Baru lela nɛ Jɔn kute na 11:28 - EBƆRƐ BE KAWƆL

²⁸ Maata ka malga loŋ n loge nɛ e bɛta n yɔ epe n ya tre mo sipo Mɛɛri n lar ekarso ŋ kaŋɛ mo: “Eŋinipo na ba nsaa fin fo.”

Baru lela nɛ Jɔn kute na 11:28 ပူးပေါင်းရင်းမြစ်များ

Zakareya 3:10

Kachɛ na kaŋ fo ekama beeŋ kela n tre mo kurgepoana nɛ b ba chena n ji kekurge kagbenewushiso ashi bumo be ndibi sɔrso be afito.

Matiu 26:18

Nɛ e kaŋɛ bumo le: “Men yɔ kade to n ya wu kanyɛn na ŋ kaŋɛ mo le: ‘Eŋinipo na yɛ: Ma saŋɛ na taga to. Ma nɛ ma bebɛsopo beeŋ ba fo pe m ba ji Kebansonchoŋ be ajibi na.’ ”

Maak 10:49

Ndoŋ nna nɛ Yesu yili ŋ kaŋɛ: “Men tre mo.” Nɛ b tre tanponyɛn na ŋ kaŋɛ mo: “Koso a kɔ kagbene, e bee tre fo.”

Maak 14:14

Men bɛ mo so n ya luri laŋ kama to nɛ e beeŋ luri na to nseŋ ya kaŋɛ laŋ na wura: ‘Eŋinipo na yɛ: Befɔ be ebu nɛ ma nɛ ma bebɛsopo beeŋ chena n ji Kebansonchoŋ be ajibi na wɔ nnɛ?’

Luuk 22:11

nseŋ kaŋɛ laŋ na wura le: ‘Eŋinipo na yɛ: Befɔ be ebu nɛ ma nɛ ma bebɛsopo beeŋ chena n ji Kebansonchoŋ be ajibi na wɔ nnɛ?’

Baru lela nɛ Jɔn kute na 1:41

Kusɔ nɛ Andru daŋ baŋ fara n wora e la fanɛ e daŋ fin mo da Saimɔn nna ŋ kaŋɛ mo le: “An wu Mesaya na.” Kumo e la fanɛ Kristo na.

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 10:3

E baa ba, kabunakenipo na bee bugi kabuna na nna a sa mo nɛ e bee luri to a tre a tre mo gbagba be mbolpɔ na be atreana nɛ bumo alɛ bee pin mbe ebɔl nsaa bɛ mo so nɛ e bee keta bumo a lar kuluu na to.

Baru lela nɛ Jɔn kute na 11:20

Maata ka nu fanɛ Yesu bee ba nɛ e lar n yɔ nɛ e ya shɛr mo to, ama Mɛɛri bre daŋ shir a wɔ laŋ to nna.

Baru lela nɛ Jɔn kute na 11:29

Mɛɛri ka nu loŋ nɛ e koso manaŋ n yɔ Yesu kutɔ.

Baru lela nɛ Jɔn kute na 11:30

Jemanɛ na so malɛ nɛ Yesu maŋ naŋ luri kade to nɛ e kraa wɔ kakpa nɛ Maata ya tu mo na.

Baru lela nɛ Jɔn kute na 13:13

Menyee kaa tre ma Eŋinipo nɛ Enyɛnpe, kashenteŋ nɛ menyi alɛ bee ji, ŋkpal manɛ so, n la Eŋinipo nɛ Enyɛnpe nna.

Baru lela nɛ Jɔn kute na 20:16

Ndoŋ nna nɛ Yesu tre mo: “Mɛɛri.” Nɛ Mɛɛri kilgi a yɔ Yesu be kaba so nseŋ boŋ to Juwebi be ŋgbar to ŋ kaŋɛ: “Rabonai!” Kumo be kifito e la eŋinipo.

Baru lela nɛ Jɔn kute na 21:7

Ndoŋ nna nɛ ebɛsopo nɛ Yesu daa sha na kaŋɛ Pita: “Enyɛnpe nna.” Saimɔn Pita ka baŋ nu fanɛ Enyɛnpe nna nɛ e ta mbe kusɔbuuso m mea to, ŋkpal manɛ so, e daŋ lara kumo nna n nase nseŋ tɛ n luri nchu na to.

1 Tɛsalɔnikaebi 5:11

Amoso, men baa leŋ abar to a chɛ abar to fanɛ kananɛ men chɛr a wora na.

Hibruwebi 12:12

Amoso, men koso n wora menyi be enɔ pɔsoana nɛ amuli chichasoana ere eleŋto.