Baru lela nɛ Jɔn kute na 10:5 - EBƆRƐ BE KAWƆL

⁵ Ama efɔ bre, b maaŋ bɛ mo so kikɛ. Baaŋ shile gba nseŋ ka mo, ŋkpal manɛ so, b maŋ nyi mbe ebɔl.”

Baru lela nɛ Jɔn kute na 10:5 ပူးပေါင်းရင်းမြစ်များ

1 Bewura 22:7

Nɛ ewura Jehoshafat naŋ bishi: “Ama anebi kama maŋ naa wɔtɔ nɛ an ya sɔ Enyɛnpe Ebɔrɛ be nfɛra mo kutɔ n ti so a?”

Aŋasa 19:27

Fo baŋ yige kebaa koya, feeŋ teŋ kusɔ nɛ fo nyi gba so.

Maak 4:24

Nɛ e kaŋɛ bumo: “Men baa de kusɔ nɛ menyee nu so. Kanaŋkamaso nɛ menyee ber asɔ a sa basa, loŋ gbagba chap nɛ Ebɔrɛ beeŋ ber amo n sa menyi hale nɛ men naŋ nya n ti so.

Luuk 8:18

Amoso, men baa da so kananɛ menyeeŋ nu asheŋ so, ŋkpal manɛ so, ekama nɛ e kɔ beeŋ nya n ti so, ama ekama nɛ e maŋ kɔ shɛŋ na gba, baaŋ sɔ gbrɛ nɛ e bee tama fanɛ e kɔ na gba mo kutɔ.”

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Baru lela nɛ Jɔn kute na 10:4

E baŋ lara bumo kikɛ kuluu na to n loge, e bee choŋ nna n juŋkpar mbolpɔ na nɛ b bɛ mo so, ŋkpal manɛ so, b nyi mbe ebɔl.

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

1 Jɔn 2:21

Mannɛ fanɛ men ka maŋ nyi kashenteŋ na so e shin nɛ mee sibɛ asɔ ere a sa menyi, ama menyi ka nyi kumo so nseŋ naa nyi fanɛ efɛ kikɛ maŋ wɔ kashenteŋ na to so nɛ mee sibɛ amo a sa menyi.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.