Baru lela nɛ Jɔn kute na 10:38 - EBƆRƐ BE KAWƆL

³⁸ Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 10:38 ပူးပေါင်းရင်းမြစ်များ

Baru lela nɛ Jɔn kute na 10:25

Nɛ Yesu kaŋɛ bumo: “N teŋ kaŋɛ menyi, ama menyi alɛ maŋ yirda ma. Emamachi be asheŋ nɛ ŋ kɔ n Tuto be ketre a wora ere e naa ji shɛda a kaŋɛ ma asheŋ.

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 11:4

Yesu ka nu kubɔya na nɛ e kaŋɛ: “Lazɔrɔs be kulɔ ere be lalaloge maŋ la luwu. K la kusɔ nɛ k beeŋ ba bar Ebɔrɛ kemaŋkura nna, saŋɛ na so nɛ ma, Ebɔrɛ Pibinyɛn na e nya kemaŋkura ashi kumo to.”

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 17:11

To, naniere mee ba fo kutɔ nna na, a ka gbrɛbi nɛ n lar durnya to, ama bumo ere kraa wɔ durnya to nna. Etuto cheembi, ta fo ketre be eleŋ na a keni bumo so, ketre mo nɛ fo sa ma na nɛ n de na, saŋɛ na so baaŋ baa la kukoŋwule fanɛ kananɛ ma nɛ fo la kukoŋwule na.

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 5:36

Ama ŋ kɔ shɛda kpakpaso a chɔ Jɔn be shɛda na. Ŋkpal manɛ so, ashuŋ nɛ mee shuŋ ere, amo nɛ Etuto na sa fanɛ n shuŋ na e naa ji ma shɛda a ŋini fanɛ Etuto na e shuŋi ma.

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.

1 Jɔn 3:24

Bekama malɛ nɛ baa bɛ mbe mmalga nasesoana na so shir a wɔ mo to nna nɛ mo alɛ gba wɔ bumo to. To, kananɛ anyee wora a pin fanɛ e wɔ anyi to nde: Mbe Kiyoyu nɛ e ta n sa anyi na so so nɛ an pin loŋ.