Baru lela nɛ Jɔn kute na 11:39 - EBƆRƐ BE KAWƆL

³⁹ Yesu ka ba ndoŋ nɛ e kaŋɛ: “Men ta kejembu na ashi nchaŋ na be kɔnɔ so.” Ndoŋ nna nɛ Maata, kanyɛn na mo sipoche na kaŋɛ Yesu le: “Enyɛnpe, mbe nchɛ nna nna na nchaŋ ere to, amoso, naniere e beeŋ baa dufɛ.”

Baru lela nɛ Jɔn kute na 11:39 ပူးပေါင်းရင်းမြစ်များ

Jɛnesis 23:4

“N la efɔ nɛ enitepo nna a wɔ menyi to nfe, amoso men jande, men fa kasawule ko nfe n sa ma nɛ m baa puli ma basa ndoŋ.”

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Nshɛ 49:14

B du fanɛ mbolpɔ nna nɛ luwu bee kpa bumo a yɔ bumo be nchaŋ to. Ebɔrɛ be basa e naŋ ji bumo so kuwura chipurso nɛ bumo be eyurana e baa dese nchaŋ to a bɛ.

Nshɛ 49:7

Esa maaŋ tiŋ ŋ ka dimɛdi kukɔ n sɔ mo barkasa n yige, ŋko ŋ ka Ebɔrɛ kukɔ n wora loŋ.

Nshɛ 49:9

nseŋ nya a wɔ ŋkpa to mbaanaayɔ; ŋko nɛ e maaŋ wu kikɛ.

Maak 16:3

B ka wɔ ekpa na to a yɔ nɛ b bishi abar: “Esa mo e naaŋ ya gbelti kejembu na ashi nchaŋ na be kɔnɔ so n sa anyi?”

Baru lela nɛ Jɔn kute na 11:17

Yesu ka ba fo Bɛtani nɛ e nu fanɛ b teŋ puli Lazɔrɔs kejembulaŋ to kumo be nchɛ nna.

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Ashuŋ Shunso 2:27

Ŋkpal manɛ so, fo Ebɔrɛ maaŋ shin nɛ n wu nɛ ma kiyoyu e yɔ luwu to. Fo maaŋ shin nɛ fo kenya nɛ e bee bɛ fo so nɛ kagbene koŋwule e wu m bɛ.

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Filipaiebi 3:21

E kaŋ ba, e beeŋ chɛrga an be eyur pɔsoana ere n shin nɛ an ki fanɛ mo gbagba be eyur na. Eleŋ koŋwule nɛ e beeŋ ta n ji kusɔ kikɛ so kuwura na nɛ e beeŋ ta n chɛrga anyi.