Baru lela nɛ Jɔn kute na 1:7 - EBƆRƐ BE KAWƆL

⁷ E daŋ ba nna fanɛ shɛdajipo, kumo e la fanɛ e ba ji kefulto na be asheŋ be shɛda, saŋɛ na so, basa beeŋ bɔla mo so n yirda kumo.

Baru lela nɛ Jɔn kute na 1:7 ပူးပေါင်းရင်းမြစ်များ

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Baru lela nɛ Jɔn kute na 1:12

Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.

Baru lela nɛ Jɔn kute na 1:15

Mbe asheŋ nɛ Jɔn daŋ ji, saŋɛ nɛ e daŋ kaŋɛ le awɔrso na, e yɛ: “Ede be asheŋ nɛ n daa malga, saŋɛ nɛ n daŋ kaŋɛ fanɛ: ‘Esa ko wɔ ma kaman a ba, ama mo e chɔ ma, ŋkpal manɛ so, mo e daŋ ma kebaawɔtɔ ashi Ebɔrɛ be anishito.’ ”

Baru lela nɛ Jɔn kute na 1:19

Kachako Jerusalɛm to be Juwebi be benimuana shuŋi bɔrɛmatapoana nɛ Livaiebi ko Jɔn kutɔ fanɛ b ba bishi mo le: “Nuso be esa e la fo?”

Baru lela nɛ Jɔn kute na 1:36

Nɛ e wu Yesu ka bee choŋ nɛ e kaŋɛ: “Men keni Ebɔrɛ be Kpakpafɔlbi na.”

Baru lela nɛ Jɔn kute na 1:9

Kashenteŋ be kefulto nɛ k bee nyaŋɛ a sa esa kama na e daa ba durnya ere to na.

Ashuŋ Shunso 19:4

Nɛ Pɔɔl kaŋɛ: “Kabɔrɛbɛr nɛ Jɔn daa bɛr basa na daa ŋini fanɛ basa na yɛ b lar bumo be alubi to, ama e daa kaŋɛ ekama nna fanɛ a daga fanɛ e yirda esa nɛ e wɔ mo ere Jɔn be kaman a ba na, mo e la Yesu na.”

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Ɛfesesebi 3:9

nseŋ naŋ shin nɛ basa kikɛ e wu kananɛ Ebɔrɛ beeŋ shin nɛ mbe wulo be kesheŋ naseso na e wora. Ebɔrɛ nɛ e to kusɔ kikɛ na e shin nɛ wulo nɛ mee malga kumo be asheŋ ere maŋ lar efuli jemanɛ damta nɛ k choŋ ere kikɛ.

1 Timoti 2:4

nsaa par Ebɔrɛ nɛ e mɔlga anyi nsaa sha fanɛ basa kikɛ e nya kumɔlga nseŋ pin kashenteŋ be keŋini na.

Taites 2:11

Ŋkpal manɛ so, Ebɔrɛ shin nɛ mbe kuwɔr be kakɛ nɛ k bee bar kumɔlga basa kikɛ so na lar efuli.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.