Jɛremaya 52:28 - EBƆRƐ BE KAWƆL

²⁸ Juda be basa nɛ ewura Nebukadneeza pɛ anya n yɔ Babilɔn be efuli so be kananɛ b sa nɛ b sibɛ n nase kebɛso kebɛso nde. Mbe kuwurji be kafɛ shunusopo to basa ŋgboŋ asa nɛ adunyɔ nɛ asa nɛ e pɛ ashi Jerusalɛm n yɔ Babilɔn.

Jɛremaya 52:28 ပူးပေါင်းရင်းမြစ်များ

2 Kronikɛls 36:20

E daŋ pɛ basa nɛ b maŋ wu kena to na nna n yɔ Babilɔn be efuli wɔfɔ na nɛ b ya ki mo nɛ mbe mbia be anya hale n ya fo jemanɛ nɛ Pɛshiya be efuli so be kuwurji fara a ji eleŋ na.

Ɛzra 2:1

Basa nɛ ewura Nebukadneeza daŋ pɛ n yɔ kenyaya to ashi Babilɔn be efuli so nɛ bumo be galeŋga daŋ naŋ bɛta m ba bumo ndeana to ashi Juda be efuli so na e daa la.

Nehemaya 7:6

Basa nɛ b pɛ n yɔ Babilɔn be efuli so na be galeŋga bɛta m ba Jerusalɛm nɛ Juda be efuli so nna. Ekama daŋ yɔ mbe kade to nna. Jemanɛ nɛ ewurgboŋ Nebukadneeza daŋ pɛ bumo fanɛ anya n yɔ na, bumo be nnaŋ to be basa daa wɔ kadegboŋ nɛ baa tre Babilɔn na nna.

Jɛremaya 13:19

Bedoŋ teŋ ba kulti ndeana nɛ e wɔ Juda be kelargato be kaseto be kaba so be keshishɛrsawule so nna n wɔtɔ nɛ esa kikɛ maaŋ naŋ tiŋ n luri ŋko n lar amo to. B teŋ pɛ Juda be basa kikɛ fanɛ anya n yɔ efuli pɔtɛana nɛ e wɔ kufɔ kufɔ so.”

Jɛremaya 52:29

Mbe kafɛ kuduaburwasopo to malɛ basa alfa aburwa nɛ adesa nɛ anyɔ nɛ e pɛ n yɔ Babilɔn.

Nfabel 1:5

Bedoŋ e naa ji kadegboŋ na so kuwura nsaa wɔ kumo to a wora bumo be kepar. Enyɛnpe Ebɔrɛ na e gberge Jerusalɛm be basa kusoe ŋkpal asheŋ lubi damta nɛ b wora na so. E shin nɛ bedoŋ pɛ bumo ŋ ki anya nna n yɔ efuli wɔfɔ so.

Ezikɛl 12:11

Kaŋɛ bumo fanɛ kusɔ nɛ fo wora n ŋini bumo na la tɔɔnɛ nna a ŋini kusɔ nɛ k beeŋ wora bumo echefoso. Kusɔ nɛ n wora ere e naaŋ tu menyi echefoso. Baaŋ pɛ menyi n tintiŋ menyi n yɔ efuli pɔtɛana so.