Baru lela nɛ Jɔn kute na 11:38 - EBƆRƐ BE KAWƆL

³⁸ Ndoŋ nna nɛ Yesu be kagbene naŋ kaa nɛ e ta m ba nchaŋ na akpa. Kumo alɛ daa la kejembulaŋ nna nɛ b ta kejembu kpaŋgalaŋ ko m buu kumo be kɔnɔ so.

Baru lela nɛ Jɔn kute na 11:38 ပူးပေါင်းရင်းမြစ်များ

Jɛnesis 23:19

Kesheŋ na ka nya eyilikpa na nɛ Eebraham puli mbe eche Sɛɛra kebeelaŋ na to ashi Hibrɔn nɛ k wɔ Keenan be kasawule so na.

Aizaaya 22:16

“Wanɛ nɛ fee fɛ fanɛ fo la? Manɛ e ba nɛ fo kur fo nchaŋ n nase kakpa nɛ baa puli bewura?

Ezikɛl 21:6

Amoso, dimɛdi pibi, shin nɛ fo kagbene e jija fo nɛ fo baa shu ashi kakpa nɛ ekama beeŋ wu fo.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Matiu 27:60

nseŋ ta mo n nase mo gbagba be kejembulaŋ nɛ e daŋ shin nɛ b kur kumo nchaŋ popɔr n nase to. E ka loge nɛ e gbelti kejembu gboŋgboŋi ko n ti nchaŋ na be kɔnɔ so nseŋ choŋ.

Matiu 27:66

Nɛ b yɔ n ya ti nchaŋ na be kabuna so nɛnɛ nseŋ laa kejembu na n dulgi kumo pɔɛŋ nseŋ shin nɛ bekumpo na yili ndoŋ a keni kumo so.

Maak 15:46

Nɛ Josɛf tɔ kesaŋɛ lela nseŋ lara ebuni na kedibi largato na so n ta kesaŋɛ na m mea mo nseŋ ta mo n nase kejembulaŋ kurso ko be nchaŋ to. Ndoŋ nna nɛ e gbelti kejembu gboŋgboŋi ko m ba ti nchaŋ na be kɔnɔ so.

Maak 8:12

Ndoŋ nna nɛ Yesu fute eleŋso nseŋ bishi: “Manɛ e ba nɛ mbreebi ere kaŋɛ n wora mamachi be kesheŋ ko ŋ ŋini fanɛ Ebɔrɛ wɔ ma kaman? Kashenteŋto mee kaŋɛ menyi nna fanɛ mbreebi ere maaŋ nya shɛŋ n wu.”

Luuk 24:2

B ka yɔ nɛ b wu fanɛ b gbelti kejembu nɛ b daŋ ta n ti nchaŋ na be kɔnɔ so na ashi to.

Baru lela nɛ Jɔn kute na 11:33

Yesu ka wu kananɛ e daa shu na nɛ kananɛ Juwebi nɛ b daŋ bɛ mo so m ba na kikɛ daa shu na nɛ mbe kagbene kaa nseŋ jija mo.

Baru lela nɛ Jɔn kute na 20:1

Kewushiachɛ na ka ji ŋ klade Alediachɛ kare ka maŋ naŋ chɛ n loge nɛnɛ nɛ Mɛɛri Magdalin yɔ nchaŋ na akpa n ya wu fanɛ kejembu nɛ b daŋ ta ŋ kuŋ nchaŋ na be kɔnɔ so na maŋ naŋ kuŋ kɔnɔ na so.