Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.
Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.
Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.
Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.
N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.
Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.
Basa na ka yil a nu asheŋ na nɛ Yesu naŋ bɔ bumo keŋasa ere ŋkpal e ka daŋ taga to Jerusalɛm nɛ ŋkpal b ka daa tama fanɛ epul na to nɛ Ebɔrɛ be kuwura na daa shin nɛ k lar efuli so so.
Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.
