Jɛremaya 51:7 - EBƆRƐ BE KAWƆL

⁷ Babilɔn daa du fanɛ shuwa be kawiebi nɛ ma, Enyɛnpe Ebɔrɛ na be agbo daŋ bɔlɔ kumo nna, nɛ k shin nɛ durnya be efuli kikɛ so be basa nuu kawiebi na to m boo nseŋ daa wora asheŋ fanɛ b ka bee lɔ eboŋ na.

Jɛremaya 51:7 ပူးပေါင်းရင်းမြစ်များ

Aizaaya 14:4

E kaŋ wora loŋ n loge nɛ bumo alɛ e wora Babilɔn be efuli so be ewura eyur to nseŋ kaŋɛ le: “Ewura nyaŋnyaŋso na e tɔr na! E maaŋ naŋ tiŋ ŋ kɔrfɛ esa kikɛ!”

Jɛremaya 13:13

Kumo be kaman nɛ fo kaŋɛ bumo fanɛ ma, Enyɛnpe Ebɔrɛ na beeŋ shin nɛ basa nɛ b wɔ kasawule ere so kikɛ e nuu yabra m boo. Bewura nɛ b shi Ewura Deevid be kanaŋ to nɛ bɔrɛmatapoana nɛ anebiana nɛ Jerusalɛm to be basa kikɛ beeŋ nuu amo m boo.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 50:38

Ewule beeŋ tɔr menyi be kasawule so, nɛ elɔr nɛ mbombiana kikɛ e wɔl to. Ade kikɛ beeŋ wora, ŋkpal manɛ so, agbirana e bɔlɔ menyi be kasawule so n shin nɛ men ki bewulpo.

Ezikɛl 23:42

Kaaseso kikɛ bumo be ebu daŋ baa bɔlɔ keshishɛrsawule so be benyɛn damta nɛ baa cha awɔr nsaa ji bumo be amu nna. Benyɛn na daa sa beche na enɔ to be mpini nɛ awurwuro lela nna.

Danɛl 2:32

Shuwa lela nɛ b daŋ ta n lɔŋɛ kumo be kumu nseŋ ta gbiti malɛ n lɔŋɛ kumo be kagbene nɛ mbre; n ta danyaŋ n lɔŋɛ kumo be nteto n ya fo kumo be abembi to.

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”

Kelaraŋŋini 17:2

Kasawule ere so be bewurgboŋ nɛ sakalechegboŋ na ji abar kesakalea so nɛ durnya ere to be basa malɛ nuu mbe kesakalea be nsa m boo.”

Kelaraŋŋini 17:4

Kache na daŋ buu jilmaso be wajɛ peper kunɔkunɔ nɛ wajɛ peper soo nna nɛ shuwa nɛ ajembubi lela nɛ amo be yawu du kpakpa na nɛ abitasɔ kikɛ wɔ mo so a nyɛkpɛ palpal. E daa kɔ shuwa be kawiebi mo nɛ k bɔlɔ alemaŋkar be alubi be asɔ nɛ kesakalea be eyurpi to nna.

Kelaraŋŋini 18:23

Esa maaŋ naŋ wu fitila be kefulto fo to kikɛ ŋko n naŋ nu kejafɔ bumo kulana nɛ kejafɔana be ebɔlana ashi fo to. Fo yawujipoana e daa la durnya ere to kikɛ be bejuŋkparpo, fo alɛ be ŋkilgi e daŋ shin nɛ durnya kikɛ foe ekpa.”

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”