Etuto na shuŋi mo Pibinyɛn fanɛ e ba kaa la durnya ere to be Emɔlgapo.