Jɛremaya 7:32 - EBƆRƐ BE KAWƆL

³² Ŋkpal loŋ so, kachako bee ba nɛ b maaŋ naa tre kakpa na Tofɛf ŋko Hinnɔm be ketaŋɛ, ama baaŋ baa tre kumo Kamɔ be ketaŋɛ. Ndoŋ nɛ baŋ baa puli basa, ŋkpal kakpa ka maaŋ naa wɔtɔ nɛ b puli bubuni so.

Jɛremaya 7:32 ပူးပေါင်းရင်းမြစ်များ

2 Bewura 23:10

Ewura Josaya daŋ bɔla daŋkare be ekpa so nna n jija Tofɛf nɛ k wɔ Bɛnhinnɔm be ketaŋɛ to be bɔrɛsure na, saŋɛ na so b maaŋ naa ta bumo be bibinyɛn ŋko bibiche a lara sarga a sa Mɔlɛk be kegbir na.

Jɛremaya 19:11

nseŋ kaŋɛ bumo kusɔ nɛ e bee shin nɛ e kaŋɛ ere. E yɛ: “Meeŋ shin nɛ Juda be efuli na nɛ Jerusalɛm be kadegboŋ ere e bure fanɛ kananɛ kapuya ere bure nsaa maŋ naa kɔ kebela n chuge abar so ere. Basa beeŋ ta bumo be bubuni m ba kaa puli Tɔfɛf nfe, ŋkpal manɛ so, kakpa maaŋ naa wɔtɔ kaplɛkama nɛ b baa puli bubuni.

Jɛremaya 19:2

m bɔla kabunagboŋ nɛ baa tre Mpuya bureso be Kabunagboŋ na to n yɔ ketaŋɛ nɛ baa tre Hinnɔm be Ketaŋɛ na to n ya bɔ kubɔya nɛ e beeŋ sa ma ndoŋ na n sa bumo.

Jɛremaya 19:6

Amoso, men baa da so! Kachako bee ba nɛ b maa naa tre kakpa ere Tɔfɛf ŋko Hinnɔm be Ketaŋɛ. Ama baaŋ baa tre kumo Kamɔ be Ketaŋɛ.

Jɛremaya 31:40

Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”

Jɛremaya 7:31

Bumo alɛ naŋ pɔr kegbirsure nɛ baa tre Tofɛf na ashi Hinnɔm be ketaŋɛ to, saŋɛ na so baaŋ baa chɔɔ bumo be mbia edɛ to a lara esarga kumo so. N daŋ maŋ yili loŋ n sa bumo fanɛ b baa wora. M maŋ naŋ fɛ kumo be asheŋ gba kuraa.

Ezikɛl 6:4

Meeŋ bure agbirsure nɛ eduwusure na kikɛ nyam nseŋ mɔ basa nɛ b wɔ ndoŋ na kikɛ n nase bumo be agbirana be anishito.

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.