Baru lela nɛ Jɔn kute na 11:10 - EBƆRƐ BE KAWƆL

¹⁰ E baa nite kanyɛso nɛ e beeŋ baa fiti, ŋkpal manɛ so, e maŋ kɔ kefulto.”

Baru lela nɛ Jɔn kute na 11:10 ပူးပေါင်းရင်းမြစ်များ

Nshɛ 27:2

Basa lubi baa fin ma nɛ b mɔ, ŋko nɛ bedoŋ bee kɔ ma gba, baaŋ fiti n tɔr.

Kaŋinichiŋgeliŋ 2:14

Enyiashempo bre nyi kakpa nɛ e bee yɔ, ama ewulpo bre maŋ nyi kakpa nɛ e bee yɔ.” Kumo be lalaloge, enyiashempo nɛ ewulpo kikɛ sasa nna.

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Matiu 13:21

Ama k maa luri mo to nɛnɛ, amoso, e maa yirda a yɔ kufɔ. Awurfoŋ nɛ tɔrɔ baŋ tu mo ŋkpal kamalga na so, epul na to nɛ e bɛ so ŋ gben.

Baru lela nɛ Jɔn kute na 11:11

Yesu ka malga le n loge nɛ e naŋ kaŋɛ bumo: “An teri Lazɔrɔs bee di, ama mee yɔ nɛ n ya tiŋi mo.”

Baru lela nɛ Jɔn kute na 11:9

Nɛ Yesu bishi bumo le: “Mannɛ awa kuduanyɔ e wɔ yili epeŋi be kepete n ya fo kumo be ketɔr to a? Esa kama malɛ nɛ e bee nite kapaso, maa fiti, ŋkpal manɛ so, durnya ere be kefulto nɛ e bee wu a nite.