Jɛremaya 52:31 - EBƆRƐ BE KAWƆL

³¹ Babilɔn be Ewura Nebukadneeza daŋ pɛ Juda be ewura Jehowachin nna n ya ti ebu nfɛ adesa nɛ ashunu ashi Babilɔn be efuli so. Kafɛ nɛ ewura Nebukadneeza wu nɛ mo pibinyɛn, Ivɔl Mɛrodak, nɛ e sɔ mo so n ji Babilɔn be kuwura na wu ewura Jehowachin kuwɔr n shin nɛ b lara mo kabuti to.

Jɛremaya 52:31 ပူးပေါင်းရင်းမြစ်များ

Jɛnesis 40:13

Ta a ba nchɛ asa to, Fɛɛro beeŋ lara fo kabuti ere to n shin nɛ fo naŋ ya kaa yil eyilikpa nɛ fo daa yil na a ta kusɔnuuasɔ nɛ kumo be asɔ a sa mo Fɛɛro fanɛ kananɛ fo daa wora na.

Jɛnesis 40:20

Edareana na be kaman be kachɛ sasopo na daa la Fɛɛro be kakurgeachɛ nna nɛ e wora kejigboŋ n sa mbe benimu kikɛ nseŋ lara asɔnuuso kenipo nimuso na nɛ bodobodo worapo nimuso na ashi kabuti to m ba benimu kikɛ be anishito.

Job be kawɔl 22:29

Nɛ beko tɔr kebaawɔtɔ to gba, nɛ fo kule Ebɔrɛ n sa bumo e beeŋ nu fo kekule nseŋ maŋ bumo so.

Nshɛ 27:6

Ndoŋ nna nɛ ŋ kɔ m pɔɔ n doŋana so nseŋ lara sarga ashi mbe bɔrɛlambu to; nseŋ cha awɔr kagbenefuliso m boŋ nshɛ m fur Enyɛnpe Ebɔrɛ na.

Nshɛ 3:3

Ama, fo Enyɛnpe Ebɔrɛ na, e naa kuŋ ma saŋkikɛ. Fo e naa shin nɛ mee kɔ a pɔɔ so, nsaa shin nɛ mee nya bunyaŋgboŋ nɛ keleŋto.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Jɛremaya 37:1

Babilɔn be ewura Nebukadneeza daŋ lara ewura Jehowakim pibinyɛn Jehowachin kuwura to nna nseŋ buu ewura Josaya pibinyɛn, Zɛdikaya Juda be efuli so be kuwura.