Baru lela nɛ Jɔn kute na 11:19 - EBƆRƐ BE KAWƆL

¹⁹ amoso, Juwebi damta daŋ shi ndoŋ nna m ba nɛ b ba wushi Maata nɛ Mɛɛri kagbene ŋkpal bumo siponyɛn ka wu so.

Baru lela nɛ Jɔn kute na 11:19 ပူးပေါင်းရင်းမြစ်များ

Jɛnesis 37:35

Mbe bibinyɛn nɛ bibiche kikɛ daŋ wushi mo kagbene ŋ gben nɛ e yɛ: “Ayai, m maaŋ tiŋ n yige. Ma nɛ kushu ere e naaŋ yɔ ma nchaŋ to, kakpa nɛ ma kebia na wɔ na.” Kashenteŋto, e daŋ shu ga ŋkpal Josɛf so.

2 Samuɛl 10:2

Ndoŋ nna nɛ Ewura Deevid fɛ le: “A daga ŋ ka bugi kagbene n wora Hanuun kelela, fanɛ kananɛ mo tuto Nahaash gba daŋ bugi mbe kagbene n wora ma kelela na.” Amoso Deevid daŋ shuŋi mbɔ nna fanɛ b ya wora Hanuun edaŋkena. B ka ya fo Ammɔn be kasawule so,

1 Kronikɛls 10:12

nɛ bumo be basa nɛ b kɔ kenyɛn ga na koso n ya ta Sɔɔl nɛ mbe mbinyɛnsobi na be kebuni n yɔ Jabesh n ya puli kedibi gboŋgboŋi ko be kifito, nseŋ kishi nchɛ ashunu a ŋini kananɛ bumo be ŋgbene daŋ jija bumo.

Job be kawɔl 2:11

Job daa kɔ benekpana kpakpaso asa ko nna. Bumo e daa la Ɛlifaz nɛ e shi kadegboŋ nɛ baa tre Tɛman na nɛ Bildad nɛ e shi Shuuwa be kasawule so nɛ Zofa nɛ mo alɛ shi Naama be kasawule so na. B ka nu awurfoŋ nɛ Job bee ji na be asheŋ nɛ b kre keyɔ n ya leŋ mo to nseŋ wushi mo kagbene.

Job be kawɔl 42:11

Kumo be kaman nɛ Job wora kejigboŋ n sa mo niopibiana kikɛ nɛ mo teri draana kikɛ ashi mbe laŋ to. B daŋ ba wushi mo kagbene nseŋ lolo mo nna a laŋɛ etɔrɔ nɛ Enyɛnpe Ebɔrɛ na daŋ sa ekpa nɛ a ba mo so na kikɛ be kaplɛa so nna. Bumo be ekama daŋ sa mo amansherbi nɛ shuwa be kepinibi nna.

Kaŋinichiŋgeliŋ 7:2

Fo ka yɔ keelibuna bɔ fo ka yɔ kejigboŋ to; ŋkpal manɛ so, k yɔ keeli to bee nyiŋi anyi nna fanɛ ekama beeŋ wu kachako.

Aizaaya 51:19

Kumu lubi be ntuŋ anyɔ e tu menyi. Menyi be kasawule mur ŋkpal kena so, nɛ akoŋ malɛ naŋ mur menyi be basa. Esa kikɛ malɛ maŋ wɔtɔ nɛ e shu menyi so n lolo menyi.

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Luuk 10:39

Ndoŋ nna nɛ Maata mo sipocheso mo nɛ baa tre Mɛɛri na ya kaa tase Enyɛnpe na be anishito a nu mbe kamalga.

Luuk 10:42

Kusɔ koŋwule e baŋ daga, kumo alɛ nɛ Mɛɛri lara na. Esa kikɛ maaŋ tiŋ n sɔ kumo ŋ ka mo.”

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 11:1

Kanyɛn ko e daa wɔtɔ nɛ baa tre mo Lazɔrɔs nɛ e daa lɔ. Mo nɛ Mɛɛri nɛ mo da Maata kikɛ daŋ shi Bɛtani nna.

Baru lela nɛ Jɔn kute na 11:31

Juwebi nɛ bumo nɛ Mɛɛri daa tase ebu to nɛ baa wushi mo kagbene na ka wu kananɛ e kpa ŋ koso manaŋ n lar kowu na nɛ b koso m bɛ mo so a fɛ fanɛ e daa yɔ nchaŋ na akpa nna nɛ e ya shu.

Baru lela nɛ Jɔn kute na 11:33

Yesu ka wu kananɛ e daa shu na nɛ kananɛ Juwebi nɛ b daŋ bɛ mo so m ba na kikɛ daa shu na nɛ mbe kagbene kaa nseŋ jija mo.

Baru lela nɛ Jɔn kute na 11:36

Ndoŋ nna nɛ Juwebi na kaŋɛ le: “Men keni e bee sha mo pasaa.”

Baru lela nɛ Jɔn kute na 11:45

Ŋkpal kesheŋ ere so Juwebi nɛ b daŋ ba nɛ b ba chɔrɔ Mɛɛri nseŋ wu kusɔ nɛ Yesu daŋ wora na be bedamta daŋ yirda Yesu nna.

Baru lela nɛ Jɔn kute na 11:8

Ndoŋ nna nɛ b kaŋɛ mo: “Eŋinipo, nchɛnnyɔ ere to nɛ Juwebi na daa sha kekpa fo ajembu ndoŋ nɛ fo naa kaŋɛ fanɛ an yɔ ndoŋ a?”

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

2 Kɔrintebi 1:4

Mo e naa leŋ anyi to ashi anyi be etɔrɔ kikɛ to, saŋɛ na so anyi alɛ beeŋ tiŋ n ta keleŋto mo nɛ an gbagba nya ashi Ebɔrɛ kutɔ na n leŋ bekama malɛ nɛ b wɔ etɔrɔ be yiri kikɛ to.

1 Tɛsalɔnikaebi 4:18

Amoso, men baa kɔ mmalga ere to a leŋ abar to.

1 Tɛsalɔnikaebi 5:11

Amoso, men baa leŋ abar to a chɛ abar to fanɛ kananɛ men chɛr a wora na.

1 Samuɛl 31:13

Kumo be kaman nɛ b ta bumo be awibi n ya puli kedibi fimbi nɛ baa tre tamariski na be kifito nseŋ kishi nchɛ ashunu kikɛ a ŋini kananɛ bumo be ŋgbene jija bumo.