Baru lela nɛ Jɔn kute na 1:38 - EBƆRƐ BE KAWƆL

³⁸ Ndoŋ nna nɛ Yesu gbɛ ŋ keni nɛ b bɛ mo so nɛ e bishi bumo: “Manɛ nɛ menyee fin?” Nɛ b bishi mo: “Rabai, nnɛ nɛ fo wɔ?” Rabai be kifito e la eŋinipo.

Baru lela nɛ Jɔn kute na 1:38 ပူးပေါင်းရင်းမြစ်များ

1 Bewura 10:8

Basa nɛ baa shuŋ fo nsaa wɔ fo kutɔ saŋkikɛ a nu fo kanyiasheŋ be mmalga na, nu ebel pasaa!

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Aŋasa 8:34

Bekama nɛ baa ba ma laŋ to m ba kaa chena ma kabuna to, a jo a nu ma mmalga na be ŋgbene beeŋ fuli bumo.

Nfabel 5:19

Ama fo, Enyɛnpe Ebɔrɛ na e la ewura mbaanaayɔ. Fo e naa ji kuwura hale n ya fo jemanɛ be lalaloge.

Luuk 10:39

Ndoŋ nna nɛ Maata mo sipocheso mo nɛ baa tre Mɛɛri na ya kaa tase Enyɛnpe na be anishito a nu mbe kamalga.

Luuk 14:25

Basa damta ko daŋ tu Yesu a wɔ enite to nɛ e kilgi ŋ kaŋɛ bumo le:

Luuk 15:20

Ndoŋ nna nɛ e koso m pɛ epe be ekpa a ba mo tuto kutɔ. E ka ba kaa fo epe ŋ kraa wɔ kufɔ nɛ mo tuto wu mo nseŋ wu mo kuwɔr nseŋ shile n ya pɛ mo to kashaso n wora mo ansaŋ nɛ keba ga.

Luuk 19:5

Yesu ka ba fo kedibi na ase nɛ e maŋ kumu so ŋ keni mo nseŋ kaŋɛ mo le: “Zakiyes nya manaŋ ŋ gbelge m ba, ŋkpal manɛ so, kabre a daga ŋ ka yɔ fo pe n ya ki fo efɔ.”

Luuk 22:61

Ndoŋ nna nɛ Enyɛnpe kilgi ŋ keni Pita nɛ e nyiŋi Enyɛnpe be kamalga mo nɛ e daŋ kaŋɛ mo fanɛ: “Pɔɛŋ nɛ koshinyɛn e boŋ kabre, feeŋ chɛ ale asa ŋ kaŋɛ fanɛ fo maŋ nyi ma na.”

Luuk 8:38

nɛ kanyɛn nɛ mbuibi lubi lar mo to na ba kule Yesu ŋ kaŋɛ: “Shin nɛ n tu fo a yɔ.” Ama Yesu daa maŋ shuli nseŋ kaŋɛ mo:

Baru lela nɛ Jɔn kute na 1:37

Bebɛsopo anyɔ na ka nu kusɔ nɛ e kaŋɛ na nɛ b ta m bɛ Yesu so.

Baru lela nɛ Jɔn kute na 1:39

Nɛ Yesu kaŋɛ bumo: “Men ba keni.” Ndoŋ nna nɛ b ya wu kakpa nɛ e wɔ nseŋ shir mo kutɔ ndoŋ hale nɛ epeŋi ya tɔr, ŋkpal manɛ so, k daa la fanɛ kaaseso kerfi ana be saŋɛ nna.

Baru lela nɛ Jɔn kute na 1:49

Nɛ Nataniɛl kaŋɛ mo le: “Rabai, kashenteŋto, fo e la Ebɔrɛ Pibinyɛn na. Fo e la Israɛl be efuli so be Ewura na.”

Baru lela nɛ Jɔn kute na 12:21

Ndoŋ nna nɛ b ba Filip nɛ e daŋ shi Bɛtsaida nɛ k wɔ Galili na kutɔ m ba kaŋɛ mo le: “Kowurnyɛn, jande, anyee sha kewu Yesu nna.”

Baru lela nɛ Jɔn kute na 18:4

Yesu daa nyi asɔ nɛ a daa beeŋ nya mo kikɛ, amoso, e daŋ lar m ba anishito nna m ba bishi bumo le: “Wanɛ nɛ menyee fin?”

Baru lela nɛ Jɔn kute na 18:7

Ndoŋ nna nɛ e naŋ laŋɛ m bishi bumo: “Wanɛ nɛ menyee fin?” Nɛ b yɛ: “Nazarɛt be Yesu na.”

Baru lela nɛ Jɔn kute na 3:2

Kachako kiidiso nɛ e yɔ Yesu kutɔ n ya kaŋɛ mo le: “Rabai, mamachi be asheŋ nɛ fee wora ere e shin nɛ an pin fanɛ fo ka la eŋinipo nɛ e shi Ebɔrɛ kutɔ m ba, ŋkpal manɛ so, nɛ Ebɔrɛ maŋ wɔ esa to, e maaŋ tiŋ n wora asɔ nɛ fee wora ere.”

Baru lela nɛ Jɔn kute na 3:26

Ndoŋ nna nɛ Jɔn be bebɛsopo yɔ mo kutɔ n ya kaŋɛ mo le: “Eŋinipo, fo nyiŋi kanyɛn nɛ fo nɛ mo daa la ashi Jɔɔdan be lɔr be kaba ndoŋ na ŋko? Kanyɛn nɛ fo daŋ ji mbe shɛda na. Keni, e wɔtɔ a bɛr basa kabɔrɛbɛr nɛ basa kikɛ shile a yɔ mo kutɔ.”

Baru lela nɛ Jɔn kute na 4:31

Kesheŋ ere ka bee wora kade to le ere nɛ Yesu be bebɛsopo malɛ bee kule mo fanɛ e ji ajibi a kaŋɛ mo: “Eŋinipo, wora ania n ji kusɔ ko.”

Baru lela nɛ Jɔn kute na 6:25

B ka ya wu mo kepagboŋ na be kaba ere so ndoŋ nɛ b bishi mo: “Eŋinipo, saŋɛ mo nɛ fo fo nfe?”

Ashuŋ Shunso 10:21

Nɛ Pita gbelge n ya kaŋɛ basa na: “Ma nɛ menyee fin na. Manɛ e bar menyi?”

Ashuŋ Shunso 10:29

Amoso nɛ n nu menyi be ketre a maŋ ji emɔrɔ nseŋ ba na. Ama men kaŋɛ ma kusɔ nɛ k ba nɛ men shuŋi n tre ma.”

Ruf be kawɔl 1:16

Nɛ Ruf kaŋɛ mo: “Sa maa kaŋɛ ma fanɛ n yige fo m bɛta a yɔ epe. Kaplɛkama nɛ fee yɔ, ndoŋ nɛ meeŋ yɔ. Kakpa nɛ feeŋ ya kaa wɔ, ndoŋ nɛ meeŋ baa wɔ. Fo basa beeŋ baa la ma basa nɛ fo Ebɔrɛ e baa la ma Ebɔrɛ.