Baru lela nɛ Jɔn kute na 10:12 - EBƆRƐ BE KAWƆL

¹² Esa kama nɛ b ber paa nɛ e bee keni mbolpɔ so, mo alɛ ŋkaa maŋ la mbolpɔkpapo gbagba na, mo alɛ ŋkaa maŋ naa la mbolpɔ na wura na baŋ wu kuntuŋ ka bee ba, e bee shile nna a ka mbolpɔ na. Saŋɛ na so nɛ kuntuŋ na e pɛ mbolpɔ na be ako nɛ amo nɛ a ka e pesaŋ to.

Baru lela nɛ Jɔn kute na 10:12 ပူးပေါင်းရင်းမြစ်များ

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Baru lela nɛ Jɔn kute na 10:13

Amodoŋwura bee shile nna a yɔ a ka mbolpɔ na, ŋkpal manɛ so, b ber mo paa nna nɛ e bee keni amo so nɛ mbe shɛŋ maŋ wɔ amo to.

Baru lela nɛ Jɔn kute na 10:2

Esa nɛ e bee bɔla kuluu na to be kabuna to a luri mbolpɔ na to e la mbolpɔkpapo na.

Baru lela nɛ Jɔn kute na 10:3

E baa ba, kabunakenipo na bee bugi kabuna na nna a sa mo nɛ e bee luri to a tre a tre mo gbagba be mbolpɔ na be atreana nɛ bumo alɛ bee pin mbe ebɔl nsaa bɛ mo so nɛ e bee keta bumo a lar kuluu na to.

Ashuŋ Shunso 20:29

Ŋkpal manɛ so, n nyi fanɛ ŋ kaŋ yɔ, befɛpo damta beeŋ ba menyi to m ba fin kemur asɔriebi na fanɛ kananɛ kuntuŋ bee luri mbolpɔ to a mur amo na.

1 Timoti 3:3

E sa maa nuu nsa ga ŋko a la esa brembreŋ, ama a daga fanɛ e baa du boeŋ nsaa maa la elushapo ŋko a ta mbe kagbene a wɔtɔ amansherbi to.

1 Timoti 3:8

A daga fanɛ asɔri to be bechɛtopo gba e baa kɔ da lela nsaa maa la besheŋjipo ŋko nsanuupoana ŋko a kɔ kejimuni.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

Taites 1:7

A daga fanɛ asɔri to be enimu ŋinipo nɛ e bee keni Ebɔrɛ be asɔri to ebi so na e sa maa kɔ kulubi kikɛ mbe kebaawɔtɔ to. A maŋ daga fanɛ e baa sha mo nawule be aparsheŋ ŋko a nya agbo manaŋ manaŋ ŋko a sha nsa ga ŋko a du nyaŋnyaŋ ŋko a ŋana a wɔ alubi be ekpa ko to a fin amansherbi.

1 Pita 5:2

Mee kule menyi nna fanɛ men baa keni Ebɔrɛ be basa nɛ b wɔ men be enɔ to a du fanɛ mbolpɔ na so. Men sa maŋ ta bumo be kekeniso na fanɛ katiŋ be kusɔ. Men baa bugi ŋgbene a keni bumo so fanɛ kananɛ Ebɔrɛ bee sha fanɛ men baa du na. Men sa maŋ baa wɔtɔ a kɔ kajɛso a fin kakɔka, men baa bugi kagbene a sha kebaashuŋ basa.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.