Jɛremaya 52:24 - EBƆRƐ BE KAWƆL

²⁴ Ade be kaman nɛ Nebuzaradan naŋ pɛ Seraiya nɛ e la bɔrɛmatapo nimuso na nɛ Zefanaiya nɛ e bɛ Seraiya so nɛ bɔrɛlambu na to be benimu asa ko gba n ti so.

Jɛremaya 52:24 ပူးပေါင်းရင်းမြစ်များ

2 Bewura 23:4

Ewura Josaya daŋ shin nna nɛ bɔrɛmatapo nimuso Hilkiya nɛ bɔrɛmatapoana nɛ b bɛ mbe kaman na nɛ bekumpo nɛ baa kuŋ bɔrɛlambu na be kabuna na lara asɔ nɛ b kɔ a shuŋ Baal be kegbir na nɛ kegbirche Ashira nɛ achɛkpabi na ashi bɔrɛlambu na to. E daŋ shin nna nɛ b ta asɔ na kikɛ n lar kade na be ekarso a mata Kidrɔn be ketaŋɛ na ase n ya chɔɔ amo nseŋ ta amo be nsunɔ n yɔ Bɛtɛl.

2 Bewura 25:18

Ade be kaman nɛ benapo be enimu Nebuzaradan naŋ pɛ bɔrɛmatapo nimuso Seraiya nɛ Zefanaiya nɛ e bɛ mo so na, nɛ bɔrɛlambu na to be benimu asa ko gba n ti so.

1 Kronikɛls 6:14

Sɛraya nɛ Jehozadak.

Ɛzra 7:1

Asheŋ ere kikɛ be kaman nɛ anebi Ɛzra shi Babilɔn be efuli so m bɛta m ba Jerusalɛm Pɛshiya be ewurgboŋ Atazɛzɛs be jemanɛ to. Kananɛ anebi Ɛzra be kanaŋ to lar nde: Ɛzra mo tuto e daa la Seraya, nɛ Seraya malɛ mo tuto daa laa Azariya nɛ mo alɛ daa la Hilkiya pibinyɛn.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 21:1

Juda be efuli so be ewura, Zɛdikaya daŋ tre Malkiya pibinyɛn nɛ baa tre Pashɔ na nɛ Maseiya pibinyɛn nɛ baa tre Zefanaiya nɛ e la bɔrɛmatapo na nna n shuŋi ma kutɔ fanɛ b ba kaŋɛ ma le:

Jɛremaya 29:29

Kawɔl na ka ba Zefanaiya kutɔ nɛ e kraŋ kumo n sa ma.

Jɛremaya 34:21

Ma alɛ beeŋ ta Juda be ewura Zɛdikaya nɛ mbe benimuana m bɔɔ Babilɔn be ewura nɛ mbe benapo nɛ b maŋ naa kɔ menyi kena na enɔ nɛ b mɔ.

Jɛremaya 35:4

m ba bɔrɛlambu na to. Kumo be kaman nɛ ŋ keta bumo n luri anebi Hanan nɛ mo tuto daa la Igdaliya na be bebɛsopo be ebu to. Ebu na daa wɔ Shallum pibinyɛn, Maaseia nɛ e daa la bɔrɛlambu na to be beshumpo na be enimugboŋ ko na be ebu be awɔlto nna nɛ k mata benimuana na be beko be peya.

Jɛremaya 37:3

Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 52:12

Ewura Nebukadneeza ka ji Babilɔn be efuli so be kuwura be kafɛ kudu akpanu to be kufɔl nusopo to be kachɛ kudusopo na nɛ Nebuzaradan nɛ e la ewura be asoetojipo nɛ benapo nɛ baa kuŋ mo na be enimu na ba Jerusalɛm to,

Jɛremaya 52:15

Nɛ Nebuzaradan keta betirpo nɛ basa nɛ b nyi enɔ to be ashuŋ na nɛ bumo nɛ b daŋ shuli m bɛ ewura Nebukadneeza nseŋ kraa wɔ Jerusalɛm to na kikɛ n yɔ Babilɔn be efuli so.

Nfabel 4:16

Bumo be asheŋ daa maŋ naŋ tir Enyɛnpe Ebɔrɛ na, amoso mo gbagba e daŋ shin nɛ b pesaŋ to n sɔ kaplɛkama. E daa maŋ naa sa anyi be anebiana nɛ bɔrɛmatapoana na bunyaŋ ŋko a wu bumo kuwɔr gba.

Ezikɛl 11:7

“Amoso kusɔ nɛ Enyɛnpetale Ebɔrɛ kaŋɛ e la fanɛ basa nɛ men mɔ n lɛ kaplɛkama na e ki eblaŋ nɛ kadegboŋ na malɛ ki kapuliya ama e beeŋ tintiŋ menyi n lar Jerusalɛm to.

Ezikɛl 24:5

Kubɔlpo lela ga be eblaŋ nɛ awibi e daga fanɛ fo ta n wɔtɔ kadaŋɛ na to. Nseŋ gbar ndibi n wɔtɔ edɛ na to, saŋɛ na so a beeŋ falte nɛ eblaŋ na nɛ awibi na e bel.

Ezikɛl 34:10

Ma, Enyɛnpetale Ebɔrɛ na yɛ ma nɛ menyi maŋ naa kɔ shɛŋ. Ma alɛ beeŋ suge ma mbolpɔ menyi be enɔ to nɛ menyi maaŋ naa la bumo be ekpapo a nya bumo a mɔ a we.