Baru lela nɛ Jɔn kute na 1:18 - EBƆRƐ BE KAWƆL

¹⁸ Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 1:18 ပူးပေါင်းရင်းမြစ်များ

Jɛnesis 16:13

Ndoŋ nna nɛ Heega bishi mbe kumu le: “Ma alɛ e wu Ebɔrɛ nseŋ kraa wɔ ŋkpa to ere a?” Kumo be kaman nɛ e nase Enyɛnpe nɛ e daŋ malga mo kutɔ na ketre fanɛ “Ebɔrɛ nɛ e bee wu asheŋ.”

Jɛnesis 18:33

Enyɛnpetale nɛ Eebraham ka malga n loge nɛ e choŋ nɛ Eebraham malɛ bɛta n yɔ laŋ to.

Ɛksodɔs 23:21

Men baa kaŋ kusoe a nu mbe ebɔl nsaa wora mo kasonu. Men sa maŋ kaŋ wora kulubi kikɛ ŋ gbiti mo. Nɛ men baŋ wora kulubi ŋ gbiti mo, e maaŋ yige m paŋ menyi, ŋkpal manɛ so, ma eleŋ wɔ mo so nna.

Ɛksodɔs 24:10

Ndoŋ nɛ b wu Israɛl be Ebɔrɛ na, nɛ kaboŋ dɛdɛso nɛ k du fanɛ yawukpakpaso be kejembu nɛ baa tre safiri na nseŋ fulto parr fanɛ awɔlpa na, ka wɔ mbe aya be kaseto.

Aŋasa 8:30

N daa wɔ mo kutɔ nna fanɛ esa nɛ e nyi asɔ be kewora, nsaa chɛ mo to a lɔŋɛ asɔ nsaa du fanɛ kebibi. Ma kagbene bee fuli ma nna ashi mbe anishito, nɛ ma alɛ bee sa mo kagbenefuli kachɛ kama.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Nfabel 2:12

Akoŋ nɛ achukoŋ so, mbia bee shu nna a fin ajibi nɛ nchu bumo nioana kutɔ, bumo alɛ maa nya. Amoso baa kreŋ a tɔr nna fanɛ enapo ka doro kena to n tɔr na; nseŋ wu bumo nioana be enɔana to.

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Luuk 10:22

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 12:41

Anebi Aizaaya daŋ kaŋɛ le nna ŋkpal e ka daŋ wu Yesu be kemaŋkura nseŋ malga mbe asheŋ na so.

Baru lela nɛ Jɔn kute na 13:23

Bebɛsopo na be emo nɛ Yesu daa sha na daŋ chena nna m mata mo.

Baru lela nɛ Jɔn kute na 14:9

Nɛ Yesu bishi mo: “Filip, fo maŋ nyi ma a? Ma nɛ menyi kikɛ e baa wɔtɔ n chɛr le nɛ fo maŋ nyi ma a? Esa kama nɛ e wu ma, wu Etuto na nna na nɛ manɛ e ba nɛ fo kaŋɛ fanɛ: ‘Ŋini anyi Etuto na’?

Baru lela nɛ Jɔn kute na 17:26

N ta fo ŋ ŋini bumo, ma alɛ kraa beeŋ baa wora loŋ, saŋɛ na so, kasha nɛ fo kɔ a sa ma na beeŋ baa wɔ bumo to nɛ ma alɛ gba e baa wɔ bumo to.”

Baru lela nɛ Jɔn kute na 17:6

N ta fo asheŋ ŋ ŋini basa nɛ fo lara durnya ere to m bɔɔ ma enɔ na. B daa la feya nna nɛ fo ta bumo m bɔɔ ma enɔ nɛ b ta fo kamalga na n wɔtɔ bumo be ŋgbene to.

Baru lela nɛ Jɔn kute na 3:11

Kashenteŋ nɛ mee kaŋɛ fo na fanɛ kusɔ nɛ an nyi be asheŋ nɛ anyee malga nsaa ji kusɔ nɛ an wu na malɛ be shɛda, ama men kraa maŋ yirda shɛda nɛ anyee ji a sa menyi.

Baru lela nɛ Jɔn kute na 6:46

Ama mannɛ fanɛ esa daŋ wu Etuto na kenishiso nna. Emo nɛ e shi Ebɔrɛ na kutɔ na nawule e wu Etuto na.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Ditɛronɔmi 4:12

nɛ kananɛ Enyɛnpe Ebɔrɛ na bɔla edɛ na to m malga menyi kutɔ be asheŋ. Men daa nu kusɔ nɛ e daa kaŋɛ na nsaa pin to ama menyi alɛ daa maa wu mo kenishiso.

Kɔlɔsiebi 1:15

Ebɔrɛ Pibi na du fanɛ Ebɔrɛ nɛ basa maaŋ tiŋ n wu kikɛ na nna. Mo e la kusɔtoso kikɛ be enimu,

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

Joshuwa 5:13

Joshuwa ka bee taga to Jɛriko na, epul to nɛ e wu kanyɛn ko ka yili mbe anishito a kɔ tokobi to. Ndoŋ nna nɛ e ya bishi mo le: “Fo alɛ gba la anyi to be eko nna ŋko anyi doŋ e la fo?”

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.

1 Jɔn 4:20

Esa kama nɛ e bee kaŋɛ le: “Mee sha Ebɔrɛ,” mo alɛ nsaa kishi mo niopibi la efɛpo nna, ŋkpal manɛ so, esa nɛ e bee wu mo niopibi ŋkaa maaŋ tiŋ n sha mo, maaŋ tiŋ n sha Ebɔrɛ mo nɛ e maŋ naŋ wu kikɛ na.

1 Jɔn 4:9

Kananɛ Ebɔrɛ ŋini anyi mbe kasha nde: E shuŋi mo Pibinyɛn koŋwule nna durnya ere to fanɛ an bɔla mo so n nya ŋkpa.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.