Jɛremaya 6:26 - EBƆRƐ BE KAWƆL

²⁶ Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Jɛremaya 6:26 ပူးပေါင်းရင်းမြစ်များ

Jɛnesis 21:16

Kumo be kaman nɛ e yɔ anishito fanɛ ayadra alfa asa n ya chena, a fɛ mbe kumu to le: “M maaŋ tiŋ n yili ŋ keni ma kebia nɛ e wu.” E ka tase ndoŋ na nɛ keboltofinfiŋ pɛ mo nɛ mbe anishichubi fara a wurge.

Job be kawɔl 15:21

Asheŋ nɛ e bee keta kufugboŋ na nawule be asheŋ nɛ baa nu saŋkikɛ. Jemanɛ nɛ asheŋ bee nite nɛnɛ a sa bumo na nɛ beyu nɛ baa suge basa be asɔ na bee baa kaa suge bumo be asɔ.

Job be kawɔl 2:8

Ndoŋ nna nɛ Job lar n ya chena kumuni so nseŋ ta kapɛlanfu a kuti mbe achuu na to.

Aizaaya 22:12

Enyɛnpetale Ebɔrɛ na daŋ kaŋɛ menyi loŋ be kachɛ na fanɛ men baa shu anishichubi nsaa boŋ to awɔrso, nseŋ she menyi be amu m buu keeli be asɔbuuso.

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Aizaaya 3:24

Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Aizaaya 30:13

Men wora n jija. Men ki fanɛ egbal jeŋgreŋ nɛ k yili esoso m baŋɛ m ba fo kaseto nna. Menyi alɛ beeŋ tiŋ n tɔr epul to.

Aizaaya 32:11

Men daa wɔtɔ nna fanɛ shɛŋ ka maŋ tir menyi, ama naniere men shin kufu e baa kɔ menyi nɛ men baa chicha! Men gbaŋ menyi be asɔbuuso n lɛ nseŋ ta keeli be asɔbuuso m buu.

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 14:17

Kumo be kaman nɛ Enyɛnpe Ebɔrɛ na kaŋɛ ma kenishipereso fanɛ n ya kaŋɛ basa na kebɔltofinfin nɛ k wɔ ma to be asheŋ. Ndoŋ nna nɛ n ya kaŋɛ bumo le: “Kapa nɛ kanyɛ, ma anishi maa paŋ anishichubi ŋkpal ma basa be awurfoŋ damta nɛ baa ji na so.

Jɛremaya 15:8

Juda be kasawule so be bekulpoche beeŋ ba kaa chɔ teku ase be eshishɛr gba. Meeŋ shin nɛ menyi be mbrantiɛfɔlbi e wu nɛ bumo nioana e ji awurfoŋ. Meeŋ shin nɛ kagbenejija nɛ kufugboŋ e tɔr bumo so epul to.

Jɛremaya 18:22

Enyɛnpe Ebɔrɛ, basa ere kur amaŋ nna fanɛ n tɔr amo to nseŋ naŋ fe ajigbelɛ a jo ma. Jemanɛ nɛ bedoŋ be benapo beeŋ ba kɔ bumo kena ashi bumo be elaŋana to na, shin nɛ kufugboŋ e tɔr bumo so nɛ b baa shu a boŋ to.

Jɛremaya 30:5

“N nu basa ka bee boŋ to a shu kufugboŋ so, mannɛ kayurwushi be kushu e daa la.

Jɛremaya 4:11

Jemanɛ ko bee ba nɛ Jerusalɛm to be basa e nu fanɛ afu tushiso ko bee shi keshishɛrsawule so a ber a ba bumo so. K maaŋ baa la afu nɛ k bee chela a ber amimi a lɛ na nna.

Jɛremaya 4:20

Jemanɛ kikɛ nɛ anyi nɛ edoŋ na baa kɔ kena, mee wu fanɛ e bee kɔ a pɔɔ anyi so nna nsaa mur kusɔ kama ashi kasawule na so. Epul to nɛ e mur ŋ gbagba be laŋ.

Jɛremaya 4:8

Amoso men ta nli be asɔbuuso m buu nsaa shu a boŋ to, ŋkpal manɛ so, Enyɛnpe Ebɔrɛ na be kanya agbogboŋ maaŋ wushi Juda be efuli so be basa so.

Jɛremaya 6:14

Baa wora asheŋ nna fanɛ ma basa be asheŋ lubi na ka maŋ la shɛŋ. B yɛ, ‘Kusɔ kama bee nite nɛnɛ nna.’ Saŋɛ so nɛ asheŋ malɛ maa nite nɛnɛ.

Jɛremaya 8:19

Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Jɛremaya 8:21

Ma basa ka bee wu etɔrɔ so k bee tɔrɔ ma alɛ gba be kagbene to nna. K shin nna nɛ ma kagbene jija ma ga, nɛ mee shu a sa bumo.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 3:16

E ta ma anishi to ŋ gbiti kasawule, nɛ ajembu buri ma anyii.

Nfabel 3:48

Mee shu anishichubi damta nna, ŋkpal ma basa ka mur so.

Nfabel 4:10

Kemurgboŋ nɛ k daŋ ba ma basa so na daŋ shin nɛ beche nɛ baa sha bumo be mbia ga gbagba daŋɛ bumo be mbia nɛ b wu nna n we ŋkpal akoŋ so.

Nfabel 4:3

Ejiŋkamu gba bee nyipo bumo be bibi wurbi, ama ma basa bre ki fanɛ keshishɛrsawule so be mbuibi nɛ baa shile a ka bumo be bibi a wora bumo be mbiwurbi na kumu kpakpaso nna.

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Jona 3:6

Kubɔya na ka tu Ninɛve be ewura gba, nɛ e koso mbe kuwurputi so m bugi mbe kuwurpiŋi n nase, nseŋ ta kagbenejijaso be asɔbuuso m buu n ya chena nsunɔ to.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Luuk 7:12

E ka baŋ ba kaa fo kade na be kabuna nɛ b sulɔ ebuni a yɔ nɛ b ya puli. Ebuni na daa la ekulpoche ko be ebi koŋwule nna nseŋ wu nɛ kade na to be basa damta ko bɛ ekulpoche na so a lar a yɔ nchaŋ na ase.

Jeems 4:9

Men shin nɛ men be ŋgbene e baa jija menyi nɛ men baa boŋ to a shu ŋkpal men be alubi na so. Men shin nɛ men be emushe nɛ men be ŋgbenefuli e ki kushu nɛ kenawule be ŋgbenejija.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.