Baru lela nɛ Jɔn kute na 1:10 - EBƆRƐ BE KAWƆL

¹⁰ Durnya ere to nɛ e daa wɔ a la esa nɛ Ebɔrɛ bɔla mo so n to durnya, ama kumo alɛ daa maŋ pin mo.

Baru lela nɛ Jɔn kute na 1:10 ပူးပေါင်းရင်းမြစ်များ

Jɛnesis 16:13

Ndoŋ nna nɛ Heega bishi mbe kumu le: “Ma alɛ e wu Ebɔrɛ nseŋ kraa wɔ ŋkpa to ere a?” Kumo be kaman nɛ e nase Enyɛnpe nɛ e daŋ malga mo kutɔ na ketre fanɛ “Ebɔrɛ nɛ e bee wu asheŋ.”

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 18:33

Enyɛnpetale nɛ Eebraham ka malga n loge nɛ e choŋ nɛ Eebraham malɛ bɛta n yɔ laŋ to.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Baru lela nɛ Jɔn kute na 1:11

E daŋ ba mo gbagba be efuli so nna, ama mbe basa gbagba daa maŋ sɔ mo.

Baru lela nɛ Jɔn kute na 1:18

Esa kama maŋ naŋ wu Ebɔrɛ kenishiso. Ebinyɛn koŋwule, nɛ e tase m mata Ebɔrɛ na, nawule e ŋini basa kananɛ Ebɔrɛ du.

Baru lela nɛ Jɔn kute na 1:3

Mo so nɛ Ebɔrɛ bɔla n to kusɔ kikɛ. Kusɔ toso kikɛ maŋ wɔtɔ nɛ Ebɔrɛ maŋ bɔla Kamalga na so n to.

Baru lela nɛ Jɔn kute na 1:5

Kefulto na malɛ wɔtɔ nna a nyaŋɛ a fuli tentembiri to, ama tentembiri na malɛ maŋ naŋ pɔɔ kumo so.

Baru lela nɛ Jɔn kute na 17:25

Etuto nɛ e la Elelapo, kashenteŋ nna fanɛ durnya ere to ebi maŋ nyi fo, ama ma ere nyi fo nɛ bede malɛ gba nyi fanɛ fo e shuŋi ma.

Baru lela nɛ Jɔn kute na 5:17

Nɛ Yesu kaŋɛ bumo: “Saŋkikɛ n Tuto bee shuŋ nna, amoso, a daga fanɛ ma alɛ gba e baa shuŋ loŋ.”

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 2:8

Basa nɛ b kɔ eleŋ durnya ere to daa maŋ nyi le be kanyiasheŋ ere, ŋkpal manɛ so, nɛ b daa nyi kumo nna, b daa maaŋ gbir an Nyɛnpe mo nɛ e kɔ kemaŋkura na m mata kedibi largato so.

1 Kɔrintebi 8:6

ama anyi ere kutɔ Ebɔrɛ koŋwule e baa wɔtɔ, mo e la Etuto mo nɛ kusɔ kikɛ shi mo kutɔ, mo alɛ so nɛ an wɔtɔ na. Enyɛnpe koŋwule, Yesu Kristo na malɛ e wɔtɔ, mo nɛ Ebɔrɛ bɔla mo so n to kusɔ kikɛ mo alɛ nsaa sa anyi ŋkpa na.

Kɔlɔsiebi 1:16

ŋkpal manɛ so, Ebɔrɛ shin nɛ mo Pibi to asɔ kikɛ, amo nɛ a wɔ ebɔrɛso nɛ amo nɛ a wɔ kasawule so, amo nɛ basa beeŋ tiŋ n wu nɛ amo nɛ basa maaŋ tiŋ n wu, kuwurjiana nɛ eleŋana, esoso be kenimujipoana nɛ bejuŋkparpoana. Ebi na e to amo kikɛ nɛ b baa bunyaŋ mo.

Hibruwebi 11:3

Yirda so nɛ an pin fanɛ kamalga nɛ Ebɔrɛ daŋ ta n to esoso nɛ kasawule kikɛ. Amoso, asɔ nɛ anyee wu ere shi kusɔ nɛ esa daa maŋ wu kenishiso nna.

1 Jɔn 3:1

Men keni kananɛ Etuto na sha anyi loŋ n shin nɛ baa tre anyi mbe mbia, kumo alɛ maŋ kɔ emɔrɔ malɛ fanɛ an ka la mbe mbia. Amoso nɛ durnyaebi maa pin anyi to na. Ebɔrɛ nɛ b maŋ pin to pɔɛŋ.