Baru lela nɛ Jɔn kute na 1:31 - EBƆRƐ BE KAWƆL

³¹ Ma ere gbagba daa maŋ nyi mo, ama kusɔ nɛ k ba nɛ m ba kaa ta nchu a bɛr basa kabɔrɛbɛr na e la fanɛ Israɛlebi e wu mo nseŋ pin mo.”

Baru lela nɛ Jɔn kute na 1:31 ပူးပေါင်းရင်းမြစ်များ

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Matiu 3:13

Jemanɛ na so nɛ Yesu shi Galili be kasawule so n yɔ Jɔɔdan be lɔr to nɛ Jɔn e bɛr mo kabɔrɛbɛr.

Matiu 3:6

n ya bugi ŋgbene ŋ kaŋɛ mo bumo be alubiana pɔɛŋ nɛ e bɛr bumo kabɔrɛbɛr ashi Jɔɔdan be lɔr na to.

Luuk 1:17

E beeŋ ba kaa la kenya nɛ e beeŋ juŋkpar Enyɛnpe na a kɔ eleŋ nɛ Kiyoyu Cheeŋ nɛ anebi Elaija daŋ nya na. E beeŋ bar betuto nɛ bibi abar so n shin nɛ amukpakpasowuraana e fara a fɛ basa cheembi be nfɛra. E beeŋ chala basa n sa Enyɛnpe n shin nɛ b bela ase a jo mo.”

Baru lela nɛ Jɔn kute na 1:30

Mo nɛ n daa de saŋɛ nɛ n daŋ kaŋɛ le na fanɛ: ‘Kanyɛn ko wɔ ma kaman a ba na, ŋkpal manɛ so, e daŋ ma kebaawɔtɔ ashi Ebɔrɛ be anishito.’

Baru lela nɛ Jɔn kute na 1:32

Kede be kaman nɛ Jɔn ji le be shɛda ŋ kaŋɛ: “N wu Kiyoyu na ka shi ebɔrɛso ŋ gbelge m ba fanɛ lepɔ m ba shir a wɔ mo so.

Baru lela nɛ Jɔn kute na 1:33

Nɛ fanɛ esa nɛ e shuŋi ma fanɛ m ba ta nchu m bɛr basa kabɔrɛbɛr na daa maŋ ŋini ma mo, ma alɛ gba daa maaŋ pin mo. Le nɛ e daŋ kaŋɛ ma: ‘Esa nɛ feeŋ wu Kiyoyu Cheeŋ na ka beeŋ ba gbelge mo so n shir a wɔ mo to na e la esa nɛ e beeŋ shin nɛ Kiyoyu Cheeŋ na e gbelge basa so.’

Baru lela nɛ Jɔn kute na 1:7

E daŋ ba nna fanɛ shɛdajipo, kumo e la fanɛ e ba ji kefulto na be asheŋ be shɛda, saŋɛ na so, basa beeŋ bɔla mo so n yirda kumo.

Ashuŋ Shunso 19:4

Nɛ Pɔɔl kaŋɛ: “Kabɔrɛbɛr nɛ Jɔn daa bɛr basa na daa ŋini fanɛ basa na yɛ b lar bumo be alubi to, ama e daa kaŋɛ ekama nna fanɛ a daga fanɛ e yirda esa nɛ e wɔ mo ere Jɔn be kaman a ba na, mo e la Yesu na.”