Baru lela nɛ Jɔn kute na 1:17 - EBƆRƐ BE KAWƆL

¹⁷ Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Baru lela nɛ Jɔn kute na 1:17 ပူးပေါင်းရင်းမြစ်များ

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Maika 7:20

Feeŋ lara fo kashenteŋji nɛ kasha nɛ k maa loge na ŋ ŋini fo basa nɛ b la an nananyɛnana Eebraham nɛ Jeekɔb be kaman to ebi na, fanɛ kananɛ fo chɛr n nase kumo be kɔnɔ n sa bumo na.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 18:37

Ndoŋ nna nɛ Pailat bishi mo: “Kumo ere, ewura e la fo nna ŋko?” Nɛ Yesu kaŋɛ mo: “Kumo nɛ fo baa kaŋɛ na. Kesheŋ nɛ mee sha kekaŋɛ ere so nɛ b kurge ma. Kumo koŋwule na malɛ so nɛ m ba durnya ere to fanɛ m ba malga kashenteŋ na be asheŋ. Esa kama malɛ nɛ e wɔ kashenteŋ na to bee nu nna a sa ma.”

Baru lela nɛ Jɔn kute na 5:45

Ama men sa maa fɛ bre fanɛ ma e naaŋ yili Ebɔrɛ be anishito ŋ ŋini mo menyi be alubi. Ayai, esa nɛ e beeŋ shin nɛ menyi be alubi e dii efuli e la anebi Mosis nɛ men ta menyi be tama kikɛ n deŋi so na.

Baru lela nɛ Jɔn kute na 7:19

Mannɛ anebi Mosis e daŋ sa menyi mbra na ŋko? Ama men be ekama maa bɛ mbra na so. Nɛ manɛ e ba nɛ menyee sha kemɔ ma?”

Baru lela nɛ Jɔn kute na 8:32

Saŋɛ na so, menyeeŋ pin kashenteŋ na nɛ kashenteŋ na e shin nɛ men lar kenyaya to.”

Baru lela nɛ Jɔn kute na 9:29

An nyi Ebɔrɛ ka malga n sa Mosis, ama kanyɛn ere bre, anyi maŋ nyi kakpa nɛ e shi gba.”

Ashuŋ Shunso 28:23

Kede be kaman nɛ b sa Pɔɔl kachɛ nɛ baaŋ ba. Kachɛ na ka fo nɛ bumo be bedamta ba kakpa nɛ Pɔɔl daa wɔ na nɛ e baŋ yili chipurso m bɔ Ebɔrɛ be kuwura na to be asheŋ na ŋ ŋini bumo loŋ n ya fo kanyɛso. E daŋ bɛ Mosis be mbra na nɛ anebiana na be nsibɛ na so nna ŋ kɔ ga n fin keshin nɛ basa na yirda Yesu.

Ashuŋ Shunso 7:38

Mosis koŋwule na nɛ Israɛlebi nɛ b daŋ shɛr kiyi to na e daa la ndoŋ. Mo nɛ an nanaana nɛ malaika nɛ e daŋ malga mo kutɔ ashi Sainai be kebee na so e daa la. Mo nɛ Ebɔrɛ daŋ ta mbe kubɔya nɛ k maŋ kɔ ekar na n sa nɛ e ba sa anyi.

Romebi 6:14

A maŋ daga alubi ka ji menyi so kuwura, ŋkpal manɛ so, men maŋ naa wɔ mbra na to. Ebɔrɛ be kakɛ na be kebaawɔtɔ to nɛ men wɔ.

2 Kɔrintebi 1:20

Ŋkpal manɛ so, Ebɔrɛ be nnɔ naseso baa sha a baa shi kanaŋkamaso, amo kikɛ la mm be mmalga nna ashi Kristo to. Amoso, mo so nɛ anyee bɔla a shuli ‘Amɛn’ a ta kemaŋkura a sa Ebɔrɛ.

Galeeshaebi 3:17

Kusɔ nɛ mee ŋini nde fanɛ: Ebɔrɛ e daŋ nase kɔnɔ fanɛ e beeŋ bɛ kɔnɔ na so. Kumo be nfɛ alfa ana nɛ adesa be kaman nɛ mbra na lar, ama mbra na maaŋ tiŋ m ba jija Ebɔrɛ be kɔnɔ naseso na nseŋ kpra kumo.

Ditɛronɔmi 33:4

Anyeeŋ wora mbra nɛ Mosis ta n sa anyi na kasonu. Anyi be kapetɛgboŋ nɛ anyee sha ga nna na.

Ditɛronɔmi 4:44

Kananɛ Mosis ta Ebɔrɛ be mbraana nɛ mbe keŋini n sa Israɛl be basa na nde.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Hibruwebi 9:22

Kashenteŋto malɛ, mbra na bee ŋini fanɛ ŋklaŋ nɛ baa ta a fɔr asɔ be galeŋga so, nɛ ŋklaŋ malɛ baa maŋ lar, Ebɔrɛ be keta alubi m paŋ basa maŋ wɔtɔ.