Baru lela nɛ Jɔn kute na 10:18 - EBƆRƐ BE KAWƆL

¹⁸ Esa kikɛ maa sɔ kumo ŋ kutɔ. Ŋ gbagba e naa ta kumo a sa basa. Meeŋ tiŋ n ta kumo n sa basa nseŋ naŋ tiŋ n ta kumo a wɔtɔ. Loŋ nɛ n Tuto na yili fanɛ n wora.”

Baru lela nɛ Jɔn kute na 10:18 ပူးပေါင်းရင်းမြစ်များ

Baru lela nɛ Jɔn kute na 10:11

Ma e la mbolpɔkpapo lela na, mbolpɔkpapo lela na bee shin nɛ baa lara mbe ŋkpa ashi mo to nna a sa mbolpɔ na.

Baru lela nɛ Jɔn kute na 10:15

fanɛ kananɛ Etuto na nyi ma nɛ ma alɛ gba nyi Etuto na. Ma alɛ bee ta ma kumu nna a mɔ a sa bumo.

Baru lela nɛ Jɔn kute na 10:17

Kusɔ nɛ k ba nɛ n Tuto na bee sha ma na e la fanɛ ŋ ka shuli n ta ma ŋkpa a sa basa nɛ n naŋ bɛta n nya kumo so.

Baru lela nɛ Jɔn kute na 14:31

E maŋ kɔ eleŋ ma so, ama a daga durnya ere ka pin fanɛ mee sha Etuto na, amoso nɛ mee wora kusɔ nɛ e bee kaŋɛ ma kikɛ na. Men niŋi to nɛ an koso nfe n choŋ.”

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”

Baru lela nɛ Jɔn kute na 5:26

Kananɛ ŋkpa shi Etuto na to na, loŋ gbagba na nɛ e shin nɛ ŋkpa bee shi Ebinyɛn na gba to.

Baru lela nɛ Jɔn kute na 5:30

Ma alɛ gbagba maaŋ tiŋ n wora shɛŋ ma kumu so. Kusɔ nɛ Ebɔrɛ bee kaŋɛ ma be demu nɛ mee ji, amoso, ma demu be keji kɔ kashenteŋ nna, ŋkpal manɛ so, mannɛ ŋ gbagba be aparsheŋ nɛ mee wora, esa nɛ e shuŋi ma na be aparsheŋ nɛ mee wora.

Baru lela nɛ Jɔn kute na 6:38

Ŋkpal manɛ so, n shi ebɔrɛso nna m ba nɛ m ba wora esa nɛ e shuŋi ma na be aparsheŋ, mannɛ ŋ gbagba be aparsheŋ so e shin nɛ m ba.

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Ashuŋ Shunso 2:32

Ebɔrɛ shin nɛ Yesu koŋwule ere tiŋi luwu to nɛ anyi wu kumo be loŋ be kashenteŋ.

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.