Baru lela nɛ Jɔn kute na 1:45 - EBƆRƐ BE KAWƆL

⁴⁵ Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 1:45 ပူးပေါင်းရင်းမြစ်များ

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Jɛnesis 49:10

Juda e naaŋ ba kaa kɔ kuwurkpabi mbe enɔ to nɛ mbe kanaŋ to ebi malɛ e ba kaa ji kuwura basa so saŋkama. Efuli pɔtɛana so ebi beeŋ ba kaa bunyaŋ mo a gbir mo kumuli kasonuso.

Aizaaya 4:2

To, jemanɛ ko bee ba nɛ Enyɛnpe Ebɔrɛ na e shin nɛ adɔjibi nɛ ndibi kikɛ e daŋ n nyalɛ a walɛ. Saŋɛ na so nɛ Israɛl be basa kama nɛ baaŋ ji efute na be ŋgbene e fuli kasawule na be adɔjibi so nɛ b baa puchi amo so.

Aizaaya 53:2

Enyɛnpe Ebɔrɛ na gbagba be keparso nɛ mbe kenya daŋ ki fanɛ kusɔduuso nɛ k mur achin kasawule wɔlso so. E daa maŋ walɛ keyɛrbi ŋko a la esagboŋ ko nɛ basa nyi mbe asheŋ ŋko a keni mo a bɔlɔ kenishi. Mbe kapɔr be shɛŋ daa maa par basa, nɛ k shin nɛ basa e baa firgi a taga mo to.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Zakareya 6:12

Kumo be kaman nɛ fo kaŋɛ mo fanɛ Enyɛnpetale Ebɔrɛ na yɛ: ‘Kanyɛn ko beeŋ shi kakpa nɛ fo wɔ ere n lar fanɛ keyimu ka pete na m ba lɔŋɛ Enyɛnpe Ebɔrɛ na be bɔrɛlambu na m pɔr.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Matiu 10:3

nɛ Filip nɛ Baatɔlomiu nɛ Tɔmas nɛ Matiu, lamposɔpo na nɛ Jeems Alfias pibi nɛ Tadias

Matiu 13:55

Mannɛ mo e la kapɛnta na pibi na a? Mannɛ mo nio e la Mɛɛri na a? Kumo be kaman, mannɛ mo sipoana e la Jeems nɛ Josɛf nɛ Saimɔn nɛ Judas na a?

Matiu 2:23

amoso, Galili be kasawule so nɛ e daŋ ya chena, kade ko to nɛ baa tre Nazarɛt. Loŋ daŋ wora nna nɛ kusɔ nɛ anebiana na daŋ kaŋɛ na e bɔla ekpa. B yɛ: “Baaŋ ba kaa tre mo Nazarin na.”

Matiu 21:11

Nɛ jimaŋ na kaŋɛ bumo le: “Nazarɛt nɛ k wɔ Galili be kasawule so be anebi nɛ baa tre Yesu na nna.”

Maak 14:67

E ka wu Pita ka bee wɔl edɛ nɛ e pɛshɛ mo nɛnɛ nseŋ kaŋɛ: “Fo alɛ gba nɛ Nazarɛt be Yesu na e daa la.”

Maak 6:3

Mannɛ mo e la kapɛnta na a? Mɛɛri pibi nɛ Jeems nɛ Josɛf nɛ Judas nɛ Saimɔn bumo da nna a? Mannɛ anyi nɛ mo sipocheana e wɔ nfe na a?” Ndoŋ nna nɛ b kpal kumo so ŋ kini kesɔ mo.

Luuk 18:37

Nɛ b kaŋɛ mo le: “Nazarɛt be Yesu e naa choŋ.”

Luuk 2:4

Nɛ Josɛf malɛ gba lar Nazarɛt, Galili be efuli so n yɔ Judiya be efuli so be kade ko to nɛ baa tre Bɛtlɛhɛm, kakpa nɛ b kurge Ewura Deevid na. Josɛf daŋ yɔ ndoŋ nna ŋkpal e ka daŋ shi Deevid be kanaŋ to so.

Luuk 2:48

Mo nio nɛ mo tuto ka wu mo nɛ k chinchiŋ bumo ga nɛ mo nio bishi mo: “M pibi, manɛ e ba nɛ fo wora anyi loŋ? Ma nɛ fo tuto ka bee fin fo a gben anyi be ŋgbene jija anyi ga.”

