Baru lela nɛ Jɔn kute na 10:2 - EBƆRƐ BE KAWƆL

² Esa nɛ e bee bɔla kuluu na to be kabuna to a luri mbolpɔ na to e la mbolpɔkpapo na.

Baru lela nɛ Jɔn kute na 10:2 ပူးပေါင်းရင်းမြစ်များ

Nshɛ 23:1

Enyɛnpe Ebɔrɛ na e naa keni ma so, fanɛ kananɛ mbolpɔkpapo bee keni mbe mbɔlpo so na. Amoso mee nya kusɔ kama nɛ k tir ma nna.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Kaŋinichiŋgeliŋ 12:11

Enyiashempo na be mmalga na du fanɛ mbolpɔkpapo be kekpabi nɛ e kɔ a kpa mbe mbolpɔ nna nɛ aŋasa na malɛ du fanɛ ayir nɛ e gbir nɛnɛ nna. Mmalga na shi Ebɔrɛ nɛ e la anyi kikɛ be ekpapo na kutɔ nna.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Maika 5:5

nɛ e bar kayurwushi m ba sa bumo. Asiriya be efuli so be basa kaŋ ba kɔ m bure n luri anyi be mboŋ lempoana to, anyeeŋ shuŋi anyi be bejuŋkparpo lempoana nɛ b ya kɔ bumo.

Zakareya 11:3

Men nu mbolpɔkpapoana ka bee shu awɔrso; ŋkpal bumo be mbolpɔ be ejikpa lela na ka mur so! Men nu ebuluŋ ka bee munto; ŋkpal Jɔɔdan be lɔrkar be kupogboŋ lela na ka mur so!

Zakareya 11:5

Basa nɛ b tɔ bumo na bee mɔ bumo nna nsaa ta bumo be amu a ji. Nɛ basa nɛ baa fa mbolpɔ na malɛ bee kaŋɛ le: ‘Mee di Ebɔrɛ epaŋ ŋkpal ŋ ka dii dama so!’ Mbolpɔkpapoana na gbagba maa shu mbolpɔ na so.”

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 15:11

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

Baru lela nɛ Jɔn kute na 10:14

Ma e la mbolpɔkpapo lela na, n nyi ma mbolpɔ nɛ ma mbolpɔ malɛ gba nyi ma,

Baru lela nɛ Jɔn kute na 10:7

Ndoŋ nna nɛ Yesu naŋ kaŋɛ bumo: “Kashenteŋ nɛ mee kaŋɛ menyi na fanɛ ma e du fanɛ kabuna a sa mbolpɔ na.

Baru lela nɛ Jɔn kute na 10:9

Ma e la kabuna na, esa kama nɛ e bɔla ma to n luri, beeŋ nya kumɔlga. Mo alɛ beeŋ baa luri a lar a nya ajibi.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

1 Timoti 4:14

Loŋ na fo maaŋ gal kusɔ nɛ Ebɔrɛ ta m bɔɔ fo enɔ fanɛ fo wora saŋɛ nɛ basa wu fo asheŋ ŋ kaŋɛ nɛ benimu daŋ ta enɔana n deŋi fo so ŋ kule Ebɔrɛ n sa fo na n lɛ.

Taites 1:5

N daŋ yige fo Kriit nna nɛ fo wora asheŋ nɛ a daŋ ka kewora na nna. Asheŋ nɛ n daŋ ta m bɔɔ fo enɔ na e daa la fanɛ kade kama be asɔri to, fo lara benimu n sa ndoŋebi.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”