Baru lela nɛ Jɔn kute na 11:41 - EBƆRƐ BE KAWƆL

⁴¹ Ndoŋ nna nɛ b lara kejembu na nɛ Yesu keni esoso nseŋ kaŋɛ: “Etuto, mee chɔrɔ fo ga fanɛ fo nu ma kekule.

Baru lela nɛ Jɔn kute na 11:41 ပူးပေါင်းရင်းမြစ်များ

Nshɛ 123:1

O an Nyɛnpe Ebɔrɛ, ma anishi yuu fo, nɛ fo kuwurputi wɔ ebɔrɛso na so nna.

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 11:26

N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

Matiu 27:60

nseŋ ta mo n nase mo gbagba be kejembulaŋ nɛ e daŋ shin nɛ b kur kumo nchaŋ popɔr n nase to. E ka loge nɛ e gbelti kejembu gboŋgboŋi ko n ti nchaŋ na be kɔnɔ so nseŋ choŋ.

Maak 15:46

Nɛ Josɛf tɔ kesaŋɛ lela nseŋ lara ebuni na kedibi largato na so n ta kesaŋɛ na m mea mo nseŋ ta mo n nase kejembulaŋ kurso ko be nchaŋ to. Ndoŋ nna nɛ e gbelti kejembu gboŋgboŋi ko m ba ti nchaŋ na be kɔnɔ so.

Luuk 10:21

Epul na malɛ to nɛ Kiyoyu Cheeŋ na shin nɛ kagbenefuli luri m bɔlɔ Yesu to nɛ e kaŋɛ: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so. N Tuto, kashenteŋ, fo gbagba e yili kumo loŋ n shin nɛ k wora m bɛ fo keparso.”

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Luuk 24:2

B ka yɔ nɛ b wu fanɛ b gbelti kejembu nɛ b daŋ ta n ti nchaŋ na be kɔnɔ so na ashi to.

Baru lela nɛ Jɔn kute na 11:22

Ama naniere gba n nyi fanɛ kusɔ kama nɛ fo kule Ebɔrɛ, e beeŋ sa fo kumo.”

Baru lela nɛ Jɔn kute na 17:1

Yesu ka malga asheŋ ere n loge nɛ e maŋ kumu so ŋ keni ebɔrɛso nseŋ kule Ebɔrɛ ŋ kaŋɛ: “Etuto, saŋɛ na fo. Maŋkura ma, fo Pibinyɛn na nɛ ma, fo Pibinyɛn na malɛ e maŋkura fo.

Baru lela nɛ Jɔn kute na 20:1

Kewushiachɛ na ka ji ŋ klade Alediachɛ kare ka maŋ naŋ chɛ n loge nɛnɛ nɛ Mɛɛri Magdalin yɔ nchaŋ na akpa n ya wu fanɛ kejembu nɛ b daŋ ta ŋ kuŋ nchaŋ na be kɔnɔ so na maŋ naŋ kuŋ kɔnɔ na so.

Ashuŋ Shunso 7:55

Nɛ Kiyoyu Cheeŋ na luri m bɔlɔ Stiven to nɛ e maŋ kumu so ŋ keni ebɔrɛso n wu Ebɔrɛ be kemaŋkura nɛ Yesu yil Ebɔrɛ be jisoso, ebunyampo be kakpa.

Filipaiebi 4:6

Men sa maa fɔŋ kusɔ kama so men be kebaawɔtɔ to, ama kusɔ kama to men baa kaŋɛ Ebɔrɛ men be asheŋ tirso be asheŋ a kule mo fanɛ e chɛ menyi to nsaa chɔrɔ mo.