Luuk 24:27

Ndoŋ nna nɛ e fara Mosis be abɔrɛsibɛ to m bugi asɔ nɛ a bee malga mo gbagba be asheŋ kikɛ to ŋ kaŋɛ bumo loŋ hale n ya bɔla anebiana na kikɛ be abɔrɛsibɛana to nyam.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Luuk 3:23

Yesu daŋ fo fanɛ nfɛ adesa nna nseŋ fara mbe kushuŋ. Mo tuto e daa la Josɛf fanɛ kananɛ basa daa fɛ na. Josɛf mo tuto e daa la Ilai, Matat pibi.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Baru lela nɛ Jɔn kute na 1:44

Filip daŋ shi Bɛtsaida be kade to nna, kakpa koŋwule nɛ Andru nɛ Pita gba shi na.

Baru lela nɛ Jɔn kute na 12:21

Ndoŋ nna nɛ b ba Filip nɛ e daŋ shi Bɛtsaida nɛ k wɔ Galili na kutɔ m ba kaŋɛ mo le: “Kowurnyɛn, jande, anyee sha kewu Yesu nna.”

Baru lela nɛ Jɔn kute na 14:8

Ndoŋ nna nɛ Filip kaŋɛ mo le: “Enyɛnpe, ŋini anyi Etuto na nɛ kusɔ kama e kukwe anyi.”

Baru lela nɛ Jɔn kute na 18:5

Nɛ b yɛ: “Nazarɛt be Yesu na.” Nɛ Yesu kaŋɛ: “Ma nna na.” Saŋɛ na so nɛ Judas edebɔrpo na yil bumo to ndoŋ.

Baru lela nɛ Jɔn kute na 18:7

Ndoŋ nna nɛ e naŋ laŋɛ m bishi bumo: “Wanɛ nɛ menyee fin?” Nɛ b yɛ: “Nazarɛt be Yesu na.”

Baru lela nɛ Jɔn kute na 19:19

Ndoŋ nna nɛ Pailat shin nɛ b sibɛ kasibɛ ŋ gbir m mata mbe kedibi largato na so a kaŋɛ le: “NAZARƐT BE YESU NƐ E LA JUWEBI BE EWURA NA NDE.”

Baru lela nɛ Jɔn kute na 21:2

Kachako Saimɔn Pita nɛ Tɔmas, emo nɛ baa tre Kaborobi na, nɛ Nataniɛl nɛ e shi Keena nɛ k wɔ Galili na nɛ Zɛbedi be mbia anyɔ na nɛ bebɛsopo anyɔ ko daa la.

Baru lela nɛ Jɔn kute na 6:42

B yɛ: “Mannɛ mo e la Yesu, Josɛf pibi na a? To, an nyi mo tuto nɛ mo nio nɛ a ji nuso nna nɛ e bee kaŋɛ mbe kumu fanɛ: ‘Ebɔrɛso nɛ n shi m ba?’ ”

Baru lela nɛ Jɔn kute na 6:5

Yesu ka chena kebee na so nseŋ wu jimaŋ ko ka bee ba mo kutɔ nɛ e bishi Filip: “Filip, nnɛ nɛ anyeeŋ nya bodobodo n tɔ n sa basa ere nɛ b ji?”

Baru lela nɛ Jɔn kute na 6:7

Ndoŋ nna nɛ Filip kaŋɛ mo le: “Cha, pɔŋ alfa anyɔ gba be bodobodo maaŋ fo basa ere kikɛ nɛnɛ.”

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Ashuŋ Shunso 2:22

Israɛlebi, men nu nfe, Ebɔrɛ ŋini menyi fanɛ Nazarɛt be Yesu na shi mo kutɔ nna, ŋkpal e ka bɔla Yesu na so n wora emamachisheŋ nɛ Ebɔrɛ be etɔɔnɛsheŋ nɛ asheŋ ŋiniso damta menyi be anishito nfe so. Menyi gbagba baa nyi amo be asheŋ.

Ashuŋ Shunso 22:8

Nɛ m bishi: ‘Fo wanɛ, Enyɛnpe?’ Nɛ e kaŋɛ: ‘Ma Nazarɛt be Yesu nɛ fee tɔrɔ na.’

Ashuŋ Shunso 26:9

Ma alɛ gba daŋ yili kumo nna fanɛ meeŋ wora kusɔ kama n tiŋ n jija Nazarɛt be Yesu be ketre na.

Ashuŋ Shunso 3:6

Nɛ Pita kaŋɛ mo: “M maŋ kɔ kubo, ama meeŋ sa fo kusɔ nɛ ŋ kɔ. Nazarɛt be Yesu Kristo be eleŋ to so, niŋi to n nite!”