Baru lela nɛ Jɔn kute na 10:24 - EBƆRƐ BE KAWƆL

²⁴ Ndoŋ nna nɛ Juwebi na chala m ba mo kutɔ m ba bishi mo: “Manɛ e ba nɛ fo ta asheŋ ŋ ŋana anyi so n chɛr loŋ? Kaŋɛ anyi kashenteŋto preen: Fo e la Mesaya na a?”

Baru lela nɛ Jɔn kute na 10:24 ပူးပေါင်းရင်းမြစ်များ

1 Bewura 18:21

Nɛ anebi Elaija yɔ basa na kutɔ n ya kaŋɛ bumo le: “Nchɛ afanɛ nɛ men yɛ men ta n yili men be kagbene kukoŋwule? Nɛ Enyɛnpe na e la Ebɔrɛ, men baa shuŋ mo! Nɛ Baal malɛ e la Ebɔrɛ kumo ere men baa shuŋ mo alɛ gba!” Ama basa na daa maŋ tuge shɛŋ.

Matiu 11:3

“Fo e la emo nɛ e beeŋ ba na ŋko an baa kraa jo amodoŋwura?”

Maak 8:32

E bugi le be demu to nɛnɛ ŋ kaŋɛ bumo. Nɛ Pita keta mo n lar ekarso n ya fara nɛ e fiɛ mo so.

Luuk 3:15

Ŋkpal basa ka daa jo Kristo na be keba na so, Jɔn be asheŋ daŋ fara nna a chinchiŋ bumo nɛ b fara a fɛ fanɛ ashere mo e la Kristo na.

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 10:31

Ndoŋ nna nɛ Juwebi na yaŋ ta ajembu nɛ b kpa mo.

Baru lela nɛ Jɔn kute na 10:33

Nɛ Juwebi na kaŋɛ mo: “Mannɛ kusɔ lela ko fo ka wora so nɛ anyee sha kekpa fo ajembu, ama ŋkpal fo ka baa la nyiŋgbasa nsaa tre fo kumu Ebɔrɛ nsaa malga a gbiti Ebɔrɛ na so.”

Baru lela nɛ Jɔn kute na 16:25

Kashenteŋto, aŋasa to nɛ m bɔla m malga asheŋ na, ama saŋko bee ba nɛ m maaŋ naŋ ta aŋasa m malga asheŋ n sa menyi, meeŋ bugi asheŋ to filifili ŋ kaŋɛ menyi n Tuto na be asheŋ.

Baru lela nɛ Jɔn kute na 8:25

Ndoŋ nna nɛ b bishi mo: “Nɛ wanɛ e la fo bre?” Nɛ Yesu kaŋɛ bumo: “Kumo nɛ m baa wɔtɔ a kaŋɛ menyi sososo na kikɛ na.

Baru lela nɛ Jɔn kute na 8:53

Fo chɔ an tuto Eebraham nna a? Mo nɛ anebiana na kikɛ wu. To, nɛ wanɛ nɛ fee tama fanɛ fo ere la?”

Baru lela nɛ Jɔn kute na 9:22

Kanyɛn na mo nio nɛ mo tuto daŋ kaŋɛ loŋ nna ŋkpal b ka daa ŋana Juwebi be benimuana na so so, ŋkpal manɛ so, b daŋ kaŋɛ nna fanɛ ekama nɛ e bugi to ŋ kaŋɛ fanɛ Yesu e la Mesaya na, baaŋ ju mo nshɛrbuana na to be keluri to.

2 Kɔrintebi 3:12

Ŋkpal an ka kɔ le be tama ere so, an kɔ kenyɛn nɛ an baa wora asheŋ.