Baru lela nɛ Jɔn kute na 1:44 - EBƆRƐ BE KAWƆL

⁴⁴ Filip daŋ shi Bɛtsaida be kade to nna, kakpa koŋwule nɛ Andru nɛ Pita gba shi na.

Baru lela nɛ Jɔn kute na 1:44 ပူးပေါင်းရင်းမြစ်များ

Matiu 10:3

nɛ Filip nɛ Baatɔlomiu nɛ Tɔmas nɛ Matiu, lamposɔpo na nɛ Jeems Alfias pibi nɛ Tadias

Matiu 11:21

E yɛ: “Kɔrazinebi, asheŋ maaŋ nyalɛ n sa menyi kikɛ, Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to ere, nɛ n daŋ wora amo Tayɛ nɛ Saidɔn to nna, ndoŋebi daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Maak 3:18

nɛ Andru nɛ Filip nɛ Baatɔlomiu nɛ Matiu nɛ Tɔmas nɛ Jeems, Alfias pibi nɛ Tadias nɛ Saimɔn, emo nɛ b daa tre Zɛlɔt na

Maak 6:45

Epul na to nɛ Yesu shin nɛ mbe bebɛsopo luri ekuloŋ to n juŋkpar mo n yɔ Bɛtsaida, kepagboŋ na be kaba ndoŋ nɛ mo alɛ shin nɛ jimaŋ na yɔ epe.

Maak 8:22

B ka ba Bɛtsaida nɛ basa ko bar mo tanponyɛn ko m ba kule mo fanɛ e beta mo m bugi mbe anishi. Nɛ Yesu pɛ tanponyɛn na be enɔ to

Luuk 10:13

Kumo be kaman nɛ Yesu naŋ kaŋɛ: “Kɔrazinebi, asheŋ maaŋ nyalɛ n sa menyi kikɛ. Bɛtsaidaebi, menyi alɛ gba, asheŋ maaŋ nyalɛ n sa menyi, ŋkpal manɛ so, emamachisheŋ nɛ n wora menyi to, nɛ n daŋ wora amo Tayɛ nɛ Saidɔn to nna, ndoŋebiana daŋ ta nsunɔ n chaŋ bumo be eyurana so nseŋ buu asɔ a tase fanɛ keeli to ebi a ŋini fanɛ b lar bumo be alubiana to n chɛr.

Luuk 6:14

Bumo e daa la: Saimɔn, emo nɛ Yesu nase Pita na nɛ mo sipo Andru nɛ Jeems nɛ Jɔn nɛ Filip nɛ Baatɔlomiu nɛ Matiu nɛ Tɔmas nɛ Jeems, Alfias pibi

Luuk 9:10

Bebɛsopo na ka bɛta m ba nɛ b ba kaŋɛ Yesu asheŋ nɛ b wora kikɛ nyam. Nɛ e shin nɛ mo nɛ bumo nawule yɔ kade ko nɛ baa tre Bɛtsaida.

Baru lela nɛ Jɔn kute na 1:43

Kesheŋ ere ka wora ŋklade nɛ Yesu yili kumo fanɛ e bee yɔ Galili be kasawule so. Kumo be kamɔnchɛ na nɛ e tu Filip nseŋ kaŋɛ mo: “Bɛ ma so.”

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 1:46

Ndoŋ nna nɛ Nataniɛl bishi mo: “Fo kaŋɛ Nazarɛt? Kusɔ lela mo malɛ e naaŋ shi Nazarɛt be kade to?” Ndoŋ nna nɛ Filip kaŋɛ: “Ba keni.”

Baru lela nɛ Jɔn kute na 1:48

Nɛ Nataniɛl bishi mo: “Nnɛ nɛ fo nyi ma?” Nɛ Yesu kaŋɛ mo: “Fo ka daa wɔ figi be kedibi na be kifi to pɔɛŋ nɛ Filip tre fo na kikɛ nɛ n wu fo.”

Baru lela nɛ Jɔn kute na 12:21

Ndoŋ nna nɛ b ba Filip nɛ e daŋ shi Bɛtsaida nɛ k wɔ Galili na kutɔ m ba kaŋɛ mo le: “Kowurnyɛn, jande, anyee sha kewu Yesu nna.”

Baru lela nɛ Jɔn kute na 12:22

Ndoŋ nna nɛ Filip ya kaŋɛ Andru nɛ bumo benyɔ ya kaŋɛ Yesu.

Baru lela nɛ Jɔn kute na 6:5

Yesu ka chena kebee na so nseŋ wu jimaŋ ko ka bee ba mo kutɔ nɛ e bishi Filip: “Filip, nnɛ nɛ anyeeŋ nya bodobodo n tɔ n sa basa ere nɛ b ji?”

Baru lela nɛ Jɔn kute na 6:7

Ndoŋ nna nɛ Filip kaŋɛ mo le: “Cha, pɔŋ alfa anyɔ gba be bodobodo maaŋ fo basa ere kikɛ nɛnɛ.”

Ashuŋ Shunso 1:13

B ka fo Jerusalɛm nɛ b dii n yɔ esoso be ebu be ebu ko to nɛ b daa sha keji nchɛnnyɔ kumo to na. Bumo e daa la: Pita nɛ Jɔn nɛ Jeems nɛ Andru nɛ Filip nɛ Tɔmas nɛ Baatɔlomiu nɛ Matiu nɛ Jeems, Alfias pibi nɛ Saimɔn Zɛlɔt nɛ Judas, Jeems pibi.