Baru lela nɛ Jɔn kute na 10:31 - EBƆRƐ BE KAWƆL

³¹ Ndoŋ nna nɛ Juwebi na yaŋ ta ajembu nɛ b kpa mo.

Baru lela nɛ Jɔn kute na 10:31 ပူးပေါင်းရင်းမြစ်များ

Ɛksodɔs 17:4

Asheŋ na ka daŋ ki loŋ na nɛ Mosis shu n tre Enyɛnpe Ebɔrɛ m bishi mo: “Nuso nɛ meeŋ wora basa ere? A ka gbrɛbi nɛ b kpa ma ajembu m mɔ nna na.”

Matiu 12:14

Kede malɛ be kaman nɛ Efarisiana na lar n ya to jina kananɛ baaŋ wora m mɔ Yesu.

Matiu 21:35

Ndoŋ nna nɛ paawuraana na nyaŋ mbe anya na m bri ede, m mɔ ede malɛ nseŋ kpa ede malɛ ajembu m mɔ.

Matiu 23:35

Amoso, belelapo nɛ b mɔ baŋ fara jemanɛ nɛ b mɔ Ebel elelapo na kikɛ m ba fo Barakaya pibi Zakareya nɛ men mɔ bɔrɛsure na nɛ bɔrɛlambu be nferinto na achɛ be luwu be turju beeŋ baa bɛ menyi.

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 10:24

Ndoŋ nna nɛ Juwebi na chala m ba mo kutɔ m ba bishi mo: “Manɛ e ba nɛ fo ta asheŋ ŋ ŋana anyi so n chɛr loŋ? Kaŋɛ anyi kashenteŋto preen: Fo e la Mesaya na a?”

Baru lela nɛ Jɔn kute na 10:32

Nɛ Yesu bishi bumo le: “Asheŋ lela damta nɛ a shi Etuto na kutɔ nɛ n wora ŋ ŋini menyi. To, nɛ amo be kumo so nɛ menyee kpal a sha nɛ men kpa ma ajembu ere?”

Baru lela nɛ Jɔn kute na 11:8

Ndoŋ nna nɛ b kaŋɛ mo: “Eŋinipo, nchɛnnyɔ ere to nɛ Juwebi na daa sha kekpa fo ajembu ndoŋ nɛ fo naa kaŋɛ fanɛ an yɔ ndoŋ a?”

Baru lela nɛ Jɔn kute na 5:18

Le be kamalga ere malɛ e daŋ naŋ shin nɛ Juwebi na nyaŋɛ to n ti so a sha kemɔ Yesu na, ŋkpal manɛ so, mannɛ fanɛ e daa jija kewushiachɛ na nawule nna, ama e daa tre Ebɔrɛ mo Tuto gbagba nna a ti so a ŋini fanɛ mo nɛ Ebɔrɛ ka la kukoŋwule.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.