Baru lela nɛ Jɔn kute na 1:47 - EBƆRƐ BE KAWƆL

⁴⁷ Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

Baru lela nɛ Jɔn kute na 1:47 ပူးပေါင်းရင်းမြစ်များ

Nshɛ 32:2

Kagbenefuli la esa nɛ Enyɛnpe Ebɔrɛ maŋ naa nyiŋi mbe alubi na peya nna. Mo e maŋ ta kulubi kikɛ ŋ ŋana mbe kagbene to na.

Nshɛ 73:1

Kashenteŋto, Ebɔrɛ walɛ n sa Israɛl nɛ bekama nɛ baa bunyaŋ mo nɛ ŋgbene fuful na.

Baru lela nɛ Jɔn kute na 2:25

E daa maŋ naa sha dimɛdi kikɛ ka chɛ mo to ŋ ŋini mo kananɛ basa du, ŋkpal manɛ so, e daa nyi kusɔ nɛ k wɔ dimɛdi to.

Baru lela nɛ Jɔn kute na 4:16

Nɛ Yesu kaŋɛ mo: “Ya tre fo kul m ba nfe.”

Baru lela nɛ Jɔn kute na 8:31

Juwebi nɛ b daŋ yirda mo na, le nɛ Yesu daŋ kaŋɛ bumo: “Nɛ men baa bɛ ma keŋini ere so, menyeeŋ baa la ma bebɛsopo kashenteŋto.

Baru lela nɛ Jɔn kute na 8:39

Ndoŋ nna nɛ b kaŋɛ Yesu: “Eebraham e la an tuto.” Nɛ Yesu kaŋɛ bumo: “Nɛ men daa la Eebraham be mbia nna, men daa beeŋ baa wora asɔ nɛ Eebraham daŋ wora.

Romebi 9:4

Ma basa Israɛlebi nɛ n de na. Bumo nɛ Ebɔrɛ ta ŋ ki mbe mbia n shin nɛ b nya mbe kemaŋkura na n ti so. E nase kebaawɔtɔ koŋwuleso be kɔnɔ n sa bumo nseŋ sa bumo mbra na nɛ bɔrɛlambu na to be kabɔrɛshuŋ na nɛ b nya Ebɔrɛ be nnɔ naseso n ti so.

Romebi 9:6

Kede maa ŋini fanɛ Ebɔrɛ be kɔnɔ naseso na maŋ tiŋ m bɔla ekpa nna, ŋkpal manɛ so, mannɛ Israɛl be efuli so ebi kikɛ e la Ebɔrɛ be basa laraso.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.

Kelaraŋŋini 14:5

Efɛsheŋ kama daa maŋ shi bumo be nnɔ to n lar kikɛ, kulubisheŋ kama daa maŋ do bumo be ekama so